متوفر معى 30 الف جنيه وعايز عربيه شبابية شكلها شيك

[dreamsat82]

السلام عليكم ورحمه الله وبركاته
متوفر معى 30 الف جنيه وعايز عربيه شبابية شكلها شيك يكون قطع الغيار فى متناول اليد ..
كنت بفكر فى الابيزا والفيات بونتو ..
انا يهمنى يكون الشكل رياضى وجميل وتكون قطع الغيار فى متناول اليد .. وشكرا ليكم مستنى ردودكم

[Amr_Azab]

ممكن تزودهم شوية وتجبلك واحده بولو حالة كويسة في حدود 32000 او 33000
عربية شبابي جدا وعملية وبيبان فيها التظبيط من اقل حاجة

[dreamsat82]

ممكن تزودهم شوية وتجبلك واحده بولو حالة كويسة في حدود 32000 او 33000
عربية شبابي جدا وعملية وبيبان فيها التظبيط من اقل حاجة

شكرا ليك ::
ممكن تقولى موديل كام وياريت لو صوره ليها ..
وننتظر باقى الاعضاء واقتراحاتهم

[mahmoud_anwar]

بص ابعد عن العربيات دي ولا ابيزا ولا جولف 2 ولا بولو والله عربيات هلكانه لي انها عربيات شباب فا الشباب هلكنها اعرف كده اي عربيه هتشتريها من تحت رجل شاب اعرف انها هلكانه بس برضه مش كلهم بس الاغلابيه العظمة

[Amr_Azab]

بص ابعد عن العربيات دي ولا ابيزا ولا جولف 2 ولا بولو والله عربيات هلكانه لي انها عربيات شباب فا الشباب هلكنها اعرف كده اي عربيه هتشتريها من تحت رجل شاب اعرف انها هلكانه بس برضه مش كلهم بس الاغلابيه العظمة

يا باشا حضرتك بتقولوا ابعد عن العربيات دي لانها هلكانة !!!
كل عربية وليها حالتها واكيد اي حد بيشتري حيكشف علي العربية كويس ومش حيجيب حاجة حالتها وحشة
منا ممكن اجيب عربية مش شبابش ويبقي واحد كبير اللي سايقها او واحده ست ومفرومة بهدلة وفي عربية شبابي متحافظ عليها جدا
فا اللي حضرتك بتقولو مش مقياس ابدا ( كل عريبة وليها حالتها )
ابسط مثال دي صورة عربيتي فابيا موديل 2002 يعني بقالها 10 سنين ماشية وعاملة 175000 كم والحمدلله فابريقة بره وجوة ماعدا اكصطدامات وكل حاجة فيها زي الفل
[img2]http://img831.imageshack.us/img831/3017/photo0041nt.jpg[/img2]
اهم حاجة الاستخدام والعناية ده هو المقياس
واسف لو طولت علي حضرتك

[Amr_Azab]

دي البولو يا باشا وممكن حضرتك تجيب مودلات من 95 لحد 97 وبتبقي بموتور 1300 سي سي وتقريبا بتبقي في الحدود الي قولتلك عليها
وممكن موديل 98 و 99 ودي بتبقي موتور 1000 سي سي ومتهيألي سعرها ممكن يزيد الفين ولا حاجة
بس طبعا اهم حاجة الحالة وحط تحتيها 100 خط وربنا يوفقك ان شاء الله

[hosammoner]

خليك فى الابيزا كانت معايا عربية جميلة جدا البونتو والبولو حلويين برده بس قطع غيار غالية شويتين وفى حاجات ممكن ماتلاقيهاش اصلا

[AHMED_DINAMO]

http://www.nilemotors.net/Nile/298887-1998.html

[pro_samir]

شوف العربيه دي

http://www.nilemotors.net/Nile/298966-1991.html

الاستارليت ممتازه

[Amr_Azab]

خليك فى الابيزا كانت معايا عربية جميلة جدا البونتو والبولو حلويين برده بس قطع غيار غالية شويتين وفى حاجات ممكن ماتلاقيهاش اصلا

الآبيزا عربية جميلة جدا فعلا بس علي ما اعتقد لا تختلف عن البولو كثيرا في قطع الغيار والله اعام

[qwezo]

انا ببيع عربيتى بس انا من دمياط

http://www.nilemotors.net/Nile/298116-97.html

[mado83]

لو تقدر تحطهم مقدم وتجيب لانوس يبقى افضل مليون مره
لو مش هتقدر يبقى اكسيل 1500

[kempel]

السلام عليكم بالنسبه للسعر اللى حضرتك حاطه ممكن يجيبلك بولو بس هلكانه شويه او سيات ابيزا بس مو 94
وعلى فكره انا كان عندى الجولف 2 والبولو وانا لى وجهة نظر انا عملتها بنفسى لما كنت عايز اجيب عربية تانيه فى حدود 27000أو28000 انا بصيت على العربيات الشهيده اللى قيمتها اعلى من سعرها فى مصر بمراحل وهى السيتروين اكسارا 1 1600 جميع الكماليات مو من 99-2002 مانيوال ماتجبش الاوتوماتيك منها علشان اسمع ان فيها مشاكل المهم لقيتها النضيف منها هيكون من 30 الى 35 الف جنيه فبصيت للاقل اللى هى الفورد وجبت واحده فورد فيستا 1300 مو 2000 مكيفه بالفلوس اللى معايا والله مازعلتنيش فى يوم بالعكس كنت بركن عربيتى وانزل اسوقها قطع غيارها منتشره وسعرها زى قطع غيار البولو وهى اكبر قليلاً من البولو واقوى فى الموتور وسحبها رائع فانا برشحهالك هى والفورد اسكورت اللى هلى اكبر منها وفى منها 1300 مو97-99 مكيفه او راكب لها تكييف موتور الفيستا وسعر قطع غيارها رخيصه ولو هاتزود ممكن تجيب الفورد اسكورت 1600 جميع الكماليات مو97-99 او سيتروين اكسارا 1 اللى كانت متجمعه فى مصر قطع غيارها منتشره ومش غاليه وانزل اسال عليه فى ش دمشق يمكن تكون اتغيرت او اسعارها غليت عامة العربيات ديه مش واخده حقها فى مصر وقيمتها اعلى بمراحل من سعرها والله الموفق

[Amr_Azab]

السلام عليكم بالنسبه للسعر اللى حضرتك حاطه ممكن يجيبلك بولو بس هلكانه شويه او سيات ابيزا بس مو 94
وعلى فكره انا كان عندى الجولف 2 والبولو وانا لى وجهة نظر انا عملتها بنفسى لما كنت عايز اجيب عربية تانيه فى حدود 27000أو28000 انا بصيت على العربيات الشهيده اللى قيمتها اعلى من سعرها فى مصر بمراحل وهى السيتروين اكسارا 1 1600 جميع الكماليات مو من 99-2002 مانيوال ماتجبش الاوتوماتيك منها علشان اسمع ان فيها مشاكل المهم لقيتها النضيف منها هيكون من 30 الى 35 الف جنيه فبصيت للاقل اللى هى الفورد وجبت واحده فورد فيستا 1300 مو 2000 مكيفه بالفلوس اللى معايا والله مازعلتنيش فى يوم بالعكس كنت بركن عربيتى وانزل اسوقها قطع غيارها منتشره وسعرها زى قطع غيار البولو وهى اكبر قليلاً من البولو واقوى فى الموتور وسحبها رائع فانا برشحهالك هى والفورد اسكورت اللى هلى اكبر منها وفى منها 1300 مو97-99 مكيفه او راكب لها تكييف موتور الفيستا وسعر قطع غيارها رخيصه ولو هاتزود ممكن تجيب الفورد اسكورت 1600 جميع الكماليات مو97-99 او سيتروين اكسارا 1 اللى كانت متجمعه فى مصر قطع غيارها منتشره ومش غاليه وانزل اسال عليه فى ش دمشق يمكن تكون اتغيرت او اسعارها غليت عامة العربيات ديه مش واخده حقها فى مصر وقيمتها اعلى بمراحل من سعرها والله الموفق

+111111111111111
كلام محترم ومظبوط جدا وانا برده كانت ليا نفس التجربة دي في عربيتي الفابيا كله اعد يقولي بلاش وملهاش قطع غيار ومحدش بيشتغل فيها والحمدلله جبتها ومفيش اي مشكلة واجهتني سواء في قطع الغيار او الصيانة وفعلا قيمتها اعلي بكتير اوي من سعرها فأنا مع كلام الاخ كيمبل بشدة

[ggaamm]

تقدر تشوف عربيتى يمكن تعجبك انا عارضها للبيع

http://www.nilemotors.net/Nile/300614-tunning-mazda-323-a.html

هى مازدا 323 بس مش زى اى مازدا ، والله فيها اوبشنز مش هتلاقيها فى اى عربية