نصيحة لوجه الله

[fineart607]

السلام عليكم

نصيحة كيف اشترى سيارة مستعملة واتاكد ان حالتها كويسه وهل سوق السيارات هيكون مفيد
انا عايز حاجه فى حدود 15 ونفسى مش تقرفنى ارجو النصيحة

[ahmedeihab]

السلام عليكم

نصيحة كيف اشترى سيارة مستعملة واتاكد ان حالتها كويسه وهل سوق السيارات هيكون مفيد
انا عايز حاجه فى حدود 15 ونفسى مش تقرفنى:10d5c8w1107: ارجو النصيحة

نصيحه لوجه الله

بص على اساسيات العريبه لازم تبقى نضيفه علشان مش تقرفك فيما بعد ( حوض + شنطه + قوايم ) و طالما انت جديد خد ميكانيكى يبصلك على الكلام ده

15 الف دول

هيجيبولك 28 ممكن نقول كويسه نوعا او حل تانى ممكن تجيبلك واحده 28 ب 10 مثلا

و انت تشدها على ايدك حتى تبقى متأكد انك بتعمل كل حاجه صح

تحياتى ليك

^_^

[fineart607]

شكرا لزوقك وربنا ييسر الحال هى اسعار الخنفسه كام ؟؟؟؟؟؟

[ahmedeihab]

شكرا لزوقك وربنا ييسر الحال هى اسعار الخنفسه كام ؟؟؟؟؟؟

للاسف مش هقدر افيدك فيها خالص ( انا راجل بتاع هوندا )

انتظر باقى ردود الاعضاء

^_^

[srm]

الخنفسه مش غاليه اكيد يعنى من 5 الى 7 الالف بالكتير

[aboomar22]

طالما انت جديد اوعى اوعى تدخل فى موضوع انك تجيب عربية على قدها وتشدها هتغرم كتير وهتتعب قوى بين الصنايعية ومش متطلع زى انت ما عايز ريح دماغك وهات حاجة كويسة لو بتحب العربيات الصغيرة شوف 127 سوبر فيورا او 128 لو بتحب العربيات الكبيرة الاقوى والاريح فى الركوب شوف 132 وربنا يوفقك فى حاجة كويسة ومتستعجلش لحد ماتشوف حاجة كويسة

[AHMED_DINAMO]

الخنفسه بتبداً من 7 وتوصل ل 20 حسب الموديل وحسب الحاله
وانا نصيحتى ليك
هات مازدا 323 هاتشباك موديل 81 او 82
عربيه حلوه ورخيصه وهتعجبك ان شاء الله

[mahmoud_anwar]

بص مدام مابتعرفش في العربيات يبقا متنزلش السوق حلو
ولو نزلت ماتخدش معاك ميكانيكي ولا سمكري متعرفهوش لي انه ممكن يتقاول عليك في عربيه صحبها يقول انا طلب فيها 15 وهيا متسواش 10 وهو يقوله بص انا مش هكسرلك في السعر بس اديني الف واخلص البيعه سعتها هتكون جت لي صاحب العربيه في الجول وانتا يا ولداه هتكون لبست احلي عربيه مقلوبه قبل كده
انتا تشتري عربيه من زميلك في الشغل جارك يقولك علي كل الي فيها او تنزل السوق وتقف جمب الناس من غير ماتتكلم وهيا بتتفرج علي العربيه وتحاول تسمع رائيهم فيها ايه من غير ما تسئلهم ونصيحه نصيحه ماتشتريش عربيه بي توكيل

[fineart607]

جزاكم الله خير كلكم زوق جدا انا فعلا نزلت ومعرفتش ارتاح لحاجه فققرت ان لما ربنا يفتحها على ابقى اجيب زيرو ان شاء الله اصلها كانت للجماعة وانا مش ناقص وجع دماغ واتصالات العربيه عطلت والدوشة دى


متشكر جدا لكل الى اهتم يا احلى منتدى