ناس مبتعرفش تبيع ؟؟؟

[PoweRPassioN]

أستمتعت فعلا بالموضوع والمشاركات
تسلم الايادي

[Eng_hatemfathy]

تسلم ايديكو ياشباب على مشاركتكم الجميلة
والله يكون في عونك يا أستاذ حاتم ويكون في عون كل واحد مصري شريف ونزيه ... وفعلاً بلدنا لازم تنضف بأه ، الناس بتنصب على الناس وناس بتغش الناس ... ومفيش لادولة ولا قنون تحمي الناس ، ولا تحفظ حقوقهم ... لدرجة ان كل انسان بأه حاسس أنو مش عايش في دولة محترمة ليها اسم بل كل واحد حاسس انو عايش في غابة والشاطر الي يعرف يمد أيدو ويخطف اللقمة من بق غيرو ، الشاطر الي يعرف يجيب حقو بدراعو الشاطر الي مش يعيش شريف الشاطر الي يعرف ينصب ويضحك على الناس ويستخف بيهم وياكول حقوقهم ، يارييتني أقدر أقول غابة ده حتى الغابة بتبقى جميلة كلها زرع وشجر وجوها جميل .. وإن شاء الله في موضوع قريب هطرحو مين بيدفع التمن غلطتو ؟

لكن بالعودة لموضعنا موضوع الحرفين ... ده بأه يخلي الواحد يشك في كعب رجلوو ... زي بالضبط كنت قاعد مع شب بحاول اقنوعو انو يتجوز والجواز حلو ولازم تفرح ولدك وتستقر بأه ... لقيت نظرتو غريبة وبيقولي أيش ضمني أن البنت لسه زيرو وفبريكة وماعملتش عملية قبل كده وكل يوم نسم عن العمليات ... ورغم صغر سنو الا أني معرفتش أرد عليه غير أني أقولوا وكل همومك لرب العالمين واظفر بذات الدين تربت يداك والطيبون للطيبات ، قام رد علي وقالي ما هو انا المشكلة مش طيب قلتلو يوووووووووووووووه خلاص هتلاقي وحده خبيثة زيك روح غور من قدامي .

بس الشاهد في الموضوع أن تصور الشب الي عاوز يجوز ومقدم على خطوة زي كده قد أيه الشك مالي قلبو ... وده جواز ... فتصور الان حتى لمن الواحد يحط شقى عمرو في عربية قد أيه الشك مالي قلبو حتى وهيا عليها الاستيكرات بتاعتها ... وكل ده ليه لأن مفيش قانون في البلد يحمي المستهلك ولا في سجل للعربية في المرور ... ده المصيبة انك كمان تشتري عربية وتطلع مسروقه أو ملهاش ورق أو مضروب ليها ورق وتوكيلاتها مزورة طيب انتا كأنسان بسيط هتعرف منين وتتأكد أزااااااااااااااااااي وعقابل ما تتأكد ياترى العربية هتفضل موجوده تضمن منين أنها مش هتتباع ؟؟؟؟؟؟

بجد ربنا يكون في عون كل واحد أسمو مصري .

الله يبارك فى حضرتك ويحفظك
والله فعلا الموضوع ان الثقة كل يوم بتتشال من قلوبنا فى اى حاجه وبقينا بنقدم الشك على اليقين بالرغم من قاعدة اليقين لا يزول بالشك
اصبحت عندنا كمية عقد من كتر ما بنسمع ونشوف الجوازات بقت حروب علشان اهل البنت بيأمنوا مستقبلها والعريس خايف من قوانين جى جى وسوسو اللى خربت البيوت وبهدلت الرجاله والحريم بل والعيال كمان
الكل بيعمل ناصح وقت البيع والشرا وفى الاخر بيلاقى نفسه لابس مصيبه او خازوق محترم
وبالنسبه لصاحبك بتاع الجواز ليه حق لانه لف وشاف البنات والعياذ بالله بتعمل ايه وبيتعمل فيها ايه وبلاش وبعد كده بترجع صاغ سليم ب 18 دولار -حاجه تقرف وحاجه تكسف
مين بعد كل ده يفكر يتجوز لانه حتى لو دور على صاحبة الدين والبيت المحترم هيكون خايف انها تكون لفت ودارت قبل كده من ورا اهلها وتابت وصلحت نفسها والعياذ بالله انا مش قصدى ان البنات كلهم او حتى ربعهم كده لان بلدنا لسه فيها خير بس اللى الواحد بيشوفه فى الشارع وفى النادى وفى المصايف يزهل العقل وللاسف انا لما شيطانى بيوزنى وبخرج برجع متنكد من كتر اللى شفته وانى مش عارف امسك نفسى لان غض البصر اصبح اشبه بالمستحيل فى الشارع على يمينك وعلى شمالك حتى لو رفعت راسك فوق هتلاقى بوستر او بانر مصيبه لو بصيت فى الارض هتشوف البوت وتحته ......
البلد بقت متفرقش حاجه عن امريكا واوربا فى الفساد وفى النواحى الايجابيه صفر على الشمال
ربنا يتوب علينا ويحفظنا

[maryano]

موضوع هايل و طريقه كتابته ممتازه
فعلاا بقينااا عيشين في بلد الفهلوة الفرغه فلحين بنضحك علي نفسينااا و كل العالم بيضحك علينااااا اما حكايه الجواز فعلااا البنت تبقي عملا بلاوي و اهلهااا فكرينهاا الملاك و تيجي تسال عنهاا تلاقيهاا من بيت كويس تيجي تسال عنها واحد صحبك يعرف واحد زميلو كان معاهاا في الجامعه يؤلك حاجاات تانبه خالص اكنك بتتكلم عن واحدة تانيه ودة حصلي عن تجريه شخصيه

[me_medoo]

الحاجه الي تغيظ بجد بجد ...
لمن تيجي تشتري عربية مستعملة مثلاً موديل 2008 على أياميها كانت العربية كبيرها قوي 90 او 95 ألف جنيه عدة الايام والسنين ونيزل موديل 2012 كل سنة وانتم طيبيبن بالشكل الجديد على 160 الف جنيه ... المهم العربية دي مستعمله صاحبها عاوز يبعها على كام عاوز يبعها ب 120 الف جنيه ... قلت ليه قالي يابيه بص للزيرو ، الزيرو دلوقتي ب160 قلتلو يا حبيب قلبي عربيتك انتا شاريها ب90 والفل اوبشن منها ب95 الف على ايميها وبعد أربع سنين أستخدام وبعد ما مشيت بيها كل الكيلومترات دي وهلكتها ولعنت سلسفينها عاوز تبيعها على 120 الف ليييييييييييييييييه أنشاء الله كنت شاري دهـــــــــــــــــب ولا ألماااااااااااااس ... دي عربييييييييييييييييييييية

يأأأأأأأأأأأأأأأأأأأأأأم الغباء بتاع الناس ...
لا وفالحين يقولولك لدواعي السفر علشان يبينلك انو العربية كويسة وزي الفل بس هو هيبعها علشان مسافر تقلش خلاص شاف بلد تاني هيعيش فيها غير مصر ومش راجع تاني خالص ههههههههههه ... والي يقولك حالة شاذة ... يعني العربية ماشية تتقصع وتاكول لبانة وهيا ماشية ولا أخترع حاجة جديدة فيها ... ولا هو الي بيحافظ على عربيتو في الزمن ده بيبقى شااااذ ... والي يقولك الاتصال للجادين فقط ... يعني واحد هيتصل عليك ويخسر تمن مكالمة علشان يهزر ... والي يقلك الوسطاء يمتنعون منعاً للأحراج طيب وانتا أيش عرفك أن الي هيشتريها ده تاجر ولا هيشتريها لنفسو ؟ حاجة بجد تدحك وتغيظ في نفس الوقت ... ويجيلك واحد فلحوس ويقولك لهوااااااااااااات الحالات النادرة ... زي في ناس عندهم هواية جمع طوابع وناس بتحب وتهوى الحالات النادرة ... هل ممكن تكون العربية مخلوقة ب2 دريكسيون ولا فيها خمس كوتشات ههههههههههههههههههههههههههههههههههه
أأأأأأأأأأأأأأأأأأأأأأأه يااااااااا بلد ..........

[Elawany13]

هههههههههههههههههه
مشاركاتك جااااااااااااااااااامده جدااااااااااااا

[Elawany13]

يا باشا يا ريته عوض ده جزء بسيط من العوض لان العوض الحقيقى انك ترجعها فبريكه بتاعة بلادها يعنى الفرق بين اليابانى تقفيل اليابان واليابانى تقفيل مصر زى النيسان حوالى 40% يبقى فين اعادة الشىء لاصله
وبرده ياريته عاجب انا مره خدت واحد على القسم خبطلى الفانوس بتاع اللادا من ورا وكنت نازل ابيعها تانى يوم لان الباشا كان بيقرا عنوان من ورقه ومش باصص قدامه ولما نزلت طبعا خدنى بالصوت الاول ان الفانوس كان مكسور وبعيد وش تخويف ان دى عربية رائد ولما لقى لسانى ظفر معاه والرائد قالى انها عربية سفيره برده لسانى ظفر تانى فهم انى مش باكل من ده وطلبت منه يدفع تمنه 200 جنيه طبعا يمين شمال يفهمنى انه الوش بس ولما طلبت منه يجيبلى وش لانه مفيش حاجه اسمه وش حاول يهرب طبعا خدت مفتاح العربيه منه وقلتله قابلنى فى النقطه
وطلعت على النقطه بتاعة صقر قريش ملقتش الا عسكرى ومفيش حتى امين لانهم كلهم خرجوا يعاينوا حادثه على الدائرى وطبعا رجغت ابص عليه الاقيه بيحاول يدورها وطبعا ينسى لانها شروكى وعرضت عليه التفاهم تانى علشان ميتأذيش لانى فهمت انه من الاخر سواق وطبعا بيفاصل بهبل يعنى عايز يدفع 20 جنيه وبعدين يقولى تعالى عندنا فى المعصرة وانا اغيرهولك -مش عارف اقول ايه انا هروح لحد عندهم علشان اخد فلوسى من ابوه-هههههههه
علشان مطولش كتير بعد ساعتين تلاته من اللطعه فى القسم وبعد لما الامنا رجعم ورحنا جبناه وجبنا العربيه واتصل باهله وده مربط الفرس امه قعدت تتخانق كانى قتلت ابنها وابوه بيفاصل بالرغم من انى لقيت الفانوس ب 275 مش 200 واشتغل بنظام الدعاء عليا شويه والتهديد شويه وقلت ادب شويه وكل ده جوا النقطه ولا هما عايزين المحضر يكمل ولا عايزين يدفعا وكأنى بدبح ابنهم المستهتر الرائد سابقا سواق السفيره لاحقا واخيرا سواق فى وزارة التعاون الدولى وفضل الموضوع على الحال ده لحد لما دفعوا بعد ساعتين واتعمل محضر صلح وطبعا الدعاوى شغاله عليا للدجى كأنى غلطان وعنوان الموضوع انت هتقبل العوض انت تحمد ربنا ان انت سليم وفى داهيه العربيات والصاج كله
يا حزن قلبى على شعبك يا بلدى

فانوس اللادا بـ 275 جنيه ؟؟؟ !!!!

[Eng_hatemfathy]

فانوس اللادا بـ 275 جنيه ؟؟؟ !!!!

ده الخلفى من غير كريستاله -اللى بكرستالى على حد علمى اغلى بس مش عارف بكام واسأل عند حمدى لادا بشارع دمشق لو شاكك
اللادا ال 2110 مختلفة تماما عن 2107 و2105 و2103 ده زجاج الفانوس الامامى ب 90 جنيه وبقول تانى الزجاج مش الفانوس وبيقف عليك ب120 بعد الفك والسليكون والكلام ده

[mohammedabdallh]

الحاجه الي تغيظ بجد بجد ...
لمن تيجي تشتري عربية مستعملة مثلاً موديل 2008 على أياميها كانت العربية كبيرها قوي 90 او 95 ألف جنيه عدة الايام والسنين ونيزل موديل 2012 كل سنة وانتم طيبيبن بالشكل الجديد على 160 الف جنيه ... المهم العربية دي مستعمله صاحبها عاوز يبعها على كام عاوز يبعها ب 120 الف جنيه ... قلت ليه قالي يابيه بص للزيرو ، الزيرو دلوقتي ب160 قلتلو يا حبيب قلبي عربيتك انتا شاريها ب90 والفل اوبشن منها ب95 الف على ايميها وبعد أربع سنين أستخدام وبعد ما مشيت بيها كل الكيلومترات دي وهلكتها ولعنت سلسفينها عاوز تبيعها على 120 الف ليييييييييييييييييه إن شاء الله كنت شاري دهـــــــــــــــــب ولا ألماااااااااااااس ... دي عربييييييييييييييييييييية

يأأأأأأأأأأأأأأأأأأأأأأم الغباء بتاع الناس ...
لا وفالحين يقولولك لدواعي السفر علشان يبينلك انو العربية كويسة وزي الفل بس هو هيبعها علشان مسافر تقلش خلاص شاف بلد تاني هيعيش فيها غير مصر ومش راجع تاني خالص ههههههههههه ... والي يقولك حالة شاذة ... يعني العربية ماشية تتقصع وتاكول لبانة وهيا ماشية ولا أخترع حاجة جديدة فيها ... ولا هو الي بيحافظ على عربيتو في الزمن ده بيبقى شااااذ ... والي يقولك الاتصال للجادين فقط ... يعني واحد هيتصل عليك ويخسر تمن مكالمة علشان يهزر ... والي يقلك الوسطاء يمتنعون منعاً للأحراج طيب وانتا أيش عرفك أن الي هيشتريها ده تاجر ولا هيشتريها لنفسو ؟ حاجة بجد تدحك وتغيظ في نفس الوقت ... ويجيلك واحد فلحوس ويقولك لهوااااااااااااات الحالات النادرة ... زي في ناس عندهم هواية جمع طوابع وناس بتحب وتهوى الحالات النادرة ... هل ممكن تكون العربية مخلوقة ب2 دريكسيون ولا فيها خمس كوتشات ههههههههههههههههههههههههههههههههههه
أأأأأأأأأأأأأأأأأأأأأأأه يااااااااا بلد ..........

والله انت راجل زى العسل

[me_medoo]

ربنا يخليكم يارب ... وتسلمو أيديكو على مشاركتكم معايه همومي ومواضيعي ، النهرده رحت سوق الجمعة ولفيت لفيت بس سبحان الله العربيات هيا هيا ... لدرجة أني بقيت حفظهم بالشكل من كتر ما انا رايح جي على السوق هههههههههه ده حتى العربيات الي اتباعت من قيمة شهرين بصيت لقيت بقه ليها صاحب جديد وجي يبعها بسعر أعلى وعامل ناصح سعتو ... المهم شفت أعلان جميل لعربية جميلة فقلت خليني اروح اشوفها بالذات ان صاحبها مش كاتب سعرها وبعد ما طخيت المشوار لقيت العربية جميلة وصاحبتها أجمل وأجمل فل اوبشن .
والمشكلة الواحد قدام الجمال مبيعرفش يفاصل ... بس هيا بتبيع عربيتها المستعمله بأقل من سعرها الزيرو الي اشترت بيه ايميها ب 5000 جنيه
وفكراني اني هضعف قدام عينيها ومش هقدر اتكلم ، ورغم اني ضعفت فعلاً بس انا من كتر مالفيت على العربيات والتجار أتودكت ، لدرجة اني بفكر اسيب شغلي واشتغل في العربيات ، المهم وقفت معاها وقعدت أكلمها بالعقل والمنطق والسوق ماشي ازاي ، وأفهمها أزاي الناس بتسعر الحاجه وان السعر مش منطقي أبداً ... لقيتها بتقولي ده كان جيلهااااا تااااااااااااااااااااااااااجر وعاوز يخودها بكذا بش انا مرضتشي ... ههههههههههههههههههه .
فكرتني بوحده زمان كنت راح أتقدم لبنتها وقلتلي بنفس نبرة صوت صاحبة العربية ده كان متقدملها ضااااااااااااااااااااااااابط بس انا مرضيتش وجلها كمان قصدي على بنتها طبعاً جلها دكتور وكمان رفضناه واتقدملها كمان مهندس في كلية الزراعا ومرضناش ... ههههههههه سبحان الله البقين دول لازم تلاقيهم على لسان الأم المصرية ولازم تسمعهملك ،علشان تحلي بضاعتها الي هيا بنتها ... وسعتها على مأذكر كان الكلمتين دول هيا الي خلتني أتلكك وأفشكل الجوازة ... انو مهندس رفضو ودكتور ورفضوه وضابط ورفضوه طب عاوزين أيه دول رائد فضاء ولا مستنين عمر الشريف ولا حسين فهمي . ههههههههههههههههه

ولو كانت على ايامنا دي وسئلتني بتشتغل ايه كنت قلتلها لا انا فضلة خيرك وبلا فخرررررررررر عضو برونزي في منتدى نيل موترز وقريباً جداً هترقى وابقى بلاتيني هههههههههههههههههههههههههههههههههههههههههههههه

[mohammedabdallh]

طب مختش ليه البيعه على بعضها العربيه وصحبتها وتبقى شروه
وتبقى يا صحبى ادبست مرتين مره فى العربيه ومره فى الجواز
ههههههههههههههههههههههههه
بهزر

[د.محمود صلاح]

الإعلان اللي بيندفع فيه فلوس هو الأوقع زي الوسيط والأهرام

[Elawany13]

ده الخلفى من غير كريستاله -اللى بكرستالى على حد علمى اغلى بس مش عارف بكام واسأل عند حمدى لادا بشارع دمشق لو شاكك
اللادا ال 2110 مختلفة تماما عن 2107 و2105 و2103 ده زجاج الفانوس الامامى ب 90 جنيه وبقول تانى الزجاج مش الفانوس وبيقف عليك ب120 بعد الفك والسليكون والكلام ده

ياباشا مش شاكك ولا حاجه
بس مستغرب شوية
يبقى حضرتك تقصد اللادا الشكل الجديد
مش اللادا المشهورة اللى احنا عارفنها


ياترى اللى تقصدها هيه اللى فى الصورة ديه




فعلاً النوع ده سمعت ان قطع غياره نااااااااار

[me_medoo]

صدقني ولا وسيط ولا ديولو...
الي معاه عربية دلوقتي يكلبش بيها بأيدو وسنانو وميفرطش فيها أبداً علشان ما يتبهدلش في السوق لأن فعلاً السوق بهدله بهدله بهدلة

وبعدين ياعم انتا وهو الراجل قال فنوس الادا ب 250 واشتراه وخلص هو بيحكلك الموقف الي حصلوو هنقوم باه نسيب الموضوع الاساسي ونقلوا ورينا الفتورة واصلي ولا تيواني ووش ولا قفا هههههههههههههههههههههههه
بدل ما تخوشو تدعولي كده وتقولولي ربنا يوفقك ويعترك ببنت الحلال العربية طبعاً علشان محدش يفهم غلط ههههه ادعولي كده بدل ما تقعدو تتكلمو عن الفنوس والرفرف هههههههههههههههههههههه

[Elawany13]

اهو نطلع بعلومة ونستفاد كلنا
على العموم ربنا يرزقك بعربية بنت حلال
تكون فابريكة بره وجوه ومرشيتش
ومغيرتش جوانات
هههههههههه

[misoalex]

يوووووووووووووووووووووووووه

كأنك بتحكى على اللى انا شوفته الشهور اللى فاتت

بس انا كنت مكان البايع ومكان المشترى وشوفت كل اللى بتقوله

وموضوع المواقع اللى بترفع اعلانات قديمه ده صح جداااااااااااا

عربيتى بعد ما اتباعت وانا حذفت الاعلان من المواقع لقيت الناس بتتصل بيا طب ياعم جبت الرقم منين من موقع كذا وكذا ادخل الاقى اعلان عربيتى محطوط ومعرفش مين اللى حطه

ابعت للاداره عشان تشيل الاعلان الاعلان مش بيتشال
رحت باعت للاداره ان اللى حط الاعلان ده شخص مش محترم وتيييييييييت وتييييييييت بس لقيت الاعلان بعد كام يوم مدته انتهت ومتحطش تانى
بس الغريب انى لقيت واحد بعديها بكام يوم بيتصل بيا على عربيه بعتها من 3 سنين تقريباهههههههههههههههههههه

ونيجى بقا لمرحله الشراء ودى اتبهدلت فيها احلى بهدله وانا من اسكندريه و90% من الاعلانات اللى موجوده عربيات من القاهره
وعينك متشوف الا النور لفيت القاهره حفظتها فى كام يوم من كتر اللى شوفته واللى تتصل بيه يقولك فابريكه تروح تلاقيها كااااااانت فابريكه او تلاقيها فعلا فابريكه بس عاوزه عربيه وغيره وغيره وغيره وطبعا فى الصوره لو موجود صوره على النت تلاقىالعربيه واقفه اسد تروح تلاقيها قطه بلدى مع انى كنت بدور على عربيات اواخر تسعينات او اول الالفينات بس برضه متهانه ومحدش بيصرف على العربيه حتى البنزين تلاقيها فاضيه

وموضوع انك تتصل تلاقى واحده وقولك ان واحد حاطط اعلان وحط رقمها وهى معندهاش عربيه للبيع ده برضه شوفته بس طلعت واحده ست محترمه الحمد لله مش جوزها اللى رد عليا ههههههههههههههههههههههه

بجد بجد اللى عاوز او عنده عربيه فىالبلد دى يبقى بيدور على هم ومصايب لنفسه

ربنا يقوينا على اللى احنا شايفينه فى البد دى