تسعير جولف 4 بحالة رائعة .. ارجو الرد بسرعة للاهمية ..

[mhoreya]

جولف 4 موديل 99 ..1400 ؤؤ مانيوال
فابريكة بالكامل بره و جوه ..
حالة ممتازة جدا جدا بدون اى خدوش او مرمات او بويات ..
ماشية فى العداد 95 الف كيلو ..
جنط 17 و عفشة رياضية بالكامل ..طقم صوت .. زينون ..
فوانيس رياضية .. حالة صالون السيارة فى غاية الامتياز ..
تكييف .. Abs .. فرش جلد

كم تساوى هذه السارة مع العلم ان حالتها رائعة جدا ..

[zizophone]

حضرتك ماقولتش 1400 ولا 1600 و كاملة زجاج و تكيف و باور ولا لاء ( التكيف مهم جدااا ).

بس اعتقد على كلامك انها 1400 و بالحالة دي تعمل من 65 ل 68 الف جنية .

ربنا يوفقك وياريت لو مش حاتخدها تعرفنا لان العربية دي محترمة قوي .

[mhoreya]

انا قولت لحضرتك فوق انها 1400 سى سى كاملة كل حاجة مانيوال ..
تكييف فريزر .. باور .. سنتر .. العربية مش محتاجة مليم احمر يتصرف عليها ..
و المطلوب نهائى نهائى نهائى 73 الف جنيه .. اتوكل على الله ولا كتير عليها ؟؟

[zizophone]

حضرتك ماقولتش 1400 ولا 1600 و كاملة زجاج و تكيف و باور ولا لاء ( التكيف مهم جدااا ).

بس اعتقد على كلامك انها 1400 و بالحالة دي تعمل من 65 ل 68 الف جنية .

ربنا يوفقك وياريت لو مش حاتخدها تعرفنا لان العربية دي محترمة قوي .

[mhoreya]

1400 سىسى كاملة مانيوال
تكييف .. باور .. سنتر .. زجاج ..
مطلوب فيها 73 .. ادفعهم ولا كتير عليها ؟؟؟

[zizophone]

كتييييييير بصراحة :)

[mhoreya]

يعنى حالتها مش تشفع ليها السعر ده ؟؟

[mode_dode90]

اللي يخليك تجيب جولف بالسعر دا ياراجل و قطع غيار غالية
يبقي اركب bmw اكيد و 73 دول يخلو تجيب حاجة ممكن موديل 95 96 97 و بصراحة اسمها عربية
مش هتفرق في سنتين صنع صح ولا لا و الجولف برضة 1400 , البي ام 1600 دي جميع الكماليات برضة بس الفرق متور 1600 و بي ام

[mode_dode90]

و الصراحة 73 كتييييير

[ahmad--ezzat]

كتير جدا طبعا والعربيه وبعدين متنتظرش اداء عالي من 1400

[mhoreya]

لا مستحيل اجيب بى امم قطع غيارها نار ولا تقارن اصلا بجولف 4 ..
و لو العربية دى حالتها طلعت تمام فعلا بعد الفحص انا هتوكل على الله لانها حالة ممتازة

[ahmad--ezzat]

لا مستحيل اجيب بى امم قطع غيارها نار ولا تقارن اصلا بجولف 4 ..
و لو العربية دى حالتها طلعت تمام فعلا بعد الفحص انا هتوكل على الله لانها حالة ممتازة

انت زعلت ليه بس خلاص متجبش بي ام
ولو العربيه طلعت تمام توكل علي الله فهو خير وكيل


ولا تزعل نفسك

[minicooper20]

لا مستحيل اجيب بى امم قطع غيارها نار ولا تقارن اصلا بجولف 4 ..
و لو العربية دى حالتها طلعت تمام فعلا بعد الفحص انا هتوكل على الله لانها حالة ممتازة

قطع غيارها نار
و لا تقارن بالجولف 4
و مالو اراء

[mxz911]

بصراحه السعر ده لو دماغى فى الجولف ممكن يجيبلى جولف 4 موتور 2000 سى سى مش 1400 سى سى .. وتكون نظيفه ومعدله كمان كل حاجه من الاداء ل Body kit ل جنوط نظيفه

[mhoreya]

يا شباب .. قطع غيار البى ام غالية طحن و بعيده عن قدرتى جدا ..
قطع غيار جولف 4 سألت عليها طلعت فى المعقول و موجوده الحمد لله ..
وانا عارف ان السعر زياده شوية بس انا برضو بشترى حالة ممتازة ..
ده غير انى مش عاوز اجيب عربية متسقطلها مواتير علشان بقلق من الحوار ده ..
انا بحب العربية على وضعها ..
ده غير ان العربية ال 2000 سى سى منها هتسحب بنزين منى بغباء .. وكمان محتاجة عفشة خاصة
و محتاجة دواعم و طنابير و فتيس و تيل فرامل و مساعدين و كبالن من نوع خاص ..

يعنى من الاخر احسن حاجة بالنسبالى ان العربية تكون على وضعها وملعبش فى اساسيات العربية
لو هسقطلها جوز اكصدامات على سبويلر على شدة السقف على زينون فوق و تحت مع تعديل فوانيس امامى
يبقا كده العربية شكرا جزيلا بقت من انضف الجولفات اللى موجوده ..
علشان كده انا عاوز اشتريها على وضعها و لو عاوز العب فيها يبقا اللعب ده قدام عينى مش من ورايا
مظبوط الكلام ولا ايه ؟؟؟؟