سؤالين في البيع مالهمش علاقة ببعض واحد للعربيات و التانى للكمبيوتر

[MaNoLa]

سؤالين فعلا مالهمش علاقة ببعض نهائيا
واحد عن السيارات و التانى عن الكمبيوتر


أول سؤال بقى
ليه الناس دايما بتبعد عن التجار فى بيع العربيات و كأنها فوبيه ؟
يعنى بيكون مثلا البيع بعقد مزور !! طيب أزاى و انت ممكن تجيب معاك محامى ؟
و لو الحالة مش كويسة أزاى و أنت بتجيب ميكانيكى و سمكرى يكشف ؟
طيب أية المشكلة حاليا فى التجار
و دا لمجرد المعرفة يعنى

تانى سؤال
أنا عندى حرارة البروسيسور دى كارثة
مروحة البروسيسور عندى نوعها 2b و على فكرة دى أسوء مايمكن أن يتخيله البشر و أن كانت كل الناس بتشكر فيها و لما أى حد بيجيب كمبيوتر كله بيقوله هات تو بى و من هنا جائت الكارثة
المشكلة أن مروحة تو بى دى أساسا الريش بتاعتها مسطحة شوية يعنى مش متنيه
و المروحة عشان تشد الهوا لازم تكون متنيه
سئلت قبل كدة محل كمبيوتر بس مش كبير أساسا و قولتلة عندك مروحة بروسيسور قالى أة تو بى
سيبته و مشيت على طول
المشكلة أننا مش لاقية مروحة ريشتها متنيه زيادة عن اللزوم زى بتاعة الباور سبلاى
بصوا مثلا دى

الريشة بتاعتها متنيه أوى و أكيد بتدخل هوا كويس
ألاقى فين بقى نفس المنظر دة و ريشها متنيه كدة ؟
و محدش يقولى تبريد فريون والنبى لحسن متعقدة

[A.Saad]

التجار بيجيبوا عربييات فيها عيوب
يغش فيها
يبيعها لك
علشان كدة ابعدى عنهم
وكمان
هو شارى العربية مثلا ب 50 الف
هيبيعها بكام
مش اقل من 3000 جنيه مكسبه فى اسبوع ولا اسبوعين
انتى اللى بتتحمليهم
طب استفدت ايه ؟؟؟؟
الورق مش هيفيد فيه المحامى
الصيغة واحدة
المهم ان العربية تكون خالصة مخالفات
رقم شاسيه وموتور سليم
مفيش حظر بيع
المحامى مش هيفيد فى الجزئيات دى
لانك عايزة تتاكدى فيها من ملف العربية فى المرور

[kar!m]

بالنسبة للسؤال الأول

http://www.nilemotors.net/Nile/232407-a.html

http://www.nilemotors.net/Nile/117728-a.html

[ahmedsoft2]

بالنسبة بقي للسؤال التاني ... xD

درجة الحرارة عندك كام في بداية التشغيل ؟؟ (وضع السكون )
و نوع البروسيسور اية ؟ Intel ولا AMD ?
و نوع المزر لو سمحتي ؟؟

[Land_Cruiser]

استخدمى حضرتك برنامج SpeedFan و هو هيقيس ليكى درجه الحراره بالضبط و شوفيها عاليه و لا عاديه و احتمال تكون المروحه اللى عندك تحديدا فيها مشكله على فكره بتخليها ما تلفش كويس زى تراب مثلا او مشكله فى موتورها لان الماركه دى كويسه و لو ال processor طلع ليسخن جامد فعلا ممكن تاخدى ال case بتاعتك و تجربى تركبى واحده تانيه 2b برضه و شوفى بالاعتماد على الارقام اذا كانت درجه الحراره هتنزل و لا لأ يعنى استخدمى البرنامج كمقياس للحكم على جوده المروحه قبل و بعد التغيير

[aldesha989]

التاجر كل همه البيع
لو جبتله عربيه بنص او تلات ابع تمنها وهو راح ملصمها
وباعها بضعف تمنها او بتمن السوق
يبقى هو كسبان والشارى خسران
علشان كده ما بحبش اتعامل مع سماسره او تجار