معايا 15000 ممكن مساعدة فى الأختيار؟

[emad81]

السلام عليك
رمضان كريم


انا معايا حوالى 15000 جنيه يا ترى ممكن اشترى فى حدودهم اى نوع؟

وياريت اعرف الأفضل فى السيارات المستعملة فى حدود المبلغ ده

شكرا

[besokate]

انا رايي تجيب لادا او ١٣٢

[emad81]

الف شكر عالرد
بس رأى حضرتك ان ممكن 15 يجيبوا 132 حالتها حلوة؟
وايه رأيكم فى بيجو 305
127
128
ريتمو
هوندا سيفيك موديل قديم
ايهم افضل كمستعمل؟

[besokate]

انا بقولك عالمضمون
البيجو حلوة بس هتبقي مصاريفها عاليه في توضيبها
فانت خليك في الادا وال ١٢٨ و١٣٢ مع العلم ١٢٨ مش بحبها عشان ضيقه من جوة فلو انت جسمك مليان بلاش منها

[i_Am_Legend]

شوفلك لادا سمارا...احسن من كلللللللللللللللللللللل الكلام دة....

[besokate]

شوفلك لادا سمارا...احسن من كلللللللللللللللللللللل الكلام دة....

هيا اللادا السمارة مش نوع من اللادا انا محددتش يشتري لادا ايه فازاي بتقول احسن

[i_Am_Legend]

هيا اللادا السمارة مش نوع من اللادا انا محددتش يشتري لادا ايه فازاي بتقول احسن

ياباشا بالراحة شوية!!!...

وبعدين ماتقارنش اللادا سمارا باللادا العادية ال2105 او 2107...

لان السمارا انعم واحسن من ال2 واقل اعطال..وشكلها اشيك...ودريكسيونها اخف بكتيييييييير.....ومافيهاش مشكلة البيض اللي بيملص..ومش بتسخنننننننن.والكورونا اللى بتوننننننننننن...وشكلها الصندوقى...جرب تركب سمارا...هاتعرف ان اللادا العادية جرااااااااااااااااار زراعى خششششششششششن....السمارا كمان مافيهاش ابلاتين ولا كوندينسر...اشعال الكترونى زى العربيات الحديثة ....والسمارا تقارنها بعربيات فئة ال25 الف...
وتقارنها بالاونو والبرايد والتمبرا والتيبو.والسكودا فيفوريت والاكسيل والسكودا فيليشيا والدايهاتسو شاريد والجولف 2...والسمارا تتفوق على كل دة...وتتوازى مع الجولف والفيليشيا والتمبرا فى الاداء..وماحدش يستقل بالسمارا ابداااااااا...وعلى فكرة انا بعت عربيتى السمارا اساسا... من يومين....وربنا يسهل جايلى فلوس ان شاء الله...وهاجيب واحدة تانية لانى عارف قيمتها كويس...

[ahmad--ezzat]

بس السمارا اغلي من 15

[besokate]

..وعلى فكرة انا بعت عربيتى السمارا اساسا... من يومين....وربنا يسهل جايلى فلوس ان شاء الله...وهاجيب واحدة تانية لانى عارف قيمتها كويس
بعتها علي كام رد علي نفسك بقه
فيه عربيات كتييييير حلوة لكن السيوله قليله هنعمل ايه

[i_Am_Legend]

انا بعت عربيتي ب18 الف...بس في سمارا في حدود 15 او 16 وبتبقي نضيفة ...عربيتي انا كانت حاجة شاذة..وانا بعتبر اي بعتها رخيصة اصلا لانها تساوي 20..

[emad81]

الف شكر على الرد والأهتمام
انا فعلا لفت نظرى السمارا عشان شكلها افضل من اللادا وفى نغس الوقت شفتلها فيديوهات على اليوتيوب وعرفت انها دبابة زى الادا
بس هل قطع غيارها متوفرة؟
وهل لها عيوب الادا الحديثة 2110 بالنسبة للكارتات والكهرباء؟
وبالنسبة لموديلاتها انهى افضلهم لأنى شفت منها 2 باب بس
وهل الأليكو بنفس كفاءتها
معلش انا طولت عليكوا بس انا عارف ان الأجابات دايما جاهزة
شكرا

[i_Am_Legend]

الف شكر على الرد والأهتمام
انا فعلا لفت نظرى السمارا عشان شكلها افضل من اللادا وفى نغس الوقت شفتلها فيديوهات على اليوتيوب وعرفت انها دبابة زى الادا
بس هل قطع غيارها متوفرة؟
وهل لها عيوب الادا الحديثة 2110 بالنسبة للكارتات والكهرباء؟
وبالنسبة لموديلاتها انهى افضلهم لأنى شفت منها 2 باب بس
وهل الأليكو بنفس كفاءتها
معلش انا طولت عليكما بس انا عارف ان الأجابات دايما جاهزة
شكرا

كلللللللللللل قطع غيارهاموجودة ورخيييييييييييييصة ومعمرة ....وهى مش بتعطل اساسا....واعتبر ان السمارا مش تبع لادا اصلا....لان العربية دى فولكس فاجن وبورش...هما اللى عملوها للادا...ومبنية على شايبة الجولف 2...وماتفكرش فى الاليكو خاااااااااااالص....ومافيهاش عيوب ال2110 ...لانها كاربراتير عادى جدا...وسهلة صيانتها ...انا بعمل كل حاجة بنفسي فيها..

[Zing0]

العربيات المستعمله زى البطيخه و بختك يا أبو بخيت, مهما كنت عامل ناصح و فاهم و معاك بدل الميكانيكى 100000 ممكن تأخدها زى الفل, و بعد شهر مثلاً تلاقيها فتحت بقها و بتقولك عوووووووووووووووو.

أستخير الله و حاول تخليك فى اللادا أو الـ 132, مش هتلاقى حاجه قديمه أحسن من دول.