هيونداى الانترا 2011 هاى لاين للبيع ..

[mhoreya]

العربية هيونداى الانترا 2011 .. نفس شكل موديل 2010 و 2009 مش الشكل بتاع 2012 يعنى ..
العربية هاى لاين كاملة فتحة سقف . جنوط سبور 15 . كاسيت شاشة تاتش . كاميرا . بلوتوث
العداد . 45 الف كيلو
رخصة فاضل فيها سنة و 8 شهور باسمى
راشة اكصدامين نضافة ..
طقم زينون كامل فوق و تحت ..
فابريكة بالكامل داخل و خارج مع عدا الاكصدامين .. بدون اى خدوش او حكات فى جميع جوانب السيارة ..
فيها خبطة بسيطة فى الكبوت من الأمام معمولة على البارد بمقدار كف اليد .. و لكن السمكرى كان وحش فا الضعضعة باينة فى الكبوت بمقدار كف اليد بالظبط ...

ياريت اعرف سعرها الحقيقى فى السوق كام .. وعلى اتم الاستعداد للبيع حالن ولكن السعر يكون معقول ..

[AHMED_DINAMO]

بتهيألى والله اعلم 82 وانا بقول ده رأيى

[mhoreya]

82 الف جنيه !!!!
حضرتك بتهزر على فكرة ..

[AHMED_DINAMO]

كتير ولا قليل انا كان معروض عليا النترا 2009 على 70 والله عشان كده بقول 82

[M.Elgergawy]

متهيألى رينج 96

[mody3on]

حوالي 90 الف .. وانخفاض السعر عشان نزول شكل جديد

[amrrashed]

مش ممكن ابدا تكون ب ٨٢ ممكن رينج ٩٠

[AHMED_DINAMO]

يا باشا انا معرفش انا قولت على حسب ال كان معروض عليا ربنا يحنلك سوقها وتتباع باعلى سعر نفسك فيه

[mmans]

لو جالى 89 ابيع ولا لاء ؟؟؟

[M.Al-Hefnawy]

بص حضرتك العادية بدون فتحة سقف بتعمل في رينج 90 الف.

وبما ان حضرتك بتاعتك هاي لاين ورشة اكسدامين يبقى 90 كويس.