محتاج رايكم بسرعة

[elpasha1]

فكرت اجيب عربية لمراتى
فلقيت 127 مو1985
لون احمر فرش جلد العربية بحالة جيدة وفيهاش بارومة رشه دواخل طبعا
الحالة العامة جيدة
مطلوب 11.5
ايه رايكم فى السعر دا
واخد بالى من اية وانا بشوفها
جزاكم الله خير

[elpasha1]

فين الردود يا جماعة

[tawfic]

لازم يشوفها ميكانيكى كويس ويطمن ان الماتور كويس
وانها مش عامله حادثه لاقدر الله
والشاسيه سليم مافهوش لحمات والحوض سليم والركب سليمه والاقوايم سليمه
وانته وشاطرتك فى تنزيل السعر
يعنى لو هاتحتاج مصاريف زى الكاوتش وتغير الزيت وحاجات تانيه فى العافشه والماتور طبيعى هاتحسب التكلفه المبدائيه كام وتشوف على السعر المطلوب هاتقف عليك العربيه كلها بكام ولو زادت عن ال14 الف يبقى كتير--- والاهم المعاينه تكون بالنهار ومتنساش ترفع العربيه فى بنزينه
وربنا يوفقك فى اتخاذ القرار الصائب

[amr_naser]

لا بلاش هات عربية حالتها كويسة وبلاش دى وشوف واحدة مش راشة دواخل او كترهم شوية وهات لها اى حاجة غير 127 و 128 اعطالهم كتير والشتا كمان داخل العربية حتبهدلك اعطال

[ahmedteam]

بلاش حاجه رشه دواخل ابعد عنها

كانت معايا 127 رشه دواخل غلبت لما جيت ابيعها و خسرت فيها كتيييييير

[khaled sabry]

معلشى انا اسف انى بصطاد فى الميه العكره

انا معايا كورولا 1978 1200cc فابريكا دواخل (انا كنت ثانى يد و اول يد كان عمى )
و فيها 4 زجاج كهرباء و مغير الفرش الداخلى بفرش هوندا سيفيك 93 بزراير الزجاج الكهرباء - سنتر برموت - و تكيف ممتاز - الكاوتش الامامى من سنه و الخلفى من 3 سنين - كاربراتير جديد من شهرين فقط
و اقتصاديه جدا فى البنزين (بتستهلك 250 فى الصفيحه على الطوالى)
و العربيه حالتها ممتازه و انا كنت بسافر بيها من القاهره لاسيوط عادى جداا بدون مشاكل و عمرها ماعملت معايا موقف وحش فى سفرياتى
و مش محتاجه غير رش خارجى ( انا رشيتها من سنتين لكن اللى رشهالى حطالى معجون كتير فبدأت تفقفق من الشمس رغم ان الدهان لسه بيلمع)
و بفكر ابيعها ب 17 الف لأنى ورثت عربيه اخرى من والدى عليه رحمة الله و مستخسر ركنتها

فلو حضرتك مهتم ابعتلى على الخاص و نتفق

[elpasha1]

معلشى انا اسف انى بصطاد فى الميه العكره

انا معايا كورولا 1978 1200cc فابريكا دواخل (انا كنت ثانى يد و اول يد كان عمى )
و فيها 4 زجاج كهرباء و مغير الفرش الداخلى بفرش هوندا سيفيك 93 بزراير الزجاج الكهرباء - سنتر برموت - و تكيف ممتاز - الكاوتش الامامى من سنه و الخلفى من 3 سنين - كاربراتير جديد من شهرين فقط
و اقتصاديه جدا فى البنزين (بتستهلك 250 فى الصفيحه على الطوالى)
و العربيه حالتها ممتازه و انا كنت بسافر بيها من القاهره لاسيوط عادى جداا بدون مشاكل و عمرها ماعملت معايا موقف وحش فى سفرياتى
و مش محتاجه غير رش خارجى ( انا رشيتها من سنتين لكن اللى رشهالى حطالى معجون كتير فبدأت تفقفق من الشمس رغم ان الدهان لسه بيلمع)
و بفكر ابيعها ب 17 الف لأنى ورثت عربيه اخرى من والدى عليه رحمة الله و مستخسر ركنتها

فلو حضرتك مهتم ابعتلى على الخاص و نتفق

شكرا لاهتمامك