لكل من هو خبره فى العربيات افيدووووووووونى بسرعه

[osama_samo]

يا جماعه انا عاوز اجيب عربيه ان شاء الله بس الفلوس اللى معايا مش كتير يعنى فى حدود 22000 كده ونفسى اجيب حاجه شبابى يعنى وتكون جرايه ثابته مش كل شويه تبوظ واروح للمكانيكى لان دى اول عربيه ليا ان شاء الله انا شوفت الفيستا 97 وعجبتنى جدا بس فى نااااااااااس كتير خوفتنى منها لو دى حلوه قولولى ولو فى حاجات احسن ترشحوهالى بالمواصفات اللى قولتكلو عليها يبقى بجد كتر خيركوا
مستنى ردكوا وتعاونكوا يا رجاله

[el.doc]

ممكن سكودا فليشيا حلوه برضه وشبابى

[osama_samo]

الف شكر يا باشا على رد حضرتك هى حلوه الاسكودا بس فى ناس بتقول ان فيها مشكله
سخونه كلام من ده ايه راى حضرتك فى الكلام ده ؟

[aboomar22]

ممكن تشوف سيات ابيزا 90-93 مثلا

[s_sherif]

انا ركبت الفورد عربية كويسة واعتمادية بس لو حالتها كانت كويسة علشان لو مش كويسة هاتتعبك جدا

[osama_samo]

شكرا لردكم يا جماعه جداااا هى الابيزا حلوه ولا فيها عيوب ,
اها يا باشا انا عجبانى الفورد اوى بس الخوف من انها تطلع حالتها منيله ده مقلقنى اوى منها

[aboomar22]

بص عموما اى عربية حلوة طالما حالتها حلوة ومقرفة لو حالتها تعبانة يعنى اسكودا نظيفة احسن من ابيزا تعبانة والعكس يعنى اختار مثلا 3 موديلات وركز على الحالة مع العلم ابيزا لو حالتها كويسة ودى نادرة هتعجبك قوى

[elpasha1]

اعتقد ان حضرتك مقتنع بالفورد لكن مفبش حد مشجعك عليها وبتحاول تجمع لها اراء
وجهه نظري ان لو العربية عجباك وحالتها حيده توكل علي الله ولا تنس الاستخارة
تقبل مروري

[emam_maxconc]

اوعي الفورد
الفورد فيستا فيها امكانيات تحسن من عربيات 2010 لكن خد بالك من شوية حاجات
اول حاجه الفورد في مصر سوقه مش اوي يعني ممكن تقعد قتره كبيره لحد ما واحد يشتريها (ده لو حبيت تبيع او اتزنقت فجاه)
تاني حاجه الصنايعيه مش بيفهموا فيها وممكن يبوظوها ولو فيه مشكله هتتطر تروح مشوار للحرفيين لناس محدده عشان يصلحها ده طبعا غير قطع الغيار نااااااااااااااااااااار
علي فكره انا معايا فورد اسكورت مو 99

[emam_maxconc]

نصيحه خليك في العربيات الاتيه سوقها ماشي وكل الصنايعيه بيتفهم فيها (خد بالك ان اي سياره مستعمله لازم يحصلها اعطال وده طبيعي بس المهم انها ماتعذبكش وتكرهك في اليوم اللي اشتريت فيه عربيه)
1-مازدا 323 السعر (17000-30000) علي حسب الحاله
2-سوزوكي سويف السعر (22000-30000) علي حسب الحاله
3-الفيات بانواعه (127& 128 & 132 & 131 & 125& تيمبرا & اونو ) السعر لكل نوع سعر بس حوالي (10000-30000)

[M.Al-Hefnawy]

ممكن تجيب عربية ريجاتا موديل 88 وتكون حالتها حلوة - قطع غيارها رخيصةوموجودة وسهل لأي ميكانيكي يشتغل فيها.

[MAMDOH ZAKY]

نفس التجربه مريت بيها وكنت ساعتها بدرس ومكنتش حابب اضيع كل فلوسى على عربيه قطع غيارها غاليه ولا اعطالها كتير
وكان معايا نفس المبلغ تقريبا
باختصار من غير مطول عليك ربنا وفقنى بعربيه تيوتا ستارليت موديل 92 موكيفه والحمد الله معنتش فى اى شىء وقطع غيارها ارخص من الفيات فى الاستيراد لكن فى القطع الغيار الجديد غاليه شويه بالنسبه للفيت هى عربيه هاتش باك ولى يشوفها يفتكرها موديل 2000 او احدث لكثرت البومبيهات الى فيها وفيها شكل كبير من الخلف من لبيجو206

[amro0000]

يامان فورد اية الي بتدور فيها انت المبلغ بتاعك معليش علي قدك وواضح ان امكانياتك زي الناس العادية يعني لسة بادأ حياتك ومش عاوز عربية تخرب بيتك وتاخد مرتبك كله في قطعة غيار ولا حاجة معليش انا بكلمك بصراحة ووضوح اكتر عشان انا بردو كنت زيك وبعدين انا جبت رينو فويجو عربية ب 11الف جنية شكل وثبات وسرعة وفخامة تضرب عربيات موديل 2010 ولاكن العربية خربت بيتي في 7شهور صرفت اقسم بلله حوالي 10الاف جنية تقل او تزيد حجات بسيطة مش فاكر ابعددددد وخليك في الفيات او اليباني احسن وقد اعذرررررررررر من انذررررررررررررررررررررر انا اديتك نصيحة واحد مجرب واتلسع

[Ahmed salamaa]

مازدا 323 وريح دماغك من كل حاجة سوقتها ناعمة و مكيفة و جراية فحت و ثابتة لحد 160 بس المهم الحالة و شبابية اوييييييييييييييييييييييييي و بصراحة لا يعلي علي الياباني من الاخر

[elpasha1]

مازذا 323
وهتوفر فلوس