اسئلة للمتخصصين فى المنتدى ... تهم كل مقبل على شراء سيارة

[dr_hady4447]

السلام عليكم ورحمة الله وبركاتة

الموضوع ياجماعة باختصار لانه مهم

معظم المقبل على شراء سيارة بيبقى عايز يشترى عربية كويسة وميضحكش علية
وطبعا السبل المتاحة ليه
ياما يدور على النت ولما يروح يتفرج على العربية ياخد معاه ميكانيكى او سمكرى( مع العلم ان فى اغلب الاحيان مبيعرفش شغل السمكرة اللى فى العربية كويس والعكس )
ودا بياخدله 200 جنيه لمجرد ان قال راية ودا السبب اللى بيخلى المثير منا يسرع فى شراء سيارة ويندم بعدها
فطبعا مش كل مرة اروح اشوف عربية ياخد معاه وحد ب 200
أو يروح معرض لتجار ( ويضحك عليه )
أو ينزل سوق الجمعة فيسمع كلام من التجار هوا مش فاهمة
المشكلة
انه لما بينزل يتفرج
بيبقى عندة معلومات قليله خالص وحاجات بدور فى بالة واسئلة مش لاقى ليها حلول لما يشوف عربية تعجبة ويبص مثلا يلاقى مرشوشة سقف فيقول طيب وايه المشكلة وهنا
يبحث عن مجيب لاسئلتة

وعلشان انا واحد من الناس دى
عملت الموضوع دة

وهبدأ باول سؤال شغلنى

--------------------------------------------------

ليه بنبص على الشنطة والقوايم وبنشوف مخبوطين ولا لا؟؟
فلو مخبوطين وعرفنا انهم مخبوطين وكانت العربية ب 50 الف مثلا وعلشان الخبطة بقى ب 30 الف , ليه مشتريهاش؟؟
ايه اللى بيعيب العربية فى الحالة دى ؟؟


وان شاء الله السؤال التانى بعد اجابة السؤال الاول :)

وجزاكم الله خيرا
وجزى الله القائمين على هذ المنتدى خيرا

[nouranwar]

في اعتقادي لو حضرتك مثلا لقيتها ب 30 الف و ده سعر مناسب ليها جدا و حسبتها لو حبيت تبيعها تاني متخسرش فيها تاني يبقي خلاص انما لو هتشتريها و هتخسرك كتير ساعة ماتبيع او هتدوخك في البيع يبقي ابعد عنها علشان في اتقادي ان العربية بتتغير كل فترة سواء طويلة او قصيرة لازم تتغير فعلشان كده بقول لحضرتك هل فيه حد تاني هيقبل يشتريها بوضعها ده ولا لأ و من هنا تقدر تقرر هتشتري ولا لأ

[dr_hady4447]

يعنى المشكلة فقط فى اعادة البيع ؟؟؟

ولا لما بتبقى مبوطة دا بيأثر على العربية ؟؟؟

[ah-gawad]

انا بصراحة اهم حاجة بدور عليها ان انا اشتري العربية بحقها تبعا لحالتها الفعلية علشان لما احب ابيع اعرف ابيع من غير ما اخسر كتير

[Ahmed_Rahem]

انا بصراحة اهم حاجة بدور عليها ان انا اشتري العربية بحقها تبعا لحالتها الفعلية علشان لما احب ابيع اعرف ابيع من غير ما اخسر كتير

[dr_hady4447]

يعنى المشكلة فى اعادة البيع ؟؟

[rompo10]

المشكله الكبيره ياباشا ان العربيه لو مقلوبه مثلا مش بيقولك وبيبعها علي اها رشه بس وبسعرها كمان عشان كده انا لا يمكن اتعامل مع تاجر لازم العربيه تبقي باسم اللي هاشتيرها دا اولا ثانيا يكون ابن ناس وشكله محترم لو غير كده مش بقرب من العربيه اصلا

[dr_hady4447]

المشكله الكبيره ياباشا ان العربيه لو مقلوبه مثلا مش بيقولك وبيبعها علي اها رشه بس وبسعرها كمان عشان كده انا لا يمكن اتعامل مع تاجر لازم العربيه تبقي باسم اللي هاشتيرها دا اولا ثانيا يكون ابن ناس وشكله محترم لو غير كده مش بقرب من العربيه اصلا

طيب ولو قالك مثلا مقلوبة وكان سعرها 80 وهوا بيقولك 60 علشان مقلوبة ورشة جوة وبرة
وعربيتة والرخصة باسمة ولسه فيها سنتين
وابن ناس واول ما اتكلم قالك فيها كذا

تشترى ؟؟؟ ولو لا لا ليه ؟

[nouranwar]

يعنى المشكلة فقط فى اعادة البيع ؟؟؟

ولا لما بتبقى مبوطة دا بيأثر على العربية ؟؟؟

علي حسب الخبطة و مدي تأثيرها علي العربية

[Ahmed Selim]

بسم الله الرحمن الرحيم

بص يا باشا

عموماً أول سبب للموضوع ده أنها ثقافة سوق.......يعنى حضرتك مثلاً...سألت طيب ليه ما أشتريش طالما السعر أقل من الطبيعى بس غيرك و دول كتير مجرد ما يعرف أن العربية راشة دواخل بيجرى......ليه بقى.

أولاً الخبطة كان تأثيرها على أيه فى العربية ؟
الشاسيه أو السلاح أو فردة الشاسيه يبقى من الأفضل تبعد عن العربية لأنها و إن كانت أتعملت صح.....و ده شئ صعب مش سهل.....يبقى إعادة بيعها صعبة.
القوايم ؟
طيب هل فيها لحامات ولا مجرد سمكرة ورش ؟
محدش هيقدر يجزم 100% إذا كان لحام ولا سمكرة و رش بس.........المشكلة أو لو فيها لحام بيبقى جسم العربية أقل قوة من الحالة الأصلية و بالتالى ممكن فى الحوادث لا قدر الله يعمل مشاكل.

ده سريعاً كده بعض الأسباب اللى تخلى الواحد يبعد عن العربيات اللى راشة دواخل.

[dr_hady4447]

علي حسب الخبطة و مدي تأثيرها علي العربية

تمام

[dr_hady4447]

بسم الله الرحمن الرحيم

بص يا باشا

عموماً أول سبب للموضوع ده أنها ثقافة سوق.......يعنى حضرتك مثلاً...سألت طيب ليه ما أشتريش طالما السعر أقل من الطبيعى بس غيرك و دول كتير مجرد ما يعرف أن العربية راشة دواخل بيجرى......ليه بقى.

أولاً الخبطة كان تأثيرها على أيه فى العربية ؟
الشاسيه أو السلاح أو فردة الشاسيه يبقى من الأفضل تبعد عن العربية لأنها و إن كانت أتعملت صح.....و ده شئ صعب مش سهل.....يبقى إعادة بيعها صعبة.
القوايم ؟
طيب هل فيها لحامات ولا مجرد سمكرة ورش ؟
محدش هيقدر يجزم 100% إذا كان لحام ولا سمكرة و رش بس.........المشكلة أو لو فيها لحام بيبقى جسم العربية أقل قوة من الحالة الأصلية و بالتالى ممكن فى الحوادث لا قدر الله يعمل مشاكل.

ده سريعاً كده بعض الأسباب اللى تخلى الواحد يبعد عن العربيات اللى راشة دواخل.

اه

كدة وصلت ياباشا
جزاك الله خيرا

[dr_hady4447]

السؤال الثانى

ليه الفوانيس لما تكون مشبرة تبقى وحشة ؟؟؟

[Ghost2]

الفوانيس لما بتكون جديدة .. بيبقى في جوانات عزل في الفواصل بتاعتها عشان متدخلش مياه الغسيل جوا الفانوس .. لكن ساعات في ناس بتعمل شغل في الفانوس من جوا زي تركيب الرينجات مثلا .. او ان في حته في الفانوس صغيرة اتشرخت او انكسرت الفبرة من ورا ودخلت مياه وشبرت فا في الحاله دي بتكون الاضاءة اضعف من الاول .. تاني حاجة لو الفانوس لونه بقى اصفر . يبقى قديم جدا بقاله سنين .. او مش الاصلي فا بيصفر بسرعة وفي الحالة الاولى والتانية بتغير الفوانيس .. بس دي مش من الاساسيات برده في شرا العربية .. الاساسيات اللي بنتكلم عليها ( قوايم - حوض - شنطة - شاسيه) الحاجات دي لو سليمة .. بعد كده فرق الدهان بقه اللي بيحدد السعر على حسب ان كانت زيرو او رشت بعض اماكن .. او رشت كلها .. ومفيش عربية هترش داخلي الا لو كان فيها حاجة جوا .. ودايما بنبعد عن العربيات دي عشان اعادة البيع وعشان قوة البدن .. وتقبل تحياتي

[dr_hady4447]

الفوانيس لما بتكون جديدة .. بيبقى في جوانات عزل في الفواصل بتاعتها عشان متدخلش مياه الغسيل جوا الفانوس .. لكن ساعات في ناس بتعمل شغل في الفانوس من جوا زي تركيب الرينجات مثلا .. او ان في حته في الفانوس صغيرة اتشرخت او انكسرت الفبرة من ورا ودخلت مياه وشبرت فا في الحاله دي بتكون الاضاءة اضعف من الاول .. تاني حاجة لو الفانوس لونه بقى اصفر . يبقى قديم جدا بقاله سنين .. او مش الاصلي فا بيصفر بسرعة وفي الحالة الاولى والتانية بتغير الفوانيس .. بس دي مش من الاساسيات برده في شرا العربية .. الاساسيات اللي بنتكلم عليها ( قوايم - حوض - شنطة - شاسيه) الحاجات دي لو سليمة .. بعد كده فرق الدهان بقه اللي بيحدد السعر على حسب ان كانت زيرو او رشت بعض اماكن .. او رشت كلها .. ومفيش عربية هترش داخلي الا لو كان فيها حاجة جوا .. ودايما بنبعد عن العربيات دي عشان اعادة البيع وعشان قوة البدن .. وتقبل تحياتي

جزاكم الله خيرا

الله ينور
ايوة كدة الواحد يعرف يدور يشترى حاجة كويسة