الحمدلله لسه فيه تاجر أمين في السارات

[amir11]

شكرا للأستاذ azem_khidr
انا اشتريت الياريس كاملة مانيوال من أ خالد موزع تويوتا بناء علي نصيحته في المشاكة دي وهو راجل في منتهي الامانة وباعلي بالعر القديم لانها باقية من الدفعة اللي فاتت بسعر 92000
وانا والله لا تربطني بيه معرفة او مصلحة بس حبيت اعرف الاعضاء ان لسه فيه تاجر أمين وموبايله 0106347989

[Nistelrooy]

شكرا
ومبروك
وربنا يكرم التاجر الامين :)

[Nile_Storm]

ياسلااااااااااااااااااااااام
و الله البلد لسه فيها خير
ربنا يباركلك فيها

[أبومعاذ]

النوعية دي من الناس نادرة
ربنا يباركلكم انتو الاتنين في البيعة دي و يديك خير العربية و يصرف عنك شرها

[hazem_khidr]

الف الف مبروك يا استاذ امير.
بصراحه الاستاذ خالد راجل محترم جدا و انا لاحظت كده لما كنت بجيب منه الياريس .
لقيته محترم في مواعيده و العربيات بيسلمها نضيفه و كامله لا تلاقي بقي خربوش ولا الورق متشال من عليها و لا ولاعه مش موجوده و لا الكلام دا خالص.
بس انت فرحتني و الله ان الراجل اللي قولتلك عليه حاز اعجابك كده.
ربنا يباركلك في عربيتك و يديك خيرها و يحميك من شرها :)

[hamlet76]

بارك الله لك فيها .. وربنا يبارك بجد للاستاذ خالد لأنه اثبت فعلا انه راجل محترم

[Karim_Monir]

التاجر الامين في تجارة رابحة دائما مع الله

[Dr.A.Nabil]

الف مبروك
وربنا يكرمه
بس هو فيه نقطه احب اوضحها:

ان لو العربيه عنده بالسعر القديم,,, وهو باعها بالسعر الجديد... فدي مافيهاش اي حاجه تمس الشرف والامانه ,,, وغير مخالفه للشرع...

ولو اي حد عمل كده,, وباع بالسعر الجديد... وهو عنده بالقديم... فلا لوم عليه اطلاقا..

[m_elsabah]

لا ياباشا

تفرق كتييير
بس إحنا هنا إتعودنا على كده فأصبحنا نري أن هذا شىء عادي
كان في واحد صاحبي في أمريكا دخل سوبر ماركت يشتري منه علبة تونه على ما أتذكر تقريبا كانت تونه . فأحضر العلبة وجاء للكاشير لكي يحاسب فأخبره الكاشير بأنها غليت فقال له أنا لسة شاريها إمبارح بـ 2 دولار فقال له الكاشير يبقي ترجع دي وتجيب من الأخري اللي في الرف اللي جنبها لإن اللي في الرف ده هو اللي بالسعر القديم واللي معاك دي بالسعر الجديد ( مع العلم إن مفيش أي فرق بينهم خالص ) بس زي ما قولتلك إن إحنا هنا إتعودنا على كده