للـــــــــــــــــــبيــ ع bmw e36

[jackson_75]

السلأم عليكم ورحمة الله وبركاته
للبيع BMW E36 موديل 1992
سعة المحرك 1600 سي سي
فابريكة برة وجوة حوض وشنطة وقوايم ماعدا جزء بسيط جداً بقطر عشرة سنتيمتر فى الكبوت من الناحية اليمين فوق , وقع عليه حجر وتم رشه للمنظر الجمالى , كذلك الأكصدامات رشة نظافة , فيما عدا ذلك فالسيارة فابريكة بالكامل والمعاينة خير دليل .
- اللون أزرق
-الموتور الأصلى ولم يتم تبديله , الحالة العامة للموتور ممتازة , الحالة العامة للسيارة جيدة جداً, حالة الدهان جيدة جداً
4 فرد كاوتش جديد مقاس 15 ماركة KMUHO ومعبئه هواء نيتروجين
-بطارية جافة جديدة
- جنوط BMWأصلي
-حالة الصالون الداخلية فابريكة و جيدة جداً
-فتحة سقف كهربائية
-زجاج عادى
-كاسيت السيارة الأصلى
-مرايات كهرباء, ولأيوجد أي أضافات أو كماليات أخرى .
-مانيوال 5 سرعات
- تم عمل سرفيس كامل للسيارة
-تم تغير سير الكاتينة وسير الدينمو وسير التكيف
-تم تغير فلتر الزيت وفلتر البنزين وتم تغير فلتر الهواء
-تم تغير زيت الباور وزيت الموتور وزيت الكارونة وزيت الفتيس
-تم تغير التيل الأمامى والتيل الخلفى
-تم تغير العفشة بالكامل وتم ضبط الزوايا من يومين كمبيوتر
-تم تغير ضفيرة الكهرباء وتغير الفيوز بأخرى جديدة وتركيب مروحة تكيف أستيراد معدلة 318
-تم تغير الريداتير بأخر جديد وتم تركيب قميص موتور جديد أستيراد ومروحة كالتش جديدة للموتور
-تم شحن التكيف من خمسة أيام وتنظيف دورة التبريد والفريون
-الرخصة حتى نهاية السنة , مرور الدقى

العيوب
فتحة السقف لأتعمل وتحتاج إلى أصلأح
دراع واحد من المساحات مكسور وعاوز واحد أستيراد

السعر النهائى المطلوب 67500 , وغير قابل للتفاوض نهائياً, وهى دى ثمن المصاريف اللى أتصرفت على العربية.وزى ما انتوا شايفين ’ هى مش محتاجة أى حاجة خالص غير الحاجات بس اللى مكتوبة فى العيوب
رقم التليفون 01005488040
الأسم / محمد سعد
والأتصال برجاء للجادين فقط من الساعة العاشرة صباحاً إلى الساعة العاشرة مساءاً






-

[jackson_75]

[world_of_kill]

غاليه اوي يا باشا لو تخلص اقل من كدا اخلص شوف اخرك كام و انا معاك

[engaass]

بسم الله ما شاء الله
بالتوفيق فى البيع

[aboomar22]

بسم الله ماشاء الله

[Shiref_mohamed]

ماشاء الله جميله ربنا يوفقك في بيعها بس هتخسرها

[jackson_75]

غاليه اوي يا باشا لو تخلص اقل من كدا اخلص شوف اخرك كام و انا معاك

مع أحترامي لحضرتك, مش غالية أوى ولأ حاجة وأنا كتبت ان ده النهائى فى السعر لأني أنا كتبت فى الأول ان هي دي المصاريف اللى أتصرفت عليها وفى الغالب لما الناس بتعمل صيانة وتجيب قطع غيار تانية ففى ناس ممكن بتسترخص وتجيب قطع غيار صينى ولأ تايوانى , وأنا عن نفسي والله لم أبخل على العربية خالص وكنت بلف فى الحرفين بالساعات عشان أجيب الحاجة النضيفة المضمونة وكنت واقف على رجلى بالساعات جنب الصنايعية وهما بيعملوا كل حاجة عشان ماحدش يخرب ولأ يبوظ حاجة تانية ... أنا تانى بكرر أن هي دي الفلوس اللى أتصرفت عليها وشوفوا انتوا بقى المجهود اللى تم بذله فى العربية على مدار عشرة أيام بالساعات فى الورش جنب الصنيعية وفى التدوير واللف والفصال عشان أجيب قطع الغيار الأصلية المضمونة وأركبها وفى الصحيان من الصبح والرجوع أخر الليل ,ده لوحده يبقى تمنه كام؟!!! .. والله ومن الأخر,, اللى هايشتري العربية دي هايستمتع بيها ومش هايحتاج يصرف حاجة , وأنا جاهز للكشف عليها فى أي مكان بشرط جدية المشتري .
وانا على فكرة ببيع عشان أجيب زيرو أن شاء الله,, والله الموفق

[world_of_kill]

حضرتك محدش بيحسب اللي صرفه علي عربيه و يقول دا تمن اللي صرفتو عليها لاكن تقول انا طالب كذا لان انت ركبت العربيه برضو 10 ايام
انت لما بتجيب زيرو مجرد ما تطلع من المعرض بالعربيه خصرت 10 الاف جنيه في العربيه و انت لسه ممشتش بيها كمان
يعني مثلا مرحش اجيب عربيه والدي اللي من سنه حاجه و سبعين و قول صرف عليها 50 الف في التلاتين سنه اللي فاتو + 10 تمنها يبقي طالب 60 في فيات ولا بيجو لاكن حضرتك تكتب انا طالب كذا و خلاص بدون اسباب
وربنا يوفقك في البيع و تلاقي اللي يحسنلك سوقها

[jackson_75]

حضرتك محدش بيحسب اللي صرفه علي عربيه و يقول دا تمن اللي صرفتو عليها لاكن تقول انا طالب كذا لان انت ركبت العربيه برضو 10 ايام
انت لما بتجيب زيرو مجرد ما تطلع من المعرض بالعربيه خصرت 10 الاف جنيه في العربيه و انت لسه ممشتش بيها كمان
يعني مثلا مرحش اجيب عربيه والدي اللي من سنه حاجه و سبعين و قول صرف عليها 50 الف في التلاتين سنه اللي فاتو + 10 تمنها يبقي طالب 60 في فيات ولا بيجو لاكن حضرتك تكتب انا طالب كذا و خلاص بدون اسباب
وربنا يوفقك في البيع و تلاقي اللي يحسنلك سوقها

أشكرك على الرد وعلى مشاركتك , وأنا طالب فيها 67500

[moh_faheem]

ربنا يوفقك فى البيع وشراء سيارة جديد
ويعيطيك على اد تعبك

[jackson_75]

ربنا يوفقك فى البيع وشراء سيارة جديد
ويعيطيك على اد تعبك

جزاك الله خيراً وأشكرك على دعائك الجميل

[mr_sameh]

بالتوفيق في البيع

[jackson_75]

لأ إله ألأ أنت سبحانك أنى كنت من الظالمين

[jackson_75]

أن شاء الله غداً 8/8/2012 لغاية الساعة 12 بالليل أخر يوم بالنسبة لعرض العربية وأنا أن شاء الله ناوى أروشها فمش هاينفع أنى أبيع بعد كده بنفس السعر ده ,,, وأنا كنت بابيع لأنى كنت مخنوق من الصنايعية وأسلوبهم بس الأن الحمد لله تمام والعربية فعلأ ركوبة وتستاهل كل جنيه يتصرف عليها .السعر الأخير 66000 لأن العربية عاوز يتغير لها كارونة وهى تمنها 450 جنيه من الحرفين أما باقى العربية كموتور وأجزاء وعفشة حكاية وتحدي وجاهز للكشف عليها فى أى مكان وعند شيخ الصنايعية كمان
تقبلوا تحياتى جميعاً

[A7MED_PHARMA]

موديل 92
وفابريكة بره وجوه ؟
بسم الله ماشاء الله
أنا رأيي تخليها معاك أفضل .. الــ بي إم من العربيات المحترمة ... جداااااااا
جدااااااااا

عربية زي دي لو معايا
مش هستغنى عنها صدقني
وربنا يوفقك في الي فيه الخير



راجع سعر السوق
وشوف الي زيها تسوى كام