فوانيس لانسر شارك 2011 للبيع

[Hkawetsh]

السلام عليكم جميعا .

الموضوع دغرى كده انا هجيب فوانيس عدسات و لدات من الخارج و عايز ابيع الفوانيس الاصلية بتعتى عشان مش هيبقى ليهم لزمة و فلوس مرمية على جنب .

السؤال : 1- هل اى حد عنده فكرة اروح ل من عشان ابعهم ؟
2- هل حد عنده فكرة ممكن يجيبو كام ؟

ملاحظات : العربية بتعتى 2011 و الفوانيس مفيش فيها خربوش بمعنى الكلمة . على كلام التوكيل سواء مصرية او دياموند , سعر الفردة الواحدة من 2000 ل 2500 اصلى اصلى . طبعا عشان متفهمش غلط , انا مش بدور انى ابعهم ب سعر مقارب من ده بس بدور على حد يبقى عنده شوية ضمير و لما ياخد حاجة منى ب النظافة دى , م ينزلش سعرها فى الارض .

اتمنى ان حد يفيدنى و شكرا

[zonfuly]

موفق في البيع والصراحه ما اعرفش تبيعهم فين

[MIVEC.A92]

معلش سؤال يا باشا .. انت العربية بتاعتك فيها نظام afs ؟ و لو مفيهاش, هل لما تجيب الفوانيس العدسات بتيجي بالضفيرة بتاعتها عشان تدخل النظام ده في العربية ولا لأ, و هل فيه لينك ينفع أشوف بيه الفوانيس اللي حضرتك هتجيبها ؟

[Hkawetsh]

الفوانيس اللى هبعها اللى هى الbase خالص مفيش عدسات ولا حاجة . دول ال original بتوع العربية .

قصة الفوانيس اللى فيها afs و ينفع نركبها فى شارك baseline ده حوار طويل بزات ان هيبقى فى عك من نحية الناس اللى هتركبهولك و هبقى افتح مع حضرتك حوار مخصوص عشان لو حضرتك مهتم اوى ب انك تشيل الفوانيس ال baseline زى بتوعى و تركب الفوانيس العدسات اللى فيها afs .

وعد منى بس اخلص حوار الفوانيس ده .

[Hkawetsh]

معلش سؤال يا باشا .. انت العربية بتاعتك فيها نظام afs ؟ و لو مفيهاش, هل لما تجيب الفوانيس العدسات بتيجي بالضفيرة بتاعتها عشان تدخل النظام ده في العربية ولا لأ, و هل فيه لينك ينفع أشوف بيه الفوانيس اللي حضرتك هتجيبها ؟

هرد على حضرتك بكره ان شاء الله بكل التفاصيل اللى حضرتك هتحتجها عشان متدبسش فيهم و حد يدحك عليك فى السعر و التركيب بردك .

[MIVEC.A92]

شكرا يا باشا و مستني رد حضرتك

[MuhamedNabil]

طيب لو انت مش مستعجل اعرضهم هنا و إن شاء الله يجى حد يشتريهم بسعر كويس و يبقى مكسب ليك و ليه

و بالنسبة لل afs ده تشغيله من اصعب ما يكون و الكيت الوحيدة الشفتها كانت هيلا و ثمنها 300$ + ده غير انها لازم تركب على كشاف هيلا برده افضل عشان اماكن تثبيت العاكس و النقطة المتحركة الفيه.
الحل الافضل ان لو معندكش اوبشن انك تعالى و تواطى النور من الداخل و الاوبشن ده موجود فى العربية للفئة الاعلى ممكن تجيبة و تركبه و تركب معاه الكشفات الفيها موتور عشان ضبط مستوى النور او تسقط للكشفات العندك مواتير .

[Hkawetsh]

طب ينفع اكتب ب الفرانكو عربى عشان هكتب كتييير اوى .

لو مش هينفع انا هسيب رقم تلفونى و اللى عايز معلومة عن ال afs يتصل بى و عايز نصيحة .

[MuhamedNabil]

و بالنسبة لل afs ده تشغيله من اصعب ما يكون و الكيت الوحيدة الشفتها كانت هيلا و ثمنها 300$ + ده غير انها لازم تركب على كشاف هيلا برده افضل عشان اماكن تثبيت العاكس و النقطة المتحركة الفيه.
الحل الافضل ان لو معندكش اوبشن انك تعالى و تواطى النور من الداخل و الاوبشن ده موجود فى العربية للفئة الاعلى ممكن تجيبة و تركبه و تركب معاه الكشفات الفيها موتور عشان ضبط مستوى النور او تسقط للكشفات العندك مواتير .

انا لخبط بين AFS و auto leveling , الكلام الانا كتبته ده كان على ال auto leveling

[Hkawetsh]

معلش سؤال يا باشا .. انت العربية بتاعتك فيها نظام afs ؟ و لو مفيهاش, هل لما تجيب الفوانيس العدسات بتيجي بالضفيرة بتاعتها عشان تدخل النظام ده في العربية ولا لأ, و هل فيه لينك ينفع أشوف بيه الفوانيس اللي حضرتك هتجيبها ؟

طيب الموضوع فى ظاهره بسيط و مضمونه و طريقة تطبيقه بسيطة جدا بس نلاحظ الاتى :
1- الفوانيس البيز لاين فيها 2 لمبة العالى لوحده و الواطى لوحده . اما الهاى لاين العالى و الواطى موجودين فى العدسة اللى زى ما قلنا عليها bixenon . الفانوس بتاع الهاى لاين اللى هو الزينون هو هو الفانوس الاصلى البيز لاين يعنى هيركب هيركب من غير نقاش و الفيشة بتاعت الفانوس هتركب فى ايضا .
بس فى حاجة , زى ما قلت البيز لاين 2 لمبة منعزلين . ف لما تيجى تركب الفانوس الزينون الهاى لاين هينور اشارة و سهارى بس العدسة مش هتشتغل للاتى :
عشان العالى و الواطى اصبح فى العدسة ف لازم تعيد ترتيب الاسلاك فى الفيشة اللى هتركبها فى الفانوس .يعنى مفيش حاجة اسمها تلعب فى ضفيرة نهائيا . هى الفيشة هتشيل السلكة مثلا اللى فى pin 1 و هتحطها مكان pin 3 و هكذا و الفيشة هتفضل سليمة اكيد . و كده العدسة الزينون هيشتغل .
2- نيجى لفكرة ال AFS . هو عشان يشتغل , بياخد اشارة من steering angle sensor او من علبة الدركسيون بحكم انها فيها كهرباء . كل السيارات اللانسر شارك فيها الكلام ده بس :
لما سالت التوكيل قال انها مجهزة بس مفيش حد جربه عشان مفيش حد هيروح عشان يشترى فردة واحدة ب 7500 جنيه .
لما سالت فى الحرفيين , ( اه ياباشا اركبهولك و يشتغل زى الفل ) . كلامه نصه صح و نصه بيحور .
هو هيركبه و هيشتغل بس عشان يشتغل , فى جزء فى علبة الفيزات الداخلية لازم يتغير لسبب ما انا لسة بدور ليه . و الجزء اللى هيتغير ده بتاع عربية اخرى متعرفة و وخده كود بتاع عربية اخرة . ف لما يركب , انت مش هتلاحظ حاجة بس لو التحطط على جهاز كشف اعطال , ستجد السيارة مش عارف تخش عليها اساسا . كل ده عشان الجزء اللى غيره و اللعب اللى عمله .
ف ب المنظر ده انا ب النسبة لى انا ممكن اجيب الفانوس و معلش يعنى طظ فى ال AFS . مش عايز انا اللمبة اللى بتنور لما الف يمين او شمال .
3- نيجى ل مشكلة السعر . اخر deal كان مع واحد فى الحرفيين لما اعت اخد و ادى معاه , وصلت لسعر الجوز ب 3800 و هياخد الفوانيس الاصلية بتاعتى . لو هتشترى من غير ما تبدل ستجد السعر 5300 + ان المفروض ان الفانوس طالما هتعمل من بيز لاين ل هاى لاين لازم يديك معاه الswitch بتاع ال level بتاع الفانوس . لقيت الراجل بيقولى ده بيتباع لوحده . كام يا عم . 500 عشان اصلى . اللى هو اصلا جديد فى التوكيل ب 500. ف دى كمان قلت فيها لا . هصبر شوية الى ان سوق السيارة يمشى شوية ساعتها هتقل او هجبهم من بور سعيد احسن .
4- انا قرات على منتديات كتيرة ان فى مشكلة بتظهر ساعات و ساعات اللى هى ممكن تلائى الفانوس بيرعش مع نفسه فى الافل و الفتح شوية و بعد كده يهدء . كانوا قايلين الحل بتاعها تجيب الزرار بتاع AFS on/off عشان بيبقى عامل مشكلة للناس اللى فى حالاتى . انا مش فاهم اه العلاقة بس هنقول ماشى.
5-
مع العلم ان ده واحد من الناس المعروفة فى الحرفيين و انه مش هينصب .

اعتقد انا غطيط معظم الحوار و لو فى اسالة انا معاك . اسال .

[MuhamedNabil]

طيب الموضوع فى ظاهره بسيط و مضمونه و طريقة تطبيقه بسيطة جدا بس نلاحظ الاتى :
1- الفوانيس البيز لاين فيها 2 لمبة العالى لوحده و الواطى لوحده . اما الهاى لاين العالى و الواطى موجودين فى العدسة اللى زى ما قلنا عليها bixenon . الفانوس بتاع الهاى لاين اللى هو الزينون هو هو الفانوس الاصلى البيز لاين يعنى هيركب هيركب من غير نقاش و الفيشة بتاعت الفانوس هتركب فى ايضا .
اعتقد انا غطيط معظم الحوار و لو فى اسالة انا معاك . اسال .

انا مش متأكد ان cornering lights بيسموها AFS بس على العموم انا كنت فاكر انت قصدقم على جزء من الكشاف نفسه ( غالبا العدسة ) تروح يمين و شمال مع الدركسيون زى الباسات مثلا لان الباسات فيها الاتنين cornering lights & AFS

على العموم
انت ممكن تغير العدسات بعدسات نورها اعرض و حتغطيلاك جزء مش بطال من الاجناب

و هو اصعب حاجة فى الموضوع هو الجزء الحيدى اشارة لما تحود الدركسيون , هو فى بعض العربيات الالمانى الدركسيون steering wheel angle sensor , و هو البيدى اشارة التشغيل و يفصل ال AFS & cornering lights
لو قدرت تعمله بديل او حاجة مماثلة للسينسور ده انا ممكن اكملك باقى الحل لان ده مش كل الموضوع ده اول جزء فقط

الموضوع مكلف جدا و مجهد جدا فى تركيبه و تشغيله لو العلربية مش نازلة بيه او حتى مجهزة مقارنة بالاستفادة الحتتحصل منه

[Hkawetsh]

انا مش متأكد ان cornering lights بيسموها AFS بس على العموم انا كنت فاكر انت قصدقم على جزء من الكشاف نفسه ( غالبا العدسة ) تروح يمين و شمال مع الدركسيون زى الباسات مثلا لان الباسات فيها الاتنين cornering lights & AFS

على العموم
انت ممكن تغير العدسات بعدسات نورها اعرض و حتغطيلاك جزء مش بطال من الاجناب

و هو اصعب حاجة فى الموضوع هو الجزء الحيدى اشارة لما تحود الدركسيون , هو فى بعض العربيات الالمانى الدركسيون steering wheel angle sensor , و هو البيدى اشارة التشغيل و يفصل ال AFS & cornering lights
لو قدرت تعمله بديل او حاجة مماثلة للسينسور ده انا ممكن اكملك باقى الحل لان ده مش كل الموضوع ده اول جزء فقط

الموضوع مكلف جدا و مجهد جدا فى تركيبه و تشغيله لو العلربية مش نازلة بيه او حتى مجهزة مقارنة بالاستفادة الحتتحصل منه

هى دى وجهت نظر حضرتك مع احترامى طبعا بس الباسات اساسا العدسة بتاعتها برزة لبررة عن اللانسر و ال function بتاعتها مش corner light لسبب وجيه جدا . خد الباسات و اطلع بيها على طريق سفر و شوف نور العدسات هيعمل اه او شوف الهدسة هيتغير تصرفها ازاى . اما ال corner light or AFS زى ما الناس بتقول عليه لو هنمشى ب موسمايات موجود فى الجولف بس اسمه corner light و هو فى الفوجات و برضك بياخد الاشارة بتعته من الدركسيون . و ينفع تشغله و ططفى . فى الباسات قصة تنية عشان ده بيسعدك على سرعات واطية و انت اساسا بتلف الدركسيون بدرجات كبيرة لاكن لو على طريق سفر مستحيل يشتغل . كده كده هتروح يمين او شمال corner light or AFS مهمن كانت الموسميات , 90% ليهم نفس الوظيفة .

[Hkawetsh]

و الموضوع مطلعش مكلف ولا حاجة . هو طقم الفوانيس و روح لاى حد عنده جهاز محترم زى بتاع التوكيل و هيشغلهولك و انت واقف . السيارة طلعت مجهزة بى .

[ahmed1189]

هام جدا فوانيس لانسر قرش

لو سمحت ممكن رقمك او منين بالظبط اجيب الفوانيس الهاى لاين بتاعت لانسر قرش واحولها ازاى وبكام بالظبط تكلفتها واركبها عند مين عشان اعرفها على كمبيوتر العربية ولزرار بتاعها وشكرا ضرورى جدا

[Hkawetsh]

تصحيح معلومة بمناسبة ان السيارة مجهزة ان الفوانيس الزينون ينفع تشتغل ولا لأ . اسحب كلامى الى ان يتم التاكد منه بنفسى و عمليا .

@ ahmed 1189 : رقمى بعته على الخاص لك