ناس مبتعرفش تبيع ؟؟؟

[loayegypt]

لأ بجد إنت مالكش حل خاااالص :-) وما شاء الله ليك طريقة فى كتابة الموضوع تحسس الواحد إنه كا معاااك .... بجد موضوع جااااامد

[me_medoo]

حبيب قلبي تسلملي واللهي ... كلك زوق يا غالي .

[ahmed31031]

بجد موضوع جامد وشكرا ليك يا استاذme_medoo ومعاك حق في كل الي قولته ومبروك علي العربية وربنا يكفيك شرها

[me_medoo]

ربنا يكرمك ياباشا ... وبصراحة أخجلتم تواضعنا ... بس يامين يطفي ناري ... طول عمري وانا كاتب بالفطرة ... وألفت أربع روايات لكن مشفتش النور ... ركنتهم في المكتبة عندي ... لكن الي جنني وشلني أكتر أني ألفت كتاب يعتبر ملهوش مثيل في السوق كتاب تعليمي أسمو (After Effect CS5
ده برنامج للخدع السينمائية ... والمونتاج ... وبيفيد في الاعلانات والفواصل الدعائية ونشرات الاخبار والافلام والفيديو كليبات الى أخره .. شرحتو من الالف الى الياء .. وبالصور وبالالوان وبالعربي وشرح سلسل كدهو ... ووريتو لزميلي ولمعرفي كلهم أعجبو فيه ومحدش شافو غير وقال وااااااااااااااااااااو .

المهم الي يدحك ... أني كل ما أودية لدار نشر ، كل دار نشر تشوفو تقول واااااااااااااااو أيه الحلاوة دي ، بس مشكلتو أنو كتاب كبير أنتا لازم تعملو على ثلاث أجزاء ... لأن محدش يقدر يقرأ 200 صفحة . قلتلهم ماشي ، وبعدين قالولي لا أنتا لازم تصغر حجم الصفحه من أيه فور لمقاس أصغر قلتلهم ماشي رجعوا قالولي وبلاش حكاية العنوان بلون والشرح بلون والصور الملونه عوزينو أبيض وأسود قلتلهم ماشي وخلاص جينا نتفق على الماديات لقيت أن الألف نسخة هتتباع بستين ألف جنية ، ومصاريف دعايه وطباعه وتوزي ومش عارف أيه المهم انا في النهاية نصيبي كام لقيتو 6000 جنية ومش هخودهم دفعة وحدة ههههههههههههههه يا حبيبي يا حبيبي ، يعني 54000 جنيه ليكم وانا 6000 جنية لييييييييييييه هو انا الي تعبت ولا انتم ... ودخلوني في متاهات وأفلام وأصل مصاريف التوزيع والمكتبات علشان تدفعلك فوري لازم تاخود خصم خمسين في المية ، بقيت قاعد مشلول ورجليه مش شيلاني بعد تعب خمس تشهرتأليف وأعداد وتصميم هما يكسبو وانا اقعد اتفرج عليهم ... وأقلو يابيه انا مديلكم كتاب تمن أقل كورس فيه 3000 جنية مديك عصارة جهد وتعب سنين ... يابيه ده انا كنت هنزلكو حبت كتب تانيه وأصدارات تانية من مايا وثردي ماكس وموشن وفاينل كت وأن دزين وفوتوشوب وعندي أربع روايات جاهزين بالسيناريو بتاعهم ... المهم لقيت العملية كلها نصب في نصب وياخدو تعبي ومجهودي ببلاش ... بقيت أضرب كف على كف وأقول لنفسي صحيح بلد مش بتاعت علم ولا كتب ، وقال أيه يقلك القراءة للجميع ، هههههههه هما فين الجميع دول ... انا أحسن حاجه أسيبني من العلم والتدريس والتدريب وأروح أشتغل تاجر عربيات أحسن على الاقل بقة عندي خبرة من كتر مارحت سوق العربيات ههههههههههههههههههه

[tejani]

أحب اضيف خبرتي ليكم النهارده روحت شوفت اكسنت 2003 انا مش خبير بس اقولكم شفت ايه كده بالعين المجرده اولا
اكصدام مكسور خلفي
تابلوه به شرخين كبار
زجاج كهرباء بيورب في الطلوع والنزول
سقف مقشر
فرش مقطع وشكله قديم ومبقع
الماتور كان فيه حته منشعه زيت وسالته قالي عاوزه جوان
ثراحه نفسي قفلت من العربيه جدا وخليت الراجل اللي جاي يبص معايا على العربيه في الحاجات اللي مش بفهم فيها ميكملش
كل ده وصاحب العربية يقوليخ ده ميعيبش العربيه امال لو مؤاخذه ايه الي يعيب العربية
صحيح ناس مبتعرفش تبيع

[tejani]

نسيت اقولكم ان العداد كاتب 71000

[diesel]

ما هو السوق عرض و طلب
و لازم التاجر يكسب ... أهم حاجة أنه ما يغشش الزبون أو السلعة زي غالبية التجار الموجودين دلوقتي إلا من رحم ربي.

إنما يكسب كام دي حسب العرض و الطلب .
أهم حاجة بس أن المكسب يكون معقول .
لأنه مش بيبيع عربية كل يوم

زي بتوع النظارات
النظارة ما تسواش في صناعتها 10 جنيه على بعض
و تلاقي النظارة بتتباع بمبلغ كبير .
حسب الشئ المُباع و حسب العرض و الطلب .
أهم حاجة أن التاجر ما يكذبش و يعرفك بنفسه أنه تاجر و يقولك على كل ما في السلعة من عيوب قبل المميزات .

طب ايه رايك لما التجار دول يجتمعوا على انهم يشتروا محصول زراعه معين و ليكن مثلا الطماطم - يروحوا يشتروه من المزارعين و بعدين ينزلوه فى الاسواق بالسعر اللى هما عايزينه ؟
اللى بيحصل فى سوق السيارات ده اسمه سمسره و دول اسمهم سماسره عربيات و ليسوا تجار سيارات
كما ان التجاره الحلال التى نص عليها الاسلام - و تسعه اعشار الرزق فى التجاره التى تعود على المجتمع بالكامل بالنفع - اما تاجر السيارات فهو يستغل حاجه البائع ويضغط عليه لبيع سيارته باقل الاثمان و يرد عليك و يقولك يعنى هو انا كنت ضربته على ايده - و بعدين يستغل حاجه المشترى و يرفع عليه تمن السلعه و بدون اى حدود او روابط سعريه و برضه يقول نفس الكلمتين المشهورين - هو انا كنت ضربت حد على ايده علشان يبيع لى او يشترى منى - و تسع اعشار الرزق فى التجاره - وهنا مجال كامل للاسئله
1- هل هذه تسمى تجاره ؟ ؟ ؟ ؟
2- ما النفع التى تعود به هذه التجاره على المجتمع ؟ ؟ ؟ ؟
3- ما جزاء من يستغل حاجه الناس لتحقيق مكسب مادى لحسابه هو تحت بند التجاره ؟ ؟ ؟ و ما حكم الدين عليه ؟ ؟ ؟ ؟ ؟

[diesel]

ياسيدي انا معاك ، ان في ناس بتتعب وبتخسر ... بس مش هنشبهم بناس بتضارب في البورصة ، ونقول ماهما كمان بيضاربو في سوق السيارات ، لأن بتوع البورصة أقتصاد الوطن كلو معتمد عليهم وفي ضوابط وقانون بيحكمهم ... بس في السوق سبهلله بكل معنى الكلمة .

وغير كده التجار بينخربوو في اقتصاد الوطن ويغلو الشيء من لا شيء ، ويقولك ياباشا السوق كبيرر والارزاق على الله .
لذلك أنتا تلاحظ أن أقتصادنا أقتصاد رقيق وهش ، بمجرد ماحتت رئيس أتشال وأنخلع البلد أنهارت . وده نتيجة ايه أن الناس مكنتش بتشتغل بجد ومفيش اقتصاد حقيقي فيه عملية انتاج ، بل الناس كانت معتمدة على أن ده يقلب ده ، وده يطلع مصلحة على قفا ده هههههههههههه .

ده غير الموظفين الي مفيش انتاااج ... بس عوزين مرتبات ... وعملين زي الطفل الصغير الي قاعد بيرضع من ماما الحكومة ... طيب ماما الحكومة هتجيبلوك منين ... هتجيب من عيالها وابناء وطنها تلم منهم ضرايب وفلوس يعني الحكايه دايرة مغلقة بينا وبين بعضينا ، وانتاج قليل ان مكنش مفيش ... وبنعتمد على السياحة وقناة السويس والمغتربين وتصدير شوية فاكهة ... يافرحتي يا فرحتي ، القصد في الكلام ده ايه ، ان في وظائف كتيرررررر في البلد بتكسب بلاوي ، لكن غير شريفة لأنك بتكسب على قفا أخوك أبن بلدك وتمص دموو ، لغاية مدمو قرب ينشف ... والي يدحكك ايه بأه (كنت مره قاعد مع مدراء مصانع تصور الحوار كلو كان على ايه ، على العمالة ... وان مفيش عماله ههههههههههههههه تصور بلد التمنين مليون مواطن مش قادر يجيب عمال فراح واحد اتصرف منهم وراح يجيب عمال أفارقة والتاني راح يجيب عمال من جنوب شرق أسيا ) أده الكلالالالالالام ده عندنا في مصر أه عندنا هنا في مصر وناس كتير عمله كده لأن مش لاقي عمال ، واذا في كل واحد عاوز ياخود مرتب وزير حتى لو هيشتغل فراش ولا بواب ، ويبقى انا كصاحب عمل عاجز مقدرش ادفع مرتب أكتر من كده ، وهو كعامل ميقدرش ياخود مرتب زي كده لأنو مش هيأكلو عيش ... ومن هنا تبدء البطالة المقنعة ... ههههههههههه ياعم الحج دخلنا في السياسة والاقتصاد خلينا نرجع لموضوعنا القصد ، أن عاوز أبينلك أن في وظائف هيا عبارة عن سوس بينخور المجتمع وبيهد أقتصادوو وبالذات أنك تشتري سلعه مبالغ فيها وفي تمنها مما يسبب ليك عجز في ميزانية حياتك ...

وبعدين أزاي انا وانتا نبقى من دافعي الضرايب (حق الدولة علينا ) وهو بيبيع ويشتري ويكسب بالألوفات من غير مايدفع ولا قرش حتى للدولة .

والنقطة الاهم والاهم ، حتت انو بيغلي تمن العربية على الفاضي وممكن في النهاية تطلع العربية مقلب ويلبسها الزبون ، أو يلبس العربية للزبون ، وغير كده اي انسان بيعمل حسابو على تمن عربية وميزانية محددة ، التاجر هنا بيخرب لك كل حساباتك وبيخليك تطر تستلف علشان تكمل علشان تقدر تشتري العربية ويحسسك بفقرك وعجزك ، وبالتالي انتا هتحس بالظلم ، وساعتها هتبتدي تلعن وتسب في البلد ، وبالتالي شعورك بالانتماء هيقل ... وبالتالي بدل ما تشتغل وتنتج هتقول ينعل أبوها بلد لا خليني أهبش فيهاااا أشمعنى هما مبهدلني معاهم ... ومصمصو دمي ، الله الله الله كل ده أأأأأأأأأأأأه وأكتر كمان .

وكان مره قرءة قصة لصاحبي جليل ، أن في المدينة بتاعتو جف الماء ولم يتبقى غير بئر ماء واحد ... المهم جه وقال فيه ايه قالوا مفيش مياه غير في بئر واحد في هذه المدنية والبئر ده له صاحب بيبيع الماء للناس وبيغلي عليهم السعر ... فراح الصحابي الجليل قام فاصل الراجل واشترى منو البئر كلوو ، ودفع مبلغ وقدروو في هذا البئر ، وقال للناس يالله الي عاوز يشرب يشرب الماء ببلاش .

مش فاكر الصحابي هو ابو بكر ولا أبو هريرة ولا عمر ياريت حد يصححلي ... القصد هنا ، هو معملش الكلام ده بس لله ، وعلشان الحسنات والثواب ، صحيح أنو جانب مهم كان بيفكر فيه ، لكن تصور الناس الي مش قادرة تشتري الماء ممكن تطفش من هذه القرية ومن هذه المدينة ويهاجرو ويسيبو البلد ... وساعتها لا هيبقى في دعوى ولا كنا سمعنا عن غزوات وكان التاريخ كلو اتغير ... ومحدش يقولي يالله خلي الناس تطفش خلي الزحمه تخف هههههههههههههه ، لأنك بتتكلم عن أمة تسمى الامة المصرية وبتتكلم عن دولة وبلد .

وفي مثل بيقولك من أجل مسمار شايف أزاي مسمار سقطت حدوت الحصان ومن أجل حدوة الحصان سقط الفارس ، ومن أجل سقوط الفارس ، سقطت وخسرت المعركة ، ومن أجل سقوط المعركة ، سقطت الدولة من أجل مسمار ؟؟؟؟؟؟؟؟؟؟؟؟

فالقصد هنا أنو مينفعش كل واحد يعمل نفسو تاجر وينزل يبيع ويشتري في الناس وفي تعب وشقى الناس ويقول لنفسو اصلي بقلب عيشي ... طيب ماتنزل تقلب عيشك يا أخي في شيء يفيد بلدك ووطنك ، ده حتى علشان ربنا يباركلك في القرش الي بتاخدو ... بدل ما يبقى معاك فلوس قااااااااااااااااااااااد كده وتنزل تجيب بيها شوية بسكوت وشيبس للعيال وباكو شاي ، وده الي بيحصل حالياً ، ليه لأن الجنيه الي معاك ملهوش قوة شرائية لأن مفيش عمل ومفيش أنتاج يقدر يغطيه ... وحتى الناس الي بتنتج ، بقت بتحاول تنتج وخلاص بدون ضمير في الحاجة الي بيعملها ، ويالله صنع وقلب وخلص ، المهم يجمع فلوس علشان يقدر يسدد ديونو ، الي هيا أصلاً فلوس دفعها أونطة في أونطة بسبب التاجر الي ماصص دمو ، وعليه العوض ومنو العوض .

شفت بأه يا سيدي أن المسئلة مش سهله ولا بسيطة ، وأن سوسة وحده في المجتمع ممكن تعمل أيه ؟ هههههههههههه

الله ينور عليك
هما فعلا سوس بينخور فى المجتمع و مش مدركين كده علشان الربح عمى عيونهم و عقولهم

[ashohdy]

عندى عربية لانسر سوبر اكشن خليجى 2008 شامبين مرور حلوان عاوز تشوفها فى حلوان اوكى .. عاوز تشوفها فى جاردن سيتى مافيش مانع .. وقبل ماتيجى مليانة خرابيش ورفرف متغير .. واعمل حسابك على 95 الف .. انا تانى يد وماشية 60 الف : احمد/01112311533

[Mr_Mustafa]

ههههههههههه الجواز لالالالالالالالالالا شرى العربيات أسهل ياعم الحج مليون مره من الجواز ... بجد بجد الله يكون في عون شباب مصر ، على الاقل العربية اذا أدبست فيها بتعرف تزحلقها وتبيعها بس مراتك أذا أدبست فيها هتزحلقها فين بس ... دي هيا الي هتزحلقك وتزحلق كل مليم في جيبك ، لحد ما تغني ظلموة ...القلب الخالي ظلموووووووووووة .

والي يجننك تلاقي البناااااااااات كتيرررررر وبتعرف كتير بس لمن تيجي تتجوز متلاقيش ولا وحده عدلة .

الواقع المؤلم

[moh.aboelkheir]

انا سبت المذاكره و قعدت اقراء الموضوع كله .. ماشاء الله بجد بيناقش كل حاجه و كلام الاعضاء هنا قمه في كل شيء و مناقشه و اختلاف في الرأي محترم جدا بجد .. و معلومات كتير اتعلمتها ... و حوار البيع و الشراء ده ... انا هوايا عندي التجاره .. فبجيب حجات و ابيعها .... لدرجه اني لو جبت سيلف او الكتريك بجربوا على نفسي الاول قبل مابيعوا علشان اضمن انه بكفائه و اني مش بضحك على المشتري .. لان بجد تغور الفلوس امام مشتري يدعي عليا بعد مايشتري و يتخم .. انا حتى باديهم نمرتي و بقولهم لو في اي حاجه كلموني ارجع فلوسكو و ده خلاني اخسر فلوس

[i_Am_Legend]

الحمد لله....انا اشتريت عربيتي اللادا سمارا بالصدفة....من واحد شغال في حمدي لادا نفسوا....وقرفني لحد مارضي يديهاني ...بس بصراحة العربية تستاهل....والحمد لله...

[mohamedkordy]

مى-ميدو. كلامك كلو حلو ماعدا تخبيطك فى الالملنى المانى مستعمل ولا خرطه حتا لايقارن باى يابانى يا مى ميدو

[me_medoo]

مى-ميدو. كلامك كلو حلو ماعدا تخبيطك فى الالملنى المانى مستعمل ولا خرطه حتا لايقارن باى يابانى يا مى ميدو

ههههههههههه حبيب قلبي ... أولاً بشكر الجميع على أعجابكم بالموضوع وربنا يخليكم ليا يارب ...

ياباشا الالماني حلو وكل حاجة بس عيبوو ان في بلدنا مبيفهموش فيه المكانيكية والصينايعية الي احنا متعودين انهم يتعلمو على عربيتنا ... ده غير أن الالماني فيه تكنولوجيا عالية تفوق عقل الصنايعي المصري الي بيحب يعك . ودي كانت وجهت نظري .... وتحياتي ليكم كلكم ياشباب .

[me_medoo]

هو مينفعش الموضوع يتثبت علشان الي عاوز يشتري يستفيد من تجربتي ... ولمن يشوف بلاوي السوق ميحسش ان هو لوحدوو وان ده حال البلد .