تسعير سيارة هوندا سيفك 1992

[samsam_91]

ماركة السيارة
هوندا
طراز السيارة
سيفيك
موديل السيارة
1992
سعة المحرك ال سي سي
1600
عداد الكيلومتر
100 الف كيلومتر

ده الاساس الباقي ده :

كاملة مانول, ,تكيف ,بور,سنتر,زجاج كهرباء,ماكينة حصان 125 h.p vtec ,بطارية جديدة,ديسك و اسطوانة جديد ماركة excedy يبانى,فلتر سبور,عفشة جديدة بلكامل,فوانيس لينسس امامى و خلفى,كاوتش جديد (الشجرة)جنط اسود 14 ,سبويلر خلفى,hks مفلر(ديفل)كساحة امامى,كبوت اسود mirrior,بوجهات جديدة,عددة صوت كاملة 4 سمعات و كاست sony الجديدو,gm ,زنون,العربية فابريكة من الداخل

دي صورة للسيارة :



هي العربية واحد عارضها للبيع ب 53 الف هل ده مبلغ كويس ولا ايه و انا شايف ان هي ممكن من 45 الى 48 الف

[ahmdmagdy]

انا شايف انك لو خلصتها علي 48 ألف يبقي كويس

[samsam_91]

شكرا لحضرتك بس اظن والله اعلم ان اكتر من 48 عليها كتيير :)

[aboomar22]

ربنا يوفقك للى فيه الخير بس انا عندى ملاحظة معقول مو92 وعاملة 100 الف فقط لان الظاهر من شكل العربية انها مع شاب روش مش استعمال اسرة انا مش بشكك لا سمح الله انا بس بقول ملاحظة علشان تخلى بالك

[sanhory]

باشا العربية دي اخيرها 45 لانها مش si كل ما فيها انها متسقطلها موتور انجيكشن بدل الكربيراتير الاصلي بتاعها و برضه دا ميعليش سعرها عادي يعني
انت بالسعر دا او اقل شوية ممكن تجيب si نضيفة جدا جدا

[samsam_91]

شكرا ياجماعة بجد نصايحكم اكيد قدام عيني دائما :)

و ممكن بعد اذنك يا سانهوري باشا افرق ازاي بين العادي و ال si ... :)

[M_Nabil]

باشا العربية دي اخيرها 45 لانها مش si كل ما فيها انها متسقطلها موتور انجيكشن بدل الكربيراتير الاصلي بتاعها و برضه دا ميعليش سعرها عادي يعني
انت بالسعر دا او اقل شوية ممكن تجيب si نضيفة جدا جدا

+1111111

[sanhory]

شكرا ياجماعة بجد نصايحكم اكيد قدام عيني دائما :)

و ممكن بعد اذنك يا سانهوري باشا افرق ازاي بين العادي و ال si ... :)

اسف عالتاخير يا زعيم

العربية دي في منها 3 فئات نزلت السوق عندنا هنا في مصر

EL
دي مفيهاش اي كماليات و ممكن تكون باور و اتوماتيك و طبعا التكيف اساسي و مافيهاش rpm
و الموتور كرابيراتير
EX
دي زجاج كهربا و مرايات كهربا و سنتر و باور و ممكن اتو و ممكن مانيوال و سماعات خلفية اصلية و rpm و برضه موتور كاربيراتير
SI
دي بقى نفس ال ex من جوا في كل حاجة بس يزيد عليها فتحة السقف و فراملها من ورار سكاكين زي قدام و طبعا موتورها انجيكشن 2 كامة و كلها اوتو و نادر لما تلاقي واحد مانيوال اوريجينال
و دي لما الموتور بيبوظ بيحوطولها ال vtce ابو 125 حصان و في ناس بتحط ال sir ابو 170 حصان

حتلاقي بقى في حاجات جاية من برا ممكن تلاقي زيادات abs او مثبت سرعة و ممككن تلاقي مع الكلام ده مفيش فتحة سقف عادي بيختلف بقى الكلام ده حسب البلد اللي جاية منها

المهم عشان ماتغلبش انت لما تفتح الكبوت و تبص على فانوس الاشارة اللي على ايدك الشمال و انت واقف قدام العربية لو في فتحة مدورة ورا الفانوس(في الشاسيه) و داخل فيها ماسورة بلاستيك او مش داخل فيها حاجة فا دي كاربيراتير يعني EL or EX مفيش فاتحة تبقى si
الكلام ده في العربيات السليمة , لو في اي حاجة من الحاجات دي لقيتها في العربية مش ماشية مع بعضها دي يا اما صاحبها بيحاول يقلبها si و هيا اصلا كاربيراتير يا اما si فعلا و مغيرة نص و حاطوله نص بتاع كاربيراتير

الخلاصة خلي بالك من اللي بيحاولو يغيرو في العربية عشان في ناس بتركب فتحة السقف بتاعت ال si

انا مش عارف انا توهتك ولا ايه انا بحاول ارسيك قد ما اقدر لان احنا دلوقتي مش بنتكلم عن حاجة 100 % استوك يمكن 25 % منها استوك والباقي معمول فيه البدع

[ahmedeihab]

انا شايف انها غاليه شويتين
بلنسبه للموديل
اولا دى 92
يعنى اول موديل فى الشكل ده
تانى حاجه
الاوبشن اللى فيها مش اللى هو يخليها تتباع بسعر 53 الف
العربيه دى من وجهه نظرى لو فابريكه دواخل بلكامل حوض و شنطه و قوايم و حاله الدواخل نضيفه
هتعملها 40 الف كبيرها
متنساش ان موديل العربيه بيحكم على سعرها هو و الاوبشن اللى فيها
بس انا مش شايف انها لا موديل ولا اوبشن
تحياتى ليك
^_^

[samsam_91]

اسف عالتاخير يا زعيم

العربية دي في منها 3 فئات نزلت السوق عندنا هنا في مصر

EL
دي مفيهاش اي كماليات و ممكن تكون باور و اتوماتيك و طبعا التكيف اساسي و مافيهاش rpm
و الموتور كرابيراتير
EX
دي زجاج كهربا و مرايات كهربا و سنتر و باور و ممكن اتو و ممكن مانيوال و سماعات خلفية اصلية و rpm و برضه موتور كاربيراتير
SI
دي بقى نفس ال ex من جوا في كل حاجة بس يزيد عليها فتحة السقف و فراملها من ورار سكاكين زي قدام و طبعا موتورها انجيكشن 2 كامة و كلها اوتو و نادر لما تلاقي واحد مانيوال اوريجينال
و دي لما الموتور بيبوظ بيحوطولها ال vtce ابو 125 حصان و في ناس بتحط ال sir ابو 170 حصان

حتلاقي بقى في حاجات جاية من برا ممكن تلاقي زيادات abs او مثبت سرعة و ممككن تلاقي مع الكلام ده مفيش فتحة سقف عادي بيختلف بقى الكلام ده حسب البلد اللي جاية منها

المهم عشان ماتغلبش انت لما تفتح الكبوت و تبص على فانوس الاشارة اللي على ايدك الشمال و انت واقف قدام العربية لو في فتحة مدورة ورا الفانوس(في الشاسيه) و داخل فيها ماسورة بلاستيك او مش داخل فيها حاجة فا دي كاربيراتير يعني EL or EX مفيش فاتحة تبقى si
الكلام ده في العربيات السليمة , لو في اي حاجة من الحاجات دي لقيتها في العربية مش ماشية مع بعضها دي يا اما صاحبها بيحاول يقلبها si و هيا اصلا كاربيراتير يا اما si فعلا و مغيرة نص و حاطوله نص بتاع كاربيراتير

الخلاصة خلي بالك من اللي بيحاولو يغيرو في العربية عشان في ناس بتركب فتحة السقف بتاعت ال si

انا مش عارف انا توهتك ولا ايه انا بحاول ارسيك قد ما اقدر لان احنا دلوقتي مش بنتكلم عن حاجة 100 % استوك يمكن 25 % منها استوك والباقي معمول فيه البدع

تمام جدا لا متوهتش و لاحاجة بس معلش هل هي ليها موديلات معينة Si و لا عادي مع الباقيين ؟؟

[samsam_91]

انا شايف انها غاليه شويتين
بلنسبه للموديل
اولا دى 92
يعنى اول موديل فى الشكل ده
تانى حاجه
الاوبشن اللى فيها مش اللى هو يخليها تتباع بسعر 53 الف
العربيه دى من وجهه نظرى لو فابريكه دواخل بلكامل حوض و شنطه و قوايم و حاله الدواخل نضيفه
هتعملها 40 الف كبيرها
متنساش ان موديل العربيه بيحكم على سعرها هو و الاوبشن اللى فيها
بس انا مش شايف انها لا موديل ولا اوبشن
تحياتى ليك
^_^

تسلم يا ايهاب باشا

وكمان اظن الاوبشن اللي فيها ده اكيد يعني بتجري كتيير معنى ذلك ان هي تعتبر مستهلكة جامد و اكيد ده يقلل من سعرها :)

[samsam_91]

وكمان انا فيه قدامي واحدة تانية بالمواصفات دي بس مش متحددلها سعر


هوندا سيفيك si موديل 1992.فبريكه بالكامل من الداخل.موتور ممتاز v.tec جديد.عفشه جيده جدا.سمكره و دوكو جديد.فرش جديد.طقم جنط momo 17 اصلي.فاميه مثبت عالرخصه.علبة شكمان jasma.....

هو الراجل قالي شوف انت و مش عارف ايه قولتله هسئل و اقولك عشان مبقاش ظلمتك ولا ظلمتني ...

[sanhory]

تمام جدا لا متوهتش و لاحاجة بس معلش هل هي ليها موديلات معينة si و لا عادي مع الباقيين ؟؟

لا عادي من 92 ل 95 زي الباقي و كله شكل واحد

[samsam_91]

بالنسبة للعربية التانية هي اوتوماتيك و كان عايز فيها 50 ... بس المطور V.tec 1500 معرفش هل هو قصده يعني ده 1500 سي سي ولا ايه ...

[ahmedeihab]

تسلم يا ايهاب باشا

وكمان اظن الاوبشن اللي فيها ده اكيد يعني بتجري كتيير معنى ذلك ان هي تعتبر مستهلكة جامد و اكيد ده يقلل من سعرها :)

اكيد يا سمسم باشا
كلامك مظبوط من ناحيه الجرى
^_^