حق البيع لنفسه وللغير والتجديد والترخيص والتعامل مع المرور

[Geust]

انا كان معايا عريبة 127 موديل 1987
بعتها لتاجر وعملت عقد ابتدائى وخلتوا وقع فى الجزء التحت و عملت توكيل بيع العربية الب15 جنية فى الشهر العقارى
بس التاجر خلنى اكتبلوا فى التوكيل
حق البيع لنفسه وللغير والتجديد والترخيص والتعامل مع المرور
الرخصة هتنتهى فى شهر 3/2013
و الفحص فى 2015
مع العلم ان التاجر قلى انه هيبعها لواحد تانى

فى اى ضرار من التوكيل ده ولا انا كده فى الامان
يعنى ممكن التاجر يعمل توكيل للراجل الهيشترى العربية ويكتبلوا
حق البيع لنفسه وللغير والتجديد والترخيص والتعامل مع المرور

وتفضل العربية تترخص باسمى مدى الحياة

[adel152]

أعتقد حضرتك كده أعطيته كل الصلحيات بهذا التوكيل المفتوح لتجديد الرخصة بأسمك. وده طبعا غلط لأن اى مشكلة حترجع على أسم مالك السيارة الموجود أسمه فى ملف المرور اللى هو حضرتك.
صور العقد الابتدائى والتوكيل وأذهب لرئيس وحدة التراخيص اللى السيارة تابعة له وأطلب منه موافقة بوضع صورة العقد والتوكيل فى ملف السيارة.

[mazagngi2010]

مكنتش تكتب
والتجديد والترخيص
والله اعلم

[ramyhekal]

طيب ما حضرتك عارف ان العربيه هاتفضل تترخص باسمك مدى الحياه وبالتالى اى حاجه تعملها العربيه دى فى مكان هايدورو على اللى العربيه باسمه قبل اى حاجه وكمان لو حبيت ترخص عربيه تانيه فى المرور هاتدفع حاجه اسمها ضريبة رفاهيه لان كده عن الحكومه انت عندك عربيتين باسمك

[thunder155]

كده يقدر يجدد العربيه بأسمك مدى الحياه , لكن لو عمل توكيل لحد مينفعش يكتب فيه التجديد و الترخيص , يعنى دول بيبقوا فى اول توكيل بس

[peposupervisor]

افصي عدد توكيلات للعربية هو 3 توكيلات
ومفيش ضرر عليك في حكاية العربية دي غير انك لو اشتريت عربية تانية
هتدفع ضريبة اضافية اسمها الضريبة الترفيهية لان هيلاقي كدا باسمك عربيتين
يارب اكون افدتك

[Geust]

مش مهم الضريبة الترفيهية , دى كل الحكاية 60 جنية
الى انا فهمتوا دلوقتى ان التاجر بس هوا الى يقدر يجدد الرخصة باسمى بس لوبعها لحد مش هيعرف يكتب
حق البيع لنفسه وللغير والتجديد والترخيص والتعامل مع المرور
هيكتب بس
حق البيع لنفسه وللغير

صح كده ولا انا غلطان

ولو التاجر عمل موصيبة بالعربية دلوقتى او بعد مالرخصة انتهت وجددها انا الى هلبس الليلة والا هوا

[ahmedShafie]

مش مهم الضريبة الترفيهية , دى كل الحكاية 60 جنية
الى انا فهمتوا دلوقتى ان التاجر بس هوا الى يقدر يجدد الرخصة باسمى بس لوبعها لحد مش هيعرف يكتب
حق البيع لنفسه وللغير والتجديد والترخيص والتعامل مع المرور
هيكتب بس
حق البيع لنفسه وللغير

صح كده ولا انا غلطان

ولو التاجر عمل موصيبة بالعربية دلوقتى او بعد مالرخصة انتهت وجددها انا الى هلبس الليلة والا هوا

لو التاجر عمل بيها مصيبه طبعا صاحب العربيه هو اللى هيلبس الليله حتى لو اتباعت بتوكيلات لكذا واحد فى النهايه صاحب العربيه هوه المسؤل للاسف الشديد لانهم بيكون موكيلن عن صاحب السياره الاساسى

بس طالما بعت العربيه خلاص سيبها على الله وان شاء الله مش هيحصل حاجه لانك لو رجعت لتاجر وقولته هنغير التوكيل مش هيوافق

وانت مش هتعرف تلغى التوكيل من نفسك الا اذا بوجود المشترى

كل هذه المعلومات عرفتها من موثق الشهر العقارى نفسه

[yyy]

مش مهم الضريبة الترفيهية , دى كل الحكاية 60 جنية
الى انا فهمتوا دلوقتى ان التاجر بس هوا الى يقدر يجدد الرخصة باسمى بس لوبعها لحد مش هيعرف يكتب
حق البيع لنفسه وللغير والتجديد والترخيص والتعامل مع المرور
هيكتب بس
حق البيع لنفسه وللغير

صح كده ولا انا غلطان

ولو التاجر عمل موصيبة بالعربية دلوقتى او بعد مالرخصة انتهت وجددها انا الى هلبس الليلة والا هوا

كتبت عقد بيع ابتدائى للعربية ولا لا؟لو معاك العقد خلاص يعمل اللى يعملة مالوش علاقة بيك

[Geust]

كتبت عقد بيع ابتدائى للعربية ولا لا؟لو معاك العقد خلاص يعمل اللى يعملة مالوش علاقة بيك

عملت عقد ابتدائى وخلتوا وقع فى الجزء التحت و عملت توكيل بيع العربية الب15 جنية فى الشهر العقارى

بس العقد الابتدائى ده بينى وبينه ومفهوش شهود ولاختم ولامتوثق , انا حاسس ان العقد الابتدائى علشان تبلوا وتشرب ميته

[gabbbr]

هقولك على حاجة مهمة
اولا العقد الابتدائى مهم جدا و بيثبت انك بعت العربية و اخليت مسئوليتك منها و لو طعن عليه بالتزوير و انها مش امضته هيدفع هو رسوم امانه خبير مطابقة خطوط و قدرها 500 جنه و هيطلع خطه حتى لو كتب العقد بالشمال و هو ايمن لانهم بيخلوه يكتب الاسم الموقع بيه على العقد بيديه الاثنين اكتر من الف مرة
ثانيا الشهر العقارى لا يصدر للتوكيل الثانى تصريح بالتجديد و الترخيص فقط للتوكيل الاول
ثالثا و هو الاهم و النقطة الفنيه التى يجهلها الكثير و ركز معايا التاجر ممكن يفضل يجدد الترخيص باسمك لكن خد بالك من اللى جاى :
تاريخ اصدار الرقم القومى الخاص بك و المدون فى التوكيل الصادر منك للتاجر لو مر عليه اكتر من 7 سنوات فى وقت قيام التاجر بالترخيص يصبح الرقم القومى يستوجب التجديد و هنا المرور بيشوف التوكيل المقدم من التاجر و لو لاحظ ان التاريخ قديم بيطلب من طالب الترخيص ان يقدم له صورة الرقم القومى الجديد لمحرر التوكيل للتأكد من ان عنوانك فى الرقم القومى الجديد هو نفس العنوان القديم و التابع للمرور التابع له سيارتك المباعة و الا سيعطيه شهر مهله لنقل الملكيه لنفسه يعنى عليك الرجوع للرقم القومى الخاص بك و انت تحسب باقى كام سنة على انتهائه و يكون حظك حلو لو قارب على الانتهاء هذا بس اوعي يجيلك التاجر و يقولك عايز صورة الرقم القومى بتاعك و تديهوله يبقى انت اللى تستاهل و الله اعلم

[Geust]

هقولك على حاجة مهمة
الشهر العقارى لا يصدر للتوكيل الثانى تصريح بالتجديد و الترخيص فقط للتوكيل الاول

[moumen_hs]

هقولك على حاجة مهمة
اولا العقد الابتدائى مهم جدا و بيثبت انك بعت العربية و اخليت مسئوليتك منها و لو طعن عليه بالتزوير و انها مش امضته هيدفع هو رسوم امانه خبير مطابقة خطوط و قدرها 500 جنه و هيطلع خطه حتى لو كتب العقد بالشمال و هو ايمن لانهم بيخلوه يكتب الاسم الموقع بيه على العقد بيديه الاثنين اكتر من الف مرة
ثانيا الشهر العقارى لا يصدر للتوكيل الثانى تصريح بالتجديد و الترخيص فقط للتوكيل الاول
ثالثا و هو الاهم و النقطة الفنيه التى يجهلها الكثير و ركز معايا التاجر ممكن يفضل يجدد الترخيص باسمك لكن خد بالك من اللى جاى :
تاريخ اصدار الرقم القومى الخاص بك و المدون فى التوكيل الصادر منك للتاجر لو مر عليه اكتر من 7 سنوات فى وقت قيام التاجر بالترخيص يصبح الرقم القومى يستوجب التجديد و هنا المرور بيشوف التوكيل المقدم من التاجر و لو لاحظ ان التاريخ قديم بيطلب من طالب الترخيص ان يقدم له صورة الرقم القومى الجديد لمحرر التوكيل للتأكد من ان عنوانك فى الرقم القومى الجديد هو نفس العنوان القديم و التابع للمرور التابع له سيارتك المباعة و الا سيعطيه شهر مهله لنقل الملكيه لنفسه يعنى عليك الرجوع للرقم القومى الخاص بك و انت تحسب باقى كام سنة على انتهائه و يكون حظك حلو لو قارب على الانتهاء هذا بس اوعي يجيلك التاجر و يقولك عايز صورة الرقم القومى بتاعك و تديهوله يبقى انت اللى تستاهل و الله اعلم

تمام ياباشا معلومات قيمة جدا .

المهم العقد الابتدائى يبقى معاك ومحفوظ فى مكان بعيد عن اللعبث

[elgende2002]

ياباشا انا بعت عربيتى زيك بالزبط وبنفس صيغة التوكيل بس أخدت صورة بطاقة المشترى واقرار منه انه استلم العربية فى تاريخه ومسئول عنها مسئولية تامة ده بالاضافة طبعا للعقد الابتدائى

[Forever.Leo]

هل جملة : البيع لنفسة و للغير و تعامل مع المرور
لها نفس معنى : البيع لنفسه و للغير و التجديد و الترخيص ؟