كابريس كلاسيك 77 أوتوماتيك وباور .. ممتازة

[mariner2020]

أنا عارف العربية دي واللي عايزين عربيتي عدوا عليه قبلها وبعدها .. اتطمن لا وازيدك من الشعر بيت .. واحد فيهم وصل معاه بيها لاكتر من السعر بتاعك ب الف جنيه بس .. اذا تناسبك توكل على الله .. موتورها 5700 وجيربوكس 400 .. 4 نقلات .. وفيها رخصة لشهر 8 .. عربيتي رخصتها منتهية .. فبجد توكل على الله يا استاذ شريف .. أنا اتمنالك الخير واللهي وانا شايف عربيتي تناسب مبلغ معين .. ومقتنع بكدة .. انت لقيت حاجة ارخص انت اولى .. وانا كمان اولى ابيع بالسعر اللي شايفه مناسب لعربيتي .. وعلى فكرة انا قرار البيع بديت ارجع فيه .. بعد نصيحة من مشتري كتر خيره .. هظبط تكييفها وهجددها سنة .. واشوف اي خدوش كدة اظبطها وتبقى عربية زيرو برا وجوة :) :) :) .. أبيعها براحتي بقا وبالسعر اللي يناسبها .. دي بتمن 128 .. أنا لو اسيبها للسفر بس كفاية مش هتخسر يعني :) :) .. ولو دي عاجباك الف جنيه مش فرق ربنا يوفقك فيها .. والكابريس عربية محترمة جدا ومعمرة وعن تجربة .. واحنا صحاب بغض النظر عن بيع وشرا اذا خدتها هدلك على الناس اللي تجيب منهم قطع الغيار بصدر رحب جدا اتطمن .. ربنا يوفق الجميع

[sherif0333]

باشا انا عرضي مستمر لو حبيت ولسه مبعتش كلمني اجيلك نخلص

[mariner2020]

العرض مرفوض صدقني وفي عروض مستمرة اكبر من عرضك بكتير وكلها مرفوضة .. بالنسبة للعربية اللي حضرتك حطيت اعلانها .. اغلى من عرضك بالف جنيه بس .. واحدث من عربيتي وفيها رخصة سارية .. في لسة اتنين متفق معاهم بعد الامتحانات هقابلهم ويا هخلص مع واحد فيهم يا هظبط العربية .. تكييف واحتمال ابدل فتيسها بفتيس 700 الرياضي وادفع الفرق .. وهيا موتورها جبار اصلا ما شا الله عليه .. واركنها تحت البيت .. لان دي مش فلوس اللي طالبه فيها .. ومش ده تمنها اصلا .. أعرف واحد لسة جايب موديل 81 متعدلة 89 ب 28 الف جنيه .. وطاير بيها ومش بيركب غير امريكاني على فكرة وعربيته الاولانية كانت امبالا 75 .. باعها ب22 .. واللي اشتراها الوقتي لو عرضت عليه 30 مش هيرضى يبيع .. العربيات الامريكاني ليها هواتها مش 128 ابيعها بالسعر ده .. أنا اسف ليك بس الامريكاني حالة وانا عارف حالة عربيتي كويس .. السعر لكل الناس مش هيقل ربغ جنيه .. وعرضي لخضرتك انتهى .. السعر 20 غير قابل للتفاوض وتم تاجيل البيع لبعد 29 اغسطس .. وهيتغير السعر لان هيتضاف تكييف عالاقل 2500 جنيه ورخصة 1500 جنيه .. اذا عايز العربية هاتلي كابريس موديل اقدم وادفعلك او تدفعلي بناء على الحالة ده العرض اللي اقدر اقدمهولك اذا السعر ميناسبش حضرتك .. السعر بعد 29 اغسطس هيكون 25000 جنيه وهفضل عارضها لغاية لما تنتهي الرخصة .. او خليها مركونة .. ربنا يكرمك وتلاقي حاجة تناسب عرضك .. دور وانشالله تلاقي .. انما عربيتي بالسعر ده ((14)) مستحيل صدقني .. تحياتي ليك