ناس مبتعرفش تبيع ؟؟؟

[me_medoo]

الله يبارك فيك جبت تويوتا يارس 2008 فل أوبشن وخلصتها ب74000جنيه ...
بصراحة انا من خبرتي البسيطة والمحدودة أقدر أقول ان لو عاوز تشتري مستعمل خليك في اليباني ، لأن بصراحة اليباني ملهوش تاني ...أما الايطالي والفرنساوي والكوري انا بصراحة جربت فيهم الجديد والمستعمل لقيتهم تعبانيين ،حتى لو مليانين أوبشن وقطع غيارهم غاليه على الفاضي ... ومابتعيش .
والخبطات فيهم بتبان حتى لو العربية اتصلحت وبتحس فيها وانتا ماشي بالعربية ... والالماني مشكلتو مشكلة وبالذات الحديث منو النظام الاليكتروني فيه معقد جداً رغم أني بحترم الالمان وبقدرهم جداً جداً . لكن كمان الالماني في المستعمل صعب وهيدبحك في قطع الغيار .

لكن تعاله لليباني وأتفرج عليه في دول الخليج أزاي بيستحمل درجة حرارة 50 درجة مئوية وتلاقي العيال الخليجه يمسكو العربية مش بس فشخنها لا وبيرسمو بالكوتش بتعها على الاسفلت بصمتهم وتخميسهم ... ومع ذلك تلاقي العربية ماسكة نفسها في سعرها وفي متانتها بسم الله مشاء الله .

وغير كده وكده شوف الميكروبصات عندنا في مصر كلها يباني رغم ان في ميكروبصات كوري وألماني لكن مبتعش عندنا هنا في مصر ... شوف العربيات الاتاري والبوكس بتاع الشرطة كمان كلو يانيسان يا تويوتا ويعيش عمررررررر بحالو مع تغير العساكر عليه .

وغير كده وكده أنا جربت اليباني في الحوادث وشيست بعربية كذا مره وفي اكتر من حدثة والعربية واقفه فوق الرصيف ولقيت العربية بسم الله مشاء الله ولا كأن حصلها حاجه والي اشتراها مني لسه قاعد بيدعيلي لغياة دلوقتي هههههههههههههههههههه

[me_medoo]

بس صحيح خلي بالكم يا شباب ... انا أكتشفت اني الي بيكتب في اعلاناتو الوسطاء يمتنعون أو التجار يمتنعون ، كأن ده سين بينو وبين التجار ، أنو كأن بيقول للتجار زمايلو (يابني أدم أفهم أنا تاجر ) ... ههههههههههههه ومينفعش تاجر يشتري من تاجر ، ههههههههه بشكاتب يلعب على بشكاتب

[misoalex]

مش تباركولي ياشباب ... أخيراً أشتريت عربية .

أخيراً بعد خمس شهور موعاناه ولف ودوران ، كان في عربية شفتها في اعلان على موقع بالانترنيت تحت أعلان لدواعي السفر .. ولمن رحت لأخر الدنيا علشان أشوفها كانت العربية اتباعت هههههههههههههه ، المهم بعديها بأسبوعين لقيت عربية بنفس مواصفتها فقلت لأروح أشوفها قبل ما تتباع هيا التانية ، ولمن رحت أتفرجت على العربية قالي صاحبها دي بتاعت نسيبي وشوية كلام فاضي وانو مسافر وشوية كلام عبيط ... المهم رحت كشفت على العربية في بانزينة الى أخره ودفعت 120 جنية كمان شوية كشف فاضي .

وخدت بينات الرخصة وعرفت ان العربية فيها توكيل ... المهم لمن رجعت البيت دخلت على موقع جوجل وحطيت رقم صاحب الاعلان الي بيقول انو مش تاجر ... بصيت لقيت موقع جوجل منزلي يجي عشرين أعلان بنفس رقم الي عاوز يبيع العربية ، أشي لانسر واشي ألينترا على كي سيراتو على هونداي أكسينت على على على ، فعرفت أنو تاجر ، وقاعد يفشر عليا ويقولي عديلي وأبن أختي وأبن خالتي والكلام الفاضي دهو ... المهم سجلت كول العربيات الي بعها هو وبيناتها كلها على حتت ورقة صغيرة كده ... ودخلت على جوجل كمان وكتبت أسم صاحب العربية فجبلي الاعلان بتاع عربيتو ومعها رقم تيلفون صاحب العربية الاصلي وكلمتو وسئلتو بخصوص الاعلان بتاع عربيتو واكتشفت انو باع العربية بأقل من السعر الي أنا هشتريها ب 3500 جنية .

المهم رحت تاني يوم وبكل برووووووووود واجاهت التاجر بالمعلومات الي عندي ... وخليتو زي الي عملها على روحووو ... وبأه واقف قدامي ورقبتو زيي السمسة وزي الفتلة المبلوولة كده .

وكأني بقولوا مش عيب عليك راجل كبير كده وتكدب علشان تبيع ، لكن المسكين قالي طيب انا اعمل أيه ماهو المرتب مش مكفيني والعيال والحال والمال والظروف فبحسن من دخلي ، ههههههههههههههههه يأبن اللذينة تحسن من دخلك ب 3500 جنيه في كل عربية لييييييييييييييييه هيا نهيبة . ، الله وأنتا هتحسن من دخلك على حساب دخل غيرررررررك حسبي الله ونعم الوكيل ؟؟؟؟؟؟؟؟؟؟؟؟

المهم فاصلت معاه وأكتفا الراجل القنوع ب 2500 جنيه مكسب في العربية علشان خاطر عيالو ومصاريف حماده ابنو هههههههههههه

الله يخرب بيتك يا حمادة ....ههههههههههههههههههههههههه

المهم ومن ساعت ما أشتريتها لغاية دلوقتي ، كل واحد يشوفني بدل ما يقولي مبروك لأ يقوم يطرطر في دماغي ... ويقولي أأأأأأأأأأأأأألله هيا العربية دي رشة ... بحكم ان العربية بتلمع ولسه بحالتها .

لما خلالالالالالالاص الشك ملى قلبي وخايف لفعلاً تكون العربية رشة برة وأنا مش واخد بالي ولا بتاع البنزينة قدر يكشفها ... وبعدين حتى لو رشا طيب انا هعمل ايه هرجع للراجل وأقولو عمو عمو عمو والنبي رجعلي العربية ديه أصل ماما قالت لي عليها وحشة هههههههههههه

يالهوي على المصريين مبيعرفوش يقولولك ألف مبروك أبدااااااااااااااااً لازم كل واحد يطرطر في نفوخك ويحسسك انو أدحك عليك واتنصب عليك

بس بجد بجد بيني وبينكم الشك ملى قلبي .

مبروك يا باشا الف مبروك

وهو المصريين كده تجيبله العربيه محكوكه ومتجرحه يقولك دى فابريكه ولو مش محكوكه ومتجرحه تبقى مش فابريكه ههههههههه

بس طالما انت واخدها من تاجر يبقى حتلاقيه اداها وش لمعه وبوليش وغسله نضيفه عشان البضاعه تحلى فى عين الزبون وطبعا انت المستفيد لما تاخدها نضيفه
وعلى فكره 2500 جنيه مش كتير خالص فيه ناس بتكسب فى عربيات 5 و8 الاف
ده 2500 دول ممكن يكسبهم فى 128 ما بالك بعربيه هو حاطط فيها اكتر من 70 الف يعنى عاوز يطلع بأى مبلغ وخلاص
ومش عيب انه تاجر هى التجاره حرام ؟؟؟؟ ده فيه حديث عن الرسول عليه الصلاه والسلام بيقول تسعه اعشار الرزق فى التجاره وفيه عربيات ممكن تاخودها من التجار انضف من اللى ممكن تاخودها من واحد عادى بس طبعا مش كل التجار
العيب انه يغشك مش انه تاجر

ومبروك عليك مره تانيه

[seleem3]

مبروك يا باشا الف مبروك

وهو المصريين كده تجيبله العربيه محكوكه ومتجرحه يقولك دى فابريكه ولو مش محكوكه ومتجرحه تبقى مش فابريكه ههههههههه

بس طالما انت واخدها من تاجر يبقى حتلاقيه اداها وش لمعه وبوليش وغسله نضيفه عشان البضاعه تحلى فى عين الزبون وطبعا انت المستفيد لما تاخدها نضيفه
وعلى فكره 2500 جنيه مش كتير خالص فيه ناس بتكسب فى عربيات 5 و8 الاف
ده 2500 دول ممكن يكسبهم فى 128 ما بالك بعربيه هو حاطط فيها اكتر من 70 الف يعنى عاوز يطلع بأى مبلغ وخلاص
ومش عيب انه تاجر هى التجاره حرام ؟؟؟؟ ده فيه حديث عن الرسول عليه الصلاه والسلام بيقول تسعه اعشار الرزق فى التجاره وفيه عربيات ممكن تاخودها من التجار انضف من اللى ممكن تاخودها من واحد عادى بس طبعا مش كل التجار
العيب انه يغشك مش انه تاجر

ومبروك عليك مره تانيه

[tutankhamoun]

مبروك يا باشا الف مبروك

وهو المصريين كده تجيبله العربيه محكوكه ومتجرحه يقولك دى فابريكه ولو مش محكوكه ومتجرحه تبقى مش فابريكه ههههههههه

بس طالما انت واخدها من تاجر يبقى حتلاقيه اداها وش لمعه وبوليش وغسله نضيفه عشان البضاعه تحلى فى عين الزبون وطبعا انت المستفيد لما تاخدها نضيفه
وعلى فكره 2500 جنيه مش كتير خالص فيه ناس بتكسب فى عربيات 5 و8 الاف
ده 2500 دول ممكن يكسبهم فى 128 ما بالك بعربيه هو حاطط فيها اكتر من 70 الف يعنى عاوز يطلع بأى مبلغ وخلاص
ومش عيب انه تاجر هى التجاره حرام ؟؟؟؟ ده فيه حديث عن الرسول عليه الصلاه والسلام بيقول تسعه اعشار الرزق فى التجاره وفيه عربيات ممكن تاخودها من التجار انضف من اللى ممكن تاخودها من واحد عادى بس طبعا مش كل التجار
العيب انه يغشك مش انه تاجر

ومبروك عليك مره تانيه

كلام زين

[tutankhamoun]

مبروك يا حاج ميدو .......... ربنا يباركلك فيها و يستر طريقك

[me_medoo]

هههههههههههههه الله يبارك فيكم يا شباب ... بس هو التجارة حلال وكل حاجه بس لمن اكون رايح اشوف عربية ويجي واحد يسبقني ويشتريها بس 71.5 علشان يجي يقولي ب 77 وافاصل معاه واوصلها ل 74 دي تبقى تجارة يعني فرق الفلوس ده انا مش أولى فيه انا وعيالي وتقولولي تجارة .... يابيه التجارة هي توفير سلعة وخدمه للمواطنين وبيبعها لمصلحة الناس أنو كتر خيرها راح وفرلي التاجر سلعه مش أخطف من هنا سلعة واحد كان هيشتريها علشان تاني يوم أبيعهالو بسعر أعلى وأكسب هههههههههههههههههه وأقول تجارة وله ايه رأيكم يا شباب التجار بيساهمو في رفع أسعار السيارات بدون مبرر

[mohammedabdallh]

ياباشا الف مبروك وربنا يديك خيرها ويكفيك شرها

[tutankhamoun]

هههههههههههههه الله يبارك فيكم يا شباب ... بس هو التجارة حلال وكل حاجه بس لمن اكون رايح اشوف عربية ويجي واحد يسبقني ويشتريها بس 71.5 علشان يجي يقولي ب 77 وافاصل معاه واوصلها ل 74 دي تبقى تجارة يعني فرق الفلوس ده انا مش أولى فيه انا وعيالي وتقولولي تجارة .... يابيه التجارة هي توفير سلعة وخدمه للمواطنين وبيبعها لمصلحة الناس أنو كتر خيرها راح وفرلي التاجر سلعه مش أخطف من هنا سلعة واحد كان هيشتريها علشان تاني يوم أبيعهالو بسعر أعلى وأكسب هههههههههههههههههه وأقول تجارة وله ايه رأيكم يا شباب التجار بيساهمو في رفع أسعار السيارات بدون مبرر

ما هو السوق عرض و طلب
و لازم التاجر يكسب ... أهم حاجة أنه ما يغشش الزبون أو السلعة زي غالبية التجار الموجودين دلوقتي إلا من رحم ربي.

إنما يكسب كام دي حسب العرض و الطلب .
أهم حاجة بس أن المكسب يكون معقول .
لأنه مش بيبيع عربية كل يوم

زي بتوع النظارات
النظارة ما تسواش في صناعتها 10 جنيه على بعض
و تلاقي النظارة بتتباع بمبلغ كبير .
حسب الشئ المُباع و حسب العرض و الطلب .
أهم حاجة أن التاجر ما يكذبش و يعرفك بنفسه أنه تاجر و يقولك على كل ما في السلعة من عيوب قبل المميزات .

[Ahmed_Rahem]

اثناء بحثى عن سيارة ، واحد معرفة قالى فية ميكانيكى يعرف واحد عايز يبيع لانسر خليجى عاملة حوالى 6000 كيلو (ستة الآلف كيلو) قولت حلو نروح نشوفها، العربية من برة جميلة وجنوط وكساحات ومفيهاش ختوش كتيرة، نركب من جوة الطابلوة زى ميكون مش بتاعها مليان خرابيش وكمان فرش السقف موبر ومنحول كل دة ومفوض انها ماشية 6000 كيلو، الشكل الداخلى دة ولا 60 الف كيلو مش ستة، قلت لصاحبها اشوف الرخص، وبعدين كلمتة عن استخدامها لاقيتة بيتهرب من الاجابة قلتلة شكراً ومشيت، الاستنتاج العربية مغيرة تابلوة او عدادات وبالتالى ممكن يكون فيها مشاكل مش باينة.

[misoalex]

هههههههههههههه الله يبارك فيكم يا شباب ... بس هو التجارة حلال وكل حاجه بس لمن اكون رايح اشوف عربية ويجي واحد يسبقني ويشتريها بس 71.5 علشان يجي يقولي ب 77 وافاصل معاه واوصلها ل 74 دي تبقى تجارة يعني فرق الفلوس ده انا مش أولى فيه انا وعيالي وتقولولي تجارة .... يابيه التجارة هي توفير سلعة وخدمه للمواطنين وبيبعها لمصلحة الناس أنو كتر خيرها راح وفرلي التاجر سلعه مش أخطف من هنا سلعة واحد كان هيشتريها علشان تاني يوم أبيعهالو بسعر أعلى وأكسب هههههههههههههههههه وأقول تجارة وله ايه رأيكم يا شباب التجار بيساهمو في رفع أسعار السيارات بدون مبرر

تمام بس هى دى التجاره يا باشا

وصاحب العربيه من الاول محدش ضربه على ايده عشان يبيع ب 71.5 الا لو هو مستعجل ومحتاج فلوس ومش عاوز وجع دماغ من اللى جايين يشترو لانه لما بيبيع لتاجر التاجر بيتغاضى عن حجات كتير ممكن متعجبش حد تانى يعنى مممكن العربيه تبقى عاوزه وش لمعه انت متعجبكش بس تعجب التاجر لانه كده كده حيكسب فيها فليه مياخودهاش ويلمعها وينضفها
وهكذا هى دى التجاره يا باشا
ومدام البيع بالرضا بين البايع والمشترى يبقى خلاص ربنا مبارك فيه

وهى المشكله هنا فعلا ان التجار مبيصدقو يلاقو عربيه نزل اعلانها ويجرو عليه بسرعه جداااا لان ده اكل عيشهم ومكسب فعقبال ما تروح انت تشوفها تكون اتباعت
والكلام ده حصل معايا كتييييير
والعربيات اللى سعرها عالى او فيها مشكله هى اللى تلاقيها موجوده ومتباعتش لان التاجر مش لاقى مكسب فيها

بس المشكله ان 99 % من التجار معندهمش امانه وهى دى المشكله الكبيره والواحد لازم يفتح عينه جدا وهو بيشترى منهم
وفى الاخر العربيات نصيب اسألنى انا
انا سافرت القاهره مرتين عشان اجيب عربيه وفى الاخر العربيه اللى عجبتنى واشتريتها كانت من هنا فى اسكندريه

[me_medoo]

ياشباب ، في لبس في الموضوع مش عارف عندي ولا عندكم هههههههه ، حبيب قلبي صاحب السياره هو البائع يعني بيبيع يعني تاجر والي عاوز عربية هو مشتري الناس بأه الي مورهاش شغله ولا عمله ولا لي في الطور ولا في الطحين داخلين في النص ليه ... وياترى المكسب الي هو كسبو دهو حلال ولا حرام ، هل ممكن أنا أككل عيالي ومراتي فلوس انا معتبتش فيها ... ومكسب على حساب خسارة غيري ... هل ده منطقي ... واحد هيبيع والتاني هيشتري يجي واحد بأه من بره الليلة ويخش في النص ليييييييييييييييييييه ؟ علشان تكسب ، طيب أنتا بتكسب أيه ، أنتا عامل بالضبط زي واحد حرامي دخل ايدو في جيبي وطلع باكو ولا تلاته باكو وحطهم في جيبوو بس طبعاً بصورة شرعية ، أي أن التجارة حلال وكل شيء، بس الطريقة ذات نفسها معتقدش انو يرضى عنها شرع أو دين ...

وانا بعتبرها تماماً زي الكثير من الحجات المحللة بس الناس بتستغلها ااستغلال غريب ويقف العلماء محتارين هل هيا حرام ولا حلال .
تماما زي الي عجبتو أمرأة فيتجوزها ليلة ولا ليلتين وبعدين يطلقها ... ويقولك ماهو الجواز حلالالالالالالالالالال .

اهو الراجل الي بيدعي انو تاجر دهو كل الي عملو نزل دفع فلوس في عربية هو مش محتاجها واشتراها ليلة او ليلتين وبعدين طلقها او بعها ... وخد فلوس زياده فوق فلوسوها ... وعايش حياتو كده ... بالطول وبالعرض ... يبأه انا وانتم بنصحى من نجمه ونروح نشقى ونتعب ونكد وناكول من عرق جبينا ... وهذا الانسان قاعد على النيت يشتري عربية ويخسف بتمنها الارض وتاني يوم ينزل اعلان على نفس الموقع ويعلي في تمنها سابع سما ... وتقلي أصو أداها وش بولش ههههههههههههه ده العلبة ب 3 جنيه وكيس قطن قول ب 2 جنيه . وقول ياسيدي أداها وش بوليش ب 100 جنية يقوم يكسب فيها 5000 جنيه ...

طيب ياسيدي انا واحد من الناس الحمدالله ربنا قدرني وأقدر أشتريها وأشتري أبوها ... بس غيري يمكن ممعهوش ، وغيري كتيرررر ،ويمكن معاه بس ساليفهم ... وتعرف يعني ايه سلف ، يعني أذا هو بياخود دخل ليه ولأسرتو 1500 جنيه في الشهر معناها هيعيش أسرتو في حدود 500 جنيه وال 1000 جنيه دي علشان يسد سلفياتو ... ده أذا مسبش بيتو ونزل يشتغل شغل أضافي ويطلع ميتين أهلو في الشغل وكل ده ليه علشان واحد قاعد فاضي عملي نفسو تاجر ... ده يروح يشتغل ويتعب والتاني يصيف في مرينا على قفاااه ...هههههههههههههه

طبعاً ما أحترامي لجميع التجار في تجار بجد وليهم سماسرة وينخرموو على العربيات وتلاقي عندهم معارض واتصالتهم وبياخدو العربية بينضفوها بجد وبيعرضوها كويس ... وهو ده بأه لب الموضوع بتاعي ناس مبتعرفش تبيع ، لأن المفروض الناس تعرض سلعتها كويس وتنضفها وتعمل أعلان صادق وصريح بكل مميزات العربية على الاقل مش التهريج الي بنشوفوا ويا حبذا لو حط صورة للعربية ، مش يحطلك صورة للعربية في أيام شبابها والحقيقة غير كده خالص كأن الزبون حيندحك عليه ويقول لا والله ده العربية دي كانت زمان زيرووو وحلوة هههههههههه فليه في ناس بتزهد في حجاتهم وبيبهدلوها وبيبوعوها لأعلى سعر وليه ناس عملين زي الوطاويط مصاصين عرق الغلابة بيتاجرو بقووووووووووت الناس ونقول تجارة هو الاستغلال بقى تجارة وشطارة كمان ... مع أحترامي لجميع التجار بس في ناس محسوبين عليكم غلط وبيعبوو في العدادات كمان يعني مش بس بيمصو في دمهم لا وكمان يغشووهم ...

[misoalex]

ياشباب ، في لبس في الموضوع مش عارف عندي ولا عندكم هههههههه ، حبيب قلبي صاحب السياره هو البائع يعني بيبيع يعني تاجر والي عاوز عربية هو مشتري الناس بأه الي مورهاش شغله ولا عمله ولا لي في الطور ولا في الطحين داخلين في النص ليه ... وياترى المكسب الي هو كسبو دهو حلال ولا حرام ، هل ممكن أنا أككل عيالي ومراتي فلوس انا معتبتش فيها ... ومكسب على حساب خسارة غيري ... هل ده منطقي ... واحد هيبيع والتاني هيشتري يجي واحد بأه من بره الليلة ويخش في النص ليييييييييييييييييييه ؟ علشان تكسب ، طيب أنتا بتكسب أيه ، أنتا عامل بالضبط زي واحد حرامي دخل ايدو في جيبي وطلع باكو ولا تلاته باكو وحطهم في جيبوو بس طبعاً بصورة شرعية ، أي أن التجارة حلال وكل شيء، بس الطريقة ذات نفسها معتقدش انو يرضى عنها شرع أو دين .... [/color][/size]

طب على كده محلات الموبايل حرام
لان كده بقى اللى عاوز موبايل يروح يجيبه من التوكيل او لو عاوز كارت شحن هاته من الشركه ب 10 جنيه بدل متجيبه من محل تحت البيت ب 10.5

ولو عاوز ازازه زيت اروح اجيبها من المصنع وانا اجيبها من المحلات ليه وصاحب المحل يكسب 2 جنيه منى
وهكذا

على فكره مفيش لبس ولا حاجه خالص انا فاهم قصدك

بس تجار العربيات موجودين فى كل حته فى العالم وفى دول اروبيه كمان بس بشكل مختلف يعنى زى المعارض عندنا كده بيدور على النت ويشتريها ويعرضها عنده ويحط مكسبه بعد التجديد والمصاريف اللى صرفها على العربيه لو محتاجه مصاريف

والله اللى عاوز ميكسبش تاجر ميشتريش منه ويدور على عربيه بأسم صاحبها الااصلى وبدون اى توكيلات

وحضرتك اهو ملقتش طلبك والعربيه اللى عجبتك غير مع تاجر بعد ملفيت شهور ودفعت فيها اكتر من ال 2000 جنيه مواصلات وتاكسيات

وانا معاك ان الموضوع رزل وليه انا تعبان فى 2000 جنيه ياخودهم واحد يحطهم فى جيبه
بس هو ده حال الدنيا ولو مش عاوز تخليه ياخودهم زى مقولتلك دور على المالك الاصلى
انا كنت بعمل كده وانا بدور بتأكد ان الرخصه بأسم المالك ولو فيها توكيل يبقى على الاقل توكيل واحد وفات عليه مده طويله سنه او 10 شهور مثلا
ده كده ميبقاش تاجر

وحال البلد هو اللى زود التجار دول لان كل واحد معاه مبلغ وبيفهم فى العربيات بيعمل كده ويقولك اهو دخل اضافى لان الدنيا بقت مولعه
وعلى فكره الموضوع مش سهل الموضوع سعات كتيييييييير بيبقى فيه خساره وخساره كبيره كمان للتاجر مش بيكسب على طوووول لا بيخسر برضه بس هو نظام عربيه بتشيل عربيه يعنى خسر فى دى ممكن يكسب فى دى

وانا سعيد بالمناقشه مع حضرتك

[me_medoo]

الله يبارك فيك ...

وانا واللهي اسعد ... بس حضرتك بتقول انو حتى التاجر خسر وقتو ... طيب بالله عليك ، وقت ايه الي بتقول عليه ماهو قاعد لا شغله ولا عمله وقاعد ورى الكمبيوتر بيقشر يوستفندي على عنقود عنب على انو يتعب ويقشر موزايه كده وياكولها ، وأن كمان المدام تلحقتو بكباية الشاي ولا طبق رز بلبن ، وتقولو بتعمل ايه يا حبيبي ، يقلها أبعدي عني يوليه انا بشتغل ههههههههههههههههه . وتقول بتشتغل طيب تحب اعملك حاجه يقولها لأ بس اعملي لي فنجان قهوة .

فعلا ونعم الشغل والعمل ...

مثال الموبايل او قزازة الزيت انا معاك ... لكن تصور رايح تشتري انتا مثلاً قزازة زيت من عند البقال الي تحت بيتكم ... ولقيت أخر قزازة سليمة وكويسة وقام واحد قبل ما تمد أيدك عليها قام خطفها وأشتراها ومسكها في أيدو وقال لو عاوزها انا هبيعهالك الضعف ... أصل أنا تاجر ههههههههههه ياحبيبي يا حبيبي ... أومال البقال قاعد بيعمل ايه مااهو فاتح محل وكهربا وعماله وضاريب وبيفيد البلد وبيوفرلك خدماتك الاستهلاكية ... وكفايه انو عامل حس للمكان بس تجار السوق ... قاعدين بيعملو ايه بيعملو حس للسوق ...ههههههههههههه

مافي مره رحت السوق الا واسمع اتنين قاعدين بيسبوو ويلعنوو ويقولوا ينعل ابو كده السوق بقى كلو تجاررررررر . والمقصود بيه سماسرة ، بيساهمو في تخريب المجتمع ورفع أسعار السلع الاساسية ، ويقولك الله هو الدنيا مولعه ليه ، مولعه بسببك يا حبيبي ... بسبب الشباب الامامير الي قاعدين ما بيشتغلووش غير انهم يقلبو في دي وفي دي ... بس انا هقول لحضرتك مثلاً أن في فالسوق تجار بجد وبحق وحقيقي وعندهم معارض وجين يعرضو بضاعتهم للناس وده مش غلط ولا حرام ... وبالبعكس كان في بيجو 307 كنت هشتريها وقالي التاجر ان العربية باسم صحبها بس هو سيبهالنا علشان نبيعهالو والعربية مفهاش توكيلات ... وهوووو ده الكلام الصح وياخدوو هما بس عرقهم بما يرضي الله ، بس مش الكفرررررر الي بيعملوه يمكن انا ربنا بيحبني وعرقت التاجر ب 2500 جنيه ولا لأني وجهتو انو كدااااااااااب ...

وجبتلوو قصة حياتو كلها وكل العربيات الي بعها ... فالراجل اتخض بجد ووشو جاب الوان ... بس غيروو عاوزين يكسبو في البيعه الوحده 5000 جنيه ، أنتا فاهم يعني ايه 5000 جنيه يعني ممكن في الشهر يبيعلو عربيتين ب 15000 جنيه ... ويقولك رزق العيال ههههههههههههههههههههههههههههههه طيب ما تدينا العيال دول نربيهم يمكن ربنا يرزقنا احنا كمان .

ده تجار الموبايل الي بيوقفو في شارع عبدالعزيز ويقعودو يطنططووو من صابحية ربنااا لحد الساعه وحده بالليل مبيكسبوش الكلام ده ، ده ولا مدير شركة بيكسب الكلام ده كلووو ...

وانتا بتكسبو منين من عرق الناس الكادحة الغلبانه الي بيجرو على بيوتهم وعيالهم ويشقو ويتعبو ... ولولا وضع البلد السيء الي احنا عارفينو كان زمنا عايشين ملوووووووووووووك احنا المصرين وكان حتى الي معاه 60.000 جنيه راكب عربية الينترا ولا كارينز ولا حتى لانسر شارك الجديدة بس الجمارك وقرف الجمارك .

وفوق مالناس طفحة الكوته ... كمان جي واحد بيقشر يوستفندي وبيضرب طبق الزبادي من ورى الكمبيوتر جي يكسب منوو هههههههههههههههههه ولا ايه رأيك يا باشا

[misoalex]

لا انا مش قصدى بيخسر وقت

انا قصدى بيخسر فلوس يا باشا
مهو مش كل العربيات الللى بيشتريها سليمه مهو ممكن يشترى عربيه يطلع فيها مشكله فى حساس ولا فى فتيس مش بتظهر الا بعد كام يوم او تظهر معاه هو حظه بقى
وانت عارف فيه عربيات كورى الفتيس بتاعها ب 10 الاف واكتر على سبيل المثال
وفيه حساسات بتعدى ال 1000 جنيه
كل دى بتبقى خساره عليه ده غير ممكن عربيه تتخبط وهى واقفه فى الشارع ينزل من البيت يلاقيها مخبوطه
طب مهو كل دى خساره وده رأس ماله
ده غير ماشاء الله فيه عربيات قرفتها زفت وممكن تقعد معاه بالشهرين وال 3 شهور
مش زى محضرتك فاكر انه ممكن يبيع 3 عربيات فى الشهر والكلام ده مكنش حد غلب
كان كل البلد اشتغلت تجار عربيات بقا هههههههههههه

وموضوع انه يخطف ازازه الزيت ده موضوع نصيب مهو صاحب المحل هو اللى بعهاله وانت مش عاوز تشتريها منه سيبهاله يشربها مهو لو انا مشترتهاش منه وغيرى عمل كده وغيرى عمل كده هو حيشربها وحيطر يبيعها بأقل من سعرها عشان تتباع

انا مش بدافع عنهم انا بحاول اوضحلك الصوره لانى احتكيت بالتجار وعارف الليله ماشيه ازاى معاهم
وشوفت ناس عندها ضمير وناس زباله
يكفى ان مره واحد صديق لى كان حيلبسنى عربيه راشه دواخل وفيها شرخ فى الشاسيه وكان بيقوللى انها فابريكه جوه ولما كشفت عليها وشوفت العربيه عامله ازاى فضل ينزل فى السعر عشان اخودها بعد مكان بيتنطط عليا ومش عاوز ينزل فى السعر عشان كان فاكر انه عشان صديقى مش حكشف على العربيه

والله العربيات دى وجع دماغ ووجع قلب والبيع والشرا بتاعها كله مشاكل زى مقولتلك انا عشان اعرف ناس شغاله فى المجال ده وبشوف اللى بيحصل معاهم
يمكن عشان فيه منهم معندوش ضمير فربنا بيخلص زنب الناس مهو كما تدين تدان