عايز عربية حلوة ان شاء الله فى حدود 30 الف

[drahmed80]

عايز عربية حلوة ان شاء الله فى حدود 30 الف ... اية رايكم فى الاختيارات دى ؟

1- لانسر بطة
2- فيات تمبرا
3- سيات ابيزا

اية هو احسن اختيار فيهم ؟ من حيث كل حاجة ؟ يعنى المجمل ؟ على اعتبار ان كلهم فى نفسى الحالة ؟

[ahmad_salama]

http://www.nilemotors.net/Nile/310335-1994.html

[aboomar22]

ابيزا لو حالتها كويسة عربية روعة

وليه متدخلش معاك فى الاختيار هيونداى اكسيل 1300

[ahmed legend]

انا طبعا اختار لانسر كا راى

[drahmed80]

شكرا لحضراتكم جميعا

انا عايز عربية تكون فى حدود السعر دة ... وممكن ازود 5 كمان
بس تكون قوية تستحمل السفر .... قطع غيارها متوفرة واعتمادية ومعمرة ... صالونها مريح ... قليلة الاعطال ... وطبعا موفرة فى البنزين

ياريت تفيدونى ... انا متابع

[hugan]

انا من عشاق التمبرا
لو لقيت حاجه نضيفه
اظن افضل اختيار
موتور 1600
صالون واسع جدا
عربيه اوروبي فعلا
جميع الكماليات

[drahmed80]

انا من عشاق التمبرا
لو لقيت حاجه نضيفه
اظن افضل اختيار
موتور 1600
صالون واسع جدا
عربيه اوروبي فعلا
جميع الكماليات

طيب اية هو احسن موديل فى التمبرا ؟ ويعمل فى حدود كام ؟ وهل هى قليلة الاعطال ؟ وسهل ان اى ميكانيكى او كهربائى يتعامل معاها ؟ ياريت تفيدنى .... وشكرا لحضرتك

[hugan]

طيب اية هو احسن موديل فى التمبرا ؟ ويعمل فى حدود كام ؟ وهل هى قليلة الاعطال ؟ وسهل ان اى ميكانيكى او كهربائى يتعامل معاها ؟ ياريت تفيدنى .... وشكرا لحضرتك

اكيد الموديلات الاخيره منها
98الي 2000
الاسعار اسال في قسم فيات هايفيدوك اكتر لكن لاتتعدي ال 35
مافيهاش غير مشكله السخونه لكن الكل بيعمل فيها تعديل اظن للمروحه او الثرموشتات
طبعا اي ميكانيكي يشتغل فيها لان فيها لانها كربراتير
غير معقده ميكانيكا او كهرباء
ليها قطع غيار استيراد لكن للامانه سعرها عالي شويه
انا مش خبير في التمبرا لكن انا باتكلم علي عربيه في المجمل عربيه محترمه وكنت عايز اشتريها قبل الشاهين
علشان كده عندي شويه معلومات بسيطه عنها
لكن الظروف ما ساعدتش

[yyy]

شوف السوزوكي سويفت

[aldesha989]

شوف معاهم فيات سيينا 1400 سى سى
وشوف رينو كليو 1200 سى سى
لانوس 1 1500 سى سى دور على التلاته دول كمان هتلاقى موديلات 2000 ولحد 2003 ممكن توصل معاك ل 35

[a7medsh3rawi]

بص حضرتك انا كنت مكانك وحاولت الاقى اى حاجه في حدود 30 الف وكل الانواع اللى قالوها الاعضاء شوفتها بس العربيه اللى تلاقيها نضيفه بيكون سعرها عالى والعربيه اللى الاقى سعرها مناسب تكون محتاجه مصاريف والحمد لله لقيت اكسيل 1300 ب 32 الف فابريكه بره وجوه وانا بنصح حضرتك بيها لان ما شاء الله عليها سفر وجرى على الطريق وقطع غيار في كل مكان واى حد بيفهم فيها ومكنة وفتيس ياباني اللانسر 98 واى استفسار في رابطة موجوده للاكسيل .
وحاول تدور وربنا ان شاء الله هيكرمك في حاجه كويسه .

[i_Am_Legend]

ماقدامكش غير عربيتين مالهمش 3..
الاولى لانشيا ديدرا..ودى ركوبتها زى البي ام والمرسيدس..وحاجة ماتتعوضش..
وقطع غيارها بملاليييييييييييييم...اقسم بالله حاجتها زى الاكسيل...بس اوعىوشك ثباااااااات جبار وسحب...عربية سنة 93 زيرو كانت بمائة الف جنيه..
العربية التانية هى التمبرا..والتمبرا نفس اللانشيا بالظبط فرق الشكل الخارجى,..بس اللانشيا شكلها رووووووش موت وحديث شبه السكودا a4

[drahmed80]

متابع بإهتمام

[amro0000]

انا معايا دوجان بحالتها بأكياس المصنع موديل 1993 مكيفة لو عندك نيه

[drahmed80]

انا معايا دوجان بحالتها بأكياس المصنع موديل 1993 مكيفة لو عندك نيه

حضرتك عايز فيها كام ؟ ... وياريت حالتها ؟ وكمالياتها ؟ عاملة كام كيلو ؟ و ياريت صور