طلب مشورة عاجلة في شراء عربية زيرو ((النترا2011 او صني 2012))

[Mohamed_89]

كنت محتاج رايكوا بين عربيتين
1-النترا 2011
2- صني 2012
بصراحة انا ميال للإلنترا اكتر كشكل وصالون وتسارع
وكان تاني اختيار الصني حاسس انها اعتمادية ثابتة وشكلها كلاسيك معقول بالنسبالي واهم حاجة توكيل محترم واسعار قطع غيار معقولة
بس للاسف سألت النهارده في 4 معارض علي الالنترا مش متوفرة
والصني كمان ابتدت تخلص الشكل القديم
:(
.
.
.
.
V
ياريت لو حد يعرف مكان ممكن الاقي فيه النترا زيرو ويكون معرض مضمون
وبالنسبة للصني ايه احسن مكان اشتريهه منه
انا سالت في العالميه المتحدة اللي تبع عبداللطيف جميل فرع روكسي
وفي 3 معارض بعد الرقابة الادارية مدينة نصر
وملقتش الصني الاوتو بال abs غير في واحد من ال3 معارض اللي عند الرقابة الادارية
والباقي كان المتواجد عندهم ال مانوال اول فئه بدون abs ب 88 ألف

[blazer]

لو هتشترى صنى يبقى super saloon
الالنترا طبعا اشيك وافخم واوبشنز اكتر
انما الصنى ارخص بفارق مش قليل واعتماديتها معروفه

[Mohamed_89]

شكرا علي الرد
بس هل الفرق بين ال EX و Super saloon كبير ويستاهل فرق السعر
وايه افضل مكان ممكن اجيب منه الصني ولو تعرف مكان ممكن اسال عنده علي الالنترا 2011 يبقي كتر خيرك :)

[mhDeeb]

شكرا علي الرد
بس هل الفرق بين ال ex و super saloon كبير ويستاهل فرق السعر
وايه افضل مكان ممكن اجيب منه الصني ولو تعرف مكان ممكن اسال عنده علي الالنترا 2011 يبقي كتر خيرك :)

اعتقد ان الفرق بين السوبر صالون هو بعض الاضافات الابانوس على التابلون والباب فقط واعتقد ان الفرق كبييييييييييير حوالى8000 جنية --- مش مهم الابانوس

ولكن من راى ان الالانترا افضل واحسن وباذن الله سعرها مش حينزل كتيييييييييييييييير غير الصنى الجديد ........... لازم ينزل
وممكن تلاقى عربيات الانترا على كونتاكت كار
وربنا يوفقك باذن الله

[blazer]

ألفرق كبييييييير طبعا
قضبان اتزان فى العفشه
ابانوس
cd changer
مرايات ضم
جنوط سبور
وكام حاجه كمان مش فاكرهم بصراحه
" تقريبا كمان فرش جلد "


الالنترا ممكن لو انت قريب من فيصل تيجى عن الابيض اوتوموتف اسمع انه معرض كويس وما شاء الله عنده عربيات كتير
واكيد هتلايقها فى اى معرض هيونداى او المصريه او اوتوسمير ريان

[Mohamed_89]

شكرا علي الردود وان شاء الله هحاول ادور علي الالنترا 2011

[Ali Attia]

توكل علي الله وركز علي الألنترا