رأيكم فورد فوكس 2008 ولا اوكتافيا 2007

[mohaakotb]

محتاج مساعدتكم لأن قدامي فورد فوكس 2008 هحط لينكها في الاخر

المهم انا كلمت الراجل وطلع تمام واستريحتله بصراحه .. المهم هي فابركيه جوة وراشه رفارف و كل الحاجات شغاله طارة و كاسيت وتكييف و فتحه سقف مرايات كله سليم مافيهوش مشاكل ومهتم بيها ومبيطلعهاش بره التوكيل ف سعرها تمام ولا كتير ولا ايه ؟ خصوصا أن قدامي اوكتافيا a5 2007 بتاعت قريبي ناشيه 75000 بس الطارة المالتي فيها بايظه و الشنطه فيها مشكله مبتفتحش من الريموت ومتجرحه جامد .....
وكنت عايز اعرف ايه نظام توكيل الفورد و ايه اخر اسعار قطع الغيار دلوقتي عشان ده مهم بالنسبالي لأني كنت راكب لانسر وانتو عارفين حاجتها عند اي سوبر ماركت واي حد بيصلحها .. وانا من اكتوبر ف هل هلاقي حد بيصلح الفوكاس هنا ؟ ولا توكيل وش ؟
سؤال مهم بردو هي عاليه ولا واطيه ؟ نظامها ايه في المطبات لأن الاوكتافيا مريحه جدا مخدتش بيها ولا مطب غير اللانسر كنت باخد كتير
ف ياريت الاقي رد بسرعه مش عارف ليه حاسس انها لقطه وحد هيشتريها منه :)

[url=http://www.contactcars.com/UsedCars_Profile.asp?CarID=727004]ContactCars |

[Ahmed Selim]

مع كامل أحترامى للعربيتين

خليك فى الأوكتافيا................اضمن فى السوق المصرى من الفورد

الفورد هتلاقي قطع غيار و ناس يشتغلو فيها برة التوكيل بس مش كتير زى الأوكتافيا.

و الأتنين ركوبتهم مريحة.......و إن كانت الأوكتافيا عفشتها أنعم شوية من الفورد.

أنا سوقت فوكس 2007 هاتش و سوقت أكتر من أوكتافيا موديلاتهم ما بين 2006 و 2008 على ما أذكر.

[rompo10]

راي فوكس اوكتافيا خلاص بقت زي الكوري منتشره وبتتاجر كمان بالاضافه لعيب الفتيس القاتل فيها الصراحه الفورد جميله جدا وممكن تتعب وتنزل تسال علي قطع الغيار

[benmatar]

السلام عليكم
المقارنة بين فورد فوكس 2008 وسكودا أوكتافيا2007
الاتنين أوروبي، معاملات أمان محترمة، كفاءة محركات، ثبات واتزان على السرعات والدورانات، قيادة مريحة، رفاهية لا بأس بها، قطع غيار معمرة، صيانات عند متخصصين ومش أي حد يلعب فيهم،،،، بسسسسسس......
- بالنسبة لقطع غيار فورد فوكاس ترتفع نوعا ما (مقدار بسيط عن سكودا أوكتافيا)
- محلات قطع غيار سكودا منتشرة عن محلات قطع غيار فورد
- موديل أوكتافيا a5 منه نفس الشكل وتشابه قطع الغيار بنسبة 90% بدءا من 2005 وحتى .2008
- فورد فوكاس 2008 تختلف عن 2007 وما قبلها.
بالنسبة للصيانات سيبك من التوكيلات بصفة عامة وتوكيل فورد بصفة خاصة لردائته من التجربة، بس التوجه لمركز فني متخصص في النوع أفضل شيء وبلاش أي ميكانيكي عشوائي، ومنه تجد أن مراكز خدمة سكودا والورش المتخصصة أكتر ومنتشرة عن متخصصي الفورد.
- عند شراء أوكتافيا تجد المعروض 20 سيارة أما الفوكاس تجد المعروض أقل من 10 بأحسن الأحوال
- وعند بيع أوكتافيا تجد المتصلين أكثر من 50 (حصلتلي عند بيع A5 2005) أما عند بيع الفوكاس ممكن يصل العدد 20 متصل.
- بصراحة ركوب الأوكتافيا كويس ومحدش اشتكى منها وصيانتها عند أكتر من مركز وورشة متخصصة في أنحاء القاهرة المختلفة، وموضوع الفيتيس اللي في الأوكتافيا كلام غير سليم تماما، والموضوع وما فيه هو إن أغلب الأوروبي بل كله بصفة خاصة وكل الأوتوماتيك بصفة عامة يحتاج تغيير زيت فيتيس كل 50-60 ألف كم. أما إذا تمت عملية الطناش السائدة والرائجة عند معظمنا الفيتيس يطير.
بالنسبة للأوكتافيا المعروضة على حضرتك بالأخص بلاش منها بتاتا لأن الغالب فيها إنها محتاجة كونترول وده هيعدي 5000ج.م والحالة شكلها من الوصف مش قد كده، علما إن ممكن تلافي أوكتافيا فابريقة بالكامل وكيلومتر قليل وفي كل الحالات وفي أي عربية لابد من الكشف المتأني والدقيق ((كمبيوتر وشاسيه بالكامل مع التجربة العملية من متخصص)).
طبعا كفة سكودا أوكتافيا ترجح عن فورد فوكاس من وجهة نظري المتواضعة. وسامحني للإطالة بس حبيت أنصح وأقدم المساعدة. وبالتوفيق

[mohaakotb]

فعلا متشكر ليكو جدا علي نصايحكو الجميله
بس هو خلاص استقرينا علي الفورد إن شاء الله ... نزلنا شوفناها وسوقتها وشوفت الاوبشن وجربت كل حاجه وحالتها فوق الممتازه ومفيهاش خدش ... بعدين روحنا التوكيل عشان نكشف الراجل صاحب العربيه كتر الف خيره قالي ماتكشفش تاني كان في لسه واحد كاشف عليها من 3 اسابيع والريبورت هيبقي متسجل عندهم و فعلا رحنا الصبح الساعه 9 توكيل اخر احترام بصراحه - للعلم انا مجرب توكيل متسوبيشي- ومفيش زحمه وبيقابلوك مقابله الملوك :) .. المهم اخدنا الريبورت واحنا واقفين ومدفعتش جنيه - يعني وفرت 450 ج- المهم مكتوب الملاحظات دي في الريبورت : قسم الميكانيكا و العفشة > السيارة محتاجه تيل وطنابير اماميه و 2 لينك خلفي و طنابير وتيل خلفي بعد 25 الف كيلو .. و جوان غطا التاكيهات ...... قسم الكهرباء > لايوجد اي اكواد اعطال بالسياره ... قسم السمكرة والدهان > السيارة بحاله جيدة رشه رفارف فقط و في التوكيل

ايه رأيكو بقي ؟ ومعلش الحاجات ي هتبقي تكلفني كام لو عندكو معلومات ... وايه جوان غطا التاكيهات ده ؟

[Land_Cruiser]

فعلا متشكر ليكو جدا علي نصايحكو الجميله
بس هو خلاص استقرينا علي الفورد إن شاء الله ... نزلنا شوفناها وسوقتها وشوفت الاوبشن وجربت كل حاجه وحالتها فوق الممتازه ومفيهاش خدش ... بعدين روحنا التوكيل عشان نكشف الراجل صاحب العربيه كتر الف خيره قالي ماتكشفش تاني كان في لسه واحد كاشف عليها من 3 اسابيع والريبورت هيبقي متسجل عندهم و فعلا رحنا الصبح الساعه 9 توكيل اخر احترام بصراحه - للعلم انا مجرب توكيل متسوبيشي- ومفيش زحمه وبيقابلوك مقابله الملوك :) .. المهم اخدنا الريبورت واحنا واقفين ومدفعتش جنيه - يعني وفرت 450 ج- المهم مكتوب الملاحظات دي في الريبورت : قسم الميكانيكا و العفشة > السيارة محتاجه تيل وطنابير اماميه و 2 لينك خلفي و طنابير وتيل خلفي بعد 25 الف كيلو .. و جوان غطا التاكيهات ...... قسم الكهرباء > لايوجد اي اكواد اعطال بالسياره ... قسم السمكرة والدهان > السيارة بحاله جيدة رشه رفارف فقط و في التوكيل

ايه رأيكو بقي ؟ ومعلش الحاجات ي هتبقي تكلفني كام لو عندكو معلومات ... وايه جوان غطا التاكيهات ده ؟

انا كنت داخل اقول لحضرتك خلليك فى الاوكتافيا احسن و مش شرط العربيه اللى بتقول عليها و ممكن تشوف واحده تانيه حالتها احسن و ده لعده اسباب زى الانتشار و عدم وجود شكوى منها بصفه عامه بالاضافه للامان و الكماليات و سعر اعاده البيع بس بما ان حضرتك توكلت على الله و قررت خلاص يبقى الف مبروك و ممكن تعرف سعر الحاجات اللى محتاجه تغيير دى سعرها كام فى التوكيل من خلال زياره او السؤال حتى بالتليفون و سعرها يراعى فى سعر شراء العربيه يا اما البائع يغيرهملك هو و اطمن برضه على حاله الكاوتش بالمرة و بالتوفيق

[mohaakotb]

طيب هو ومبدئيا التيل و الطنابير امامي وخلفي هيتغيرو بعد 20 الف كيلو .. سألت لقيت اسعارهم في التوكيل ك التالي
تيل 400
طنابير 800امامي وخلفي نفس السعر
لينك 300

وسألت بالمره عن الفانوس الامامي 800 و الخلفي 300 .. الاكصدام امامي 1700 و الخلفي 2000
كل الاساعر دي في التوكيل طبعا بره هتبقي اقل النص .. ف أيه تقييمكو في الاسعار دي

[Ahmed Selim]

طيب هو ومبدئيا التيل و الطنابير امامي وخلفي هيتغيرو بعد 20 الف كيلو .. سألت لقيت اسعارهم في التوكيل ك التالي
تيل 400
طنابير 800امامي وخلفي نفس السعر
لينك 300

وسألت بالمره عن الفانوس الامامي 800 و الخلفي 300 .. الاكصدام امامي 1700 و الخلفي 2000
كل الاساعر دي في التوكيل طبعا بره هتبقي اقل النص .. ف أيه تقييمكو في الاسعار دي

أسعارها مش بطالة..............يعنى ولا غالية ولا رخيصة...........برة هتلاقى أقل أكيد إن شاء الله.

[mohaakotb]

انا شاكر ليكو كلكو يا جماعه ... بس نفسي حد معاه الفوكاس يرد عليا :)

[Land_Cruiser]

اسعارها معقوله. بص حضرتك ان ليا واحد صاحبى كانت معاه موديل ٢٠٠٧ و كانت جميله جداً وانا سوقتها بس هى كانت اكتر حاجه مضايقاه فيها التوكيل لانه فى الوقت ده ما كنش عندهم كل اجهزه الكشف على الموتور و كان بيضطر يدور على مراكز بره التوكيل بس الكلام ده كان من ٤ او ه سنين و معرفش الحال ازاى دلوقتى

[mohaakotb]

معلش اعذر جهلي بس هي دي مشكله كبيره ؟ و تقريبا مفيش سيره في الريبورت اللي اخدته من التوكيل عن الموتور او الفتيس خالص ولا كده يبقي هم تمام ومفيهومش مشاكل ولا ايه اصلي اول مره اشتري مستعمل و اول مره اخش في المواويل دي وكشف وتوكيل وحوارات :)

[Land_Cruiser]

معلش اعذر جهلي بس هي دي مشكله كبيره ؟ و تقريبا مفيش سيره في الريبورت اللي اخدته من التوكيل عن الموتور او الفتيس خالص ولا كده يبقي هم تمام ومفيهومش مشاكل ولا ايه اصلي اول مره اشتري مستعمل و اول مره اخش في المواويل دي وكشف وتوكيل وحوارات :)

لو لسه الموضوع بتاع معندهمش كل الأجهزة ده لحد دلوقتى طبعا دى هتبقى حاجه سخيفه و تزهق و الموضوع ده حضرتك لازم تتاكد منه من احد المالكين ليها دلوقتى و انا اخدت بالى ان حضرتك عامل موضوع فى قسم الفورد و ياريت تسال فيه عن الموضوع ده علشان تطمن.
بالنسبه للتقرير و عدم ذكره لتفاصيل عن الموتور و الفتيس اعتقد ان واحد من اهم الاسباب اللى بتخللى الناس تكشف فى التوكيل هو التاكد من حاله الموتور و اجزاؤه يعنى اكيد هما كشفوا عليه بس برضه علشان تطمن ممكن تكلم التوكيل و تسال عن سعر الكشف و بيشمل ايه بالضبط و منه هتعرف ايه بالضبط اللى اتكشف عليه فى المره السابقه
حاجه اخيره و هى رغم ان العربيه كويسه بس هى ملهاش حظ فى السوق المصرى و ده بيترجم فى سعر اعاده بيع سىء وان بيعها بيكون تقيل مقارنه بالهيونداى و الميتسوبيشى و الحاجات دى

[mohaakotb]

اه انا عارف إن الريسال بتاعها نيله خالص بس عادي بالنسبالنا احنا مش بنبيع .. لولا اصلا إن العربيه اتسرقت مكناش هنشتري بس اهو بقي .... بس إن شاء الله هنأمن عليها تأمين شامل ضد السرقه معندكش معلومات عن التأمين وهل هو مجدي فعلا ولا هيطلع عيننا