محتاج عربيه في حدود 50 الف

[simon659]

السلام علي الجميع
محتاج عربيه نستعمله وحالتها كويسه في حدود 50 الف لما انزل السوق يبقي عيني علي انهي عربيه وياريت عاوز ابعد عن الانوس شويه بصراحه مش برتاح في فراملها خالص ولا ثبتها وكان معايا دايو وشيفورليه ومش ارتحت خالص فا ايه الترشيحات وياتري اسعار الهيونداي النيو اكسنت اسعارها ايه وكل الي احبه في العربيه ثبات وفرامل ومانويل او اوتو مش تفرق وقطع غيار متوافره ومعقوله مع العلم السياره هتقعد معايا بأزن الله علي الاقل 7 سنين وشكرا للجميع

[refoo]

أرشحلك نوبيرا وبشده والمبلغ ده يجبلك عربيه حالتها نضيفه
متنساش صلاه الأستخاره و متتسرعش
ربنا يوفقك

[moh_faheem]

النيو اكسنت عربية محترمة جدا
بس لو حالتها نظيفة مش هتقل عن 57

[aboradwan3]

كورولا الملكة 93-97

[blazer]

نوبيرا مانيوال

[eemmoo]

شيفروليه افيو

[mo3tz]

رينو لوجان

[mariner2020]

عربية معمرة في السعر ده هما عربيتين اللي انا مقتنع بيهم .. الكابريس صابونة .. http://i19.ebayimg.com/04/a/07/9f/67/c7_1.JPG دي صورة ليها
وانا برشحها لاني معايا الكلاسيك منها موديل 77 اعطالها نادرة جدا وقطع معمرة جدا ومش هتخسر لما تبيع بعد المدة دي مبلغ يذكر
عيوبها استهلاك البنزين خاصة لو الموتور 5700 بيعمل 80 كم في الصفيحة ولو 5000 بيعمل 120 جوة المدينة بس برا مش هتحس بفرق بينها وبين اي عربية استهلاكها زيادة شوية يعني بتوصل 160 كم في الصفيحة في الموتور ال5
وده ممكن تتغلب عليه بانك تعملها غاز طبيعي وعمرتها بتفضل 500 الف كم .. لان العزم بيجي في دوران قليل للموتور
العيب التاني حجم العربية وده بس هيقابلك في الركن لكن في الطريق الدركسيون بيحرك بصباعك الصغير باور ملوش زي في العربيات الحديثة كلها .. بص ده افضل اختيار ليك على مسؤوليتي .. طبعا تكييف تلاجة .. عزم يشد مركب وراه ما شا الله عربية جبارة وشكلها شيك جدا .. واي حد بيدور على عربية في العشرينات والتلاتينات النصيحة بتبقى كابريس كلاسيك اما 50 يبقى خد الكابريس الشكل الجديد بعد 91

بالنسبة بقا للعربية التانية اللي ارشحهالك هيا التويوتا كرسيدا من 91 وانت طالع ودي عربية معمرة جدا وناعمة جدا وبتجيب ال240 كم/ساعة مرتاحة .. بتتحمل بجد ومن افضل ما انتجت تويوتا دي بتلعب في الاربعينات وسعرها مش هيقل كتير لما تبيعها بعد 7 سنين لانها عربية ماسكة سعرها

[amrelsaqqa]

عربية معمرة في السعر ده هما عربيتين اللي انا مقتنع بيهم .. الكابريس صابونة .. http://i19.ebayimg.com/04/a/07/9f/67/c7_1.jpg دي صورة ليها
وانا برشحها لاني معايا الكلاسيك منها موديل 77 اعطالها نادرة جدا وقطع معمرة جدا ومش هتخسر لما تبيع بعد المدة دي مبلغ يذكر
عيوبها استهلاك البنزين خاصة لو الموتور 5700 بيعمل 80 كم في الصفيحة ولو 5000 بيعمل 120 جوة المدينة بس برا مش هتحس بفرق بينها وبين اي عربية استهلاكها زيادة شوية يعني بتوصل 160 كم في الصفيحة في الموتور ال5
وده ممكن تتغلب عليه بانك تعملها غاز طبيعي وعمرتها بتفضل 500 الف كم .. لان العزم بيجي في دوران قليل للموتور
العيب التاني حجم العربية وده بس هيقابلك في الركن لكن في الطريق الدركسيون بيحرك بصباعك الصغير باور ملوش زي في العربيات الحديثة كلها .. بص ده افضل اختيار ليك على مسؤوليتي .. طبعا تكييف تلاجة .. عزم يشد مركب وراه ما شا الله عربية جبارة وشكلها شيك جدا .. واي حد بيدور على عربية في العشرينات والتلاتينات النصيحة بتبقى كابريس كلاسيك اما 50 يبقى خد الكابريس الشكل الجديد بعد 91

بالنسبة بقا للعربية التانية اللي ارشحهالك هيا التويوتا كرسيدا من 91 وانت طالع ودي عربية معمرة جدا وناعمة جدا وبتجيب ال240 كم/ساعة مرتاحة .. بتتحمل بجد ومن افضل ما انتجت تويوتا دي بتلعب في الاربعينات وسعرها مش هيقل كتير لما تبيعها بعد 7 سنين لانها عربية ماسكة سعرها

العربيات دى قطع غيارها موجودة فين واسعارها كام خصوصا الكرسيدا

[mariner2020]

العربيات دى قطع غيارها موجودة فين واسعارها كام خصوصا الكرسيدا

انا معرفش عن الكرسيدا بس اعرف واحد صاحب والدي كان جه بعربية موديل ده من السعودية وعملها عمرة كاملة هنا ورجع بيها ولا الجديدة .. بتسال في الوكالة وعند بتوع الاستيراد وشامبليون وكدة يعني او تشوف الناس اللي معاها كرسيدا وتسالهم هما هيدلوك على بتوع الاستيراد ليها

أنا اتعاملت مع الكابريس لان عربيتي كابريس 77 اوتوماتيك 5000 سي سي .. في اسكندرية قطع الغيار بتاعتها وبتاعة اي عربية امريكاني عند واحد في ابيس اسمه الكابتن قبل الكوبري بعد ما تعدي البوابة من الزراعي .. في القاهرة ناس كتير اوي شغالة في الامريكاني .. مثلا احمد حمودة ممكن يجيبلك اي حاجة غير الكماليات والعفشة .. وفي واحد اسمه سمير محل وفيه مخزن ضخم .. في واحد اسمه فوزي الخواجة في فيصل بس ده محدش يقترب الا لما يضطر .. العفشة بقا ممكن تجيب عفشة كاملة رياضية بضغط الغاز من koni جديدة .. أو تجيبها استيراد ليها واحد في شارع بنك مصر في المنصورة عنده عفشة كل العربيات جي ان سي او تريل بليزر او كابريس

الاسعار انا اكتر حاجة اتنصب عليا كان مارش العربية الكهربائي السفاح باعهولي ب1200 وقال ايه ده السعر عند فوزي الخواجة استيراد اول ما جبت العربية .. طبعا لقيته جديد ب750 عند احمد حمودة واستيراد من 250 ل 400 حسب حالته .. البوجيهات برضه كنت اشتريت الواحد ب 25 وكان ب 15 عند احمد حمودة .. جبت من عنده فلتر هواء كان عامل 35 وفلتر زيت كان عامل 40 .. على فكرة انا مش بعرف افاصل ممكن يكون ارخص من كدة .. بس هما ناس محترمة وفاهمة العربية وبيدلوك على احسن ناس ممكن تتعامل معاهم في الصيانة

العربية مريحة جدا بس عيبها الوحيد الركنة والاستهلاك جوة المدينة والضريبة بتاعتها 1100 لكن غير كدة عربية ممتعة جدا .. ومميزة جدا بتحس انها ليها كاريزما في الشارع مش كله لانوس كله افيو كله سيراتو .. فاهم الشعور ده وفي نفس الوقت الناس بتبصلها باحترام مش عربيات قديمة بتبصلها بقرف .. غير ده وده اي حد بيتنطط عليك في الطريق بتحط عليه حطة وحشة لانو اصلا مين يصد مع 8 سلندر 5000 سي سي .. من عيوبها كمان عايزة حد هاوي وجربها قبل كدة ومش عايز يقلبها علطول .. عايزة حد يستعملها سنة عالاقل وبعدين يبيع علشان لما يخسرلو فيها الفين جنيه يحس انه اشترى بيهم راحته في السنة

يا رب اكون قدرت افيدك واعذرني عالاطالة

[amrelsaqqa]

العفو يا باشا انا عارف العربيات دى كويس
بس الفكرة ان قطع الغيار غالية هنا والصيانة برضه مش في كل حتة

انا كنت في السعودية والعربيات دى كان مثلا ممكن تجيب فانوس ب5 ريال :d

وممكن تجيب مكنة كاملة ب500 ريال او اقل كمان والله
كدة يعنى :d

بس 1200 جنيه في مارش
ده الراجل ده مفترى اوى اوى اوى

[mariner2020]

انا اللي اتخميت ده سعره من 250 استيراد وتقدر تفاصل يعني انا مغير اكس ورا لان كان فيه لحام وانا بجري مش هامن ل اكس ملحوم قالي 450 وخدته ب 290 ولو كنت في القاهرة كنت جبته ب 150 جنيه كبيره بس هنا لان ملقتوش غير عنده وزي الشاطر انا قلتله دايخ عليه الكابتن ده .. وهوه راجل اتم اصلا ومش بيحب يفاصل .. وبعدين الحاجات اللي كانت بايظة عندي في المارش لقيتها عند احمد حمودة جديدة ب 150 جنيه .. بس هنقول ايه محدش بيتعلم ببلاش اساحبي :d :d .. بص انا في فيرنا كان داخل يوتيرن وانا في طريقي دخل بسرعته منغير ما يبص في الجنب عندي .. انا العربية اخدت خربوش صغير .. وهوه الرفرف بتاعه بقا عالارض مش نافع ببصلة .. عربية ما شا الله عليها يعني تبقى حاسس بالامان جواها .. مرة تاني سرحت عالبحر وصاحبي كان بيجري ورايا انا فكرته هدى لاني مش حاسس بالسرعة غير انو العداد محتاج يتشدله الواير بيتاخر في الطلوع للسرعة .. تاني يوم بيقولي ماشي وراك 140 مش عارف اجيبك ايه يا عم .. انا واللهي ولا كنت حاسس وكنت باخد الملفات بالسرعة دي والعربية بسم الله ما شا الله ثابتة بطريقة فظيعة .. يعني بجد للي حابب يجيب عربية تقعد معاه فترة طويلة ياخد عربية كابريس اي موديل حالتها حلوة بتريح واللهي .. والبنزين مش مكلف زي ما الناس متوقعة كانك معاك 1600 جديد بتحطلها بنزين 92 .. فرق السعر هوه فرق الاستهلاك .. ويمكن الكابريس اقل كمان .. واقوى بكتير اوي .. يعني عربية تمنها يدوبك تمن 128 وامكانيات اعلى من مرسيدس .. بالنسبة للصيانة انا في بحري والميكانيكي اللي بيظبطهالي ميكانيكي تحت البيت .. صيانتها سهلة مش زي ما الناس متوقعة انها معقدة والكلام ده .. وغير كدة الحاجات دي لما بتقدم بتغلى خصوصا مع العربيات الورق بتاعة اليومين دول .. انا قبل ما اجيبها كنت هموت على واحدة 74 .. اقدم ب 3 سنين بس كان ماسك على 40 .. لا رضى ينزل ولا رضى يقسط جزء انشالله بفوايد .. بس الحمد لله على كل شيء انا مكنتش متوقع ان الناس مش غاوية الامريكاني للدرجادي .. اذا كان دي وخدتها بالسعر ده وهخسر فيها .. امال لو كنت خدت اللي ب40 موديل 74 ؟؟ .. كان زماني حطيتها جنبي انشالله للتصوير بس :p :p .. في واحد عارض موديل 75 ب 60 الف جنيه بس رئاسة جمهورية .. يعني بصراحة هيا عايزة واحد غاوي مش واحد يسوقها وخلاص .. وياحبذا لو عنده عربية صغيرة تانية ويخلي دي للمشاوير الطويلة والسفريات .. وقتها بجد هيستمتع بيها جدا جدا جدا