ازاى تعرف التاجر

[abogharib]

مشكور على الموضع و على النصايح
كتر الله من امثالك

[loserdavie]

شكرا لكل الناس انا بفيد الناس اخواتى لانهم بيصعبوا عليا والله من التجار والكلام الى بيقولوه عليهم انا قبل متاجر فى العربيات انا مهندس ميكانيكا والله وشخص محترم خربج جامعة القاهرة وبحضر دلوقتى ماجستير وعندى محل بعض الضهر هو ده الى شد رجليا فى تجارة العربيات اكملكوا بقيت ملاحظاتى
1- والله العظيم انا ما قبلت واحد عدل فيهم كل بيابس ومحدش بيتقى ربنا انا مش عايز اقول كلهم بس يمكن يكون فى تاجر محترم وانا معرفوش
2- مش معنى كده انك متشتريش من تاجر لا ساعات بيبقى معاهم لقط وعربيات سليمة بس حتلاقى شايل منها حاجات بيبعها يعنى مثلا طقم سماعات يشيلها ويحط طقم معفن الكاسيت وهكذا والكاوتش واساسى اللعب فى العداد
3 - نصيحة من اخ متثقش فى تاجر لانه حيلبسك حيلبسك (متقولوش انا عايز عربية كذا منه ) بيحصل الاتى مثلا انا عندى عربية لانسر واخده فى الوش ومعموله وبيبعها مثلا 45 يجى تاجر تانى يقولى انا عندى زبون حقوله 48 وملكش دعوه فى الموجود فى العقد والباقى ليا والله هذا حصل والزبون والتاجر بينهم عشرة عمر بس انا مكنتش صاحب العربية الانسر واحد تانى انا كانوا بيكرهونى لانى مكنتش بعمل مصالح ولا بنفعهم وبيتريقوا عليا يبنى الشغلانه ديه مش بتاعت الدغرى بقولوكوا بيخدموا بعض علشان يديه ابعض العربيات وكان الزبون يهودى او عدو
4- والالذ من كده بسمو تجارة تاعربيات شغل يقولك انا شغال انا عندى شغل ( شغل ايه يا هايف يابن الهايفه ده انت بتلم الى بيقع من الناس ) الموضوع الى جى ان شاء الله ازاى تشترى عربية وتعرف انها رشه ولا لا بالصور والسلام عليكم

[amrrashed]

شكرا مرة تانية ومستنين الموضوع

[tananybasha]

موضوع جميل
و مع تعاملى مع اكثر من تاجر
فعلاً مفيش فيهم حد مخلص الا للقرش

[rompo10]

شكرا علي الموضوع وانا الحمد الله متعود اني عمري مااشتري من تاجر حتي لو كان ابويا وبعت عربيه مره لتاجر وهي كانت نظيفه قلتله 75000 قالي 60 قلتله اشرب الشاي ومع السلامه طبعا دا كان في البيت عندي قالي دا في واحده ب 50 اديته تلفوني وقلتله كلم صاحبها مستني ايه وانا هاوصلك لغايه عنده وفي الاخر خدها ب 72 بعد ماقال لوالدي دا اكل عيشي وعيش عيالي سبلي فيها اي حاجه دي عينه من التجار بس في البيع

[aldesha989]

والله لسه يوم الخميس اللى فات مقابل كل اللى انتا قولت عليه ده
لقيت عربيه سيينا 1600 سى سى موديل 2001
العداد 89 الف كيلو وطبعآ مستحيل تبقى عامله كده لان ال 2008 بتبقى عامله مش اقل من 110 الف
يعنى اقل نمره لل 2001 تبقى عامله 200 مثلآ

والعربيه متلمعه ومرشوشه والكاوتش بيلمع والصالون بيلمع وريحته جميله والتكيف عسل
والعربيه مافيهاش غلطه ولبق جدآ فى الكلام
والعربيه فيها 3 توكيلات انا توقعت لما لقيت توكيلات كتيره انه تاجر على طول ما اخدتش فى بالى الباقى

وعلى ما حضرت نفسى وجيت اشترى قالى بعتها :d

[mostafa_wahid]

من واقع التجربة اللى عيشتها ,اللى يرمى نفسوا على تاجر ويفكر يشترى منوا يبقى يستاهل اللى يجرالوا وحتى لو كان التاجر دة صاحبوا ومعرفة ... من الاخر هوة دة شغلوا وهوة مش حيبديك عن نفسوا دة غير ان قليل اللى بيتقوا ربنا فى شغلهم دلوقتى
غير كده التاجر لازم يكسب فى العربية يعنى لو عربية تمامها 48 الف هوة مش حيبيها بأقل من 50 الف علشان يكسب ,طب ولية تشترى بزيادة مانت اولى بالفلوس دى تصرفها على العربية اللى حتجيبها او تصرفها على نفسك او بيتك
ربنا يسهل للناس كلها موضوع الشراء والبيع ويسترها علينا من النصب والنصابين

[MohammedAladel]

ربنا يكرمك ... منتظر بقية الموضوع

[مجدي سامي]

لو انت تاجر متشتريش من نفسك ..

[محمد بدر]

والله الموضوع أكثر من رائع
وفيه فوائد ونصائح قيمة جدا للمشترى
بالرغم انى اشتريت سيارة اكسنت من تاجر فى سوق الجمعة من حوالى 5 سنوات والحمدالله ربنا ستر وكانت ممتازة ومفيش أى لعب فيها على الإطلاق وفى هذه الحاله الناره جدا انا اسامح وبقلب راضى فى ألف أو ألفين أو حتى ثلاثة علشان الراجل جه فى الدوغرى والظاهر عليه انه كان لسه مبتداء وانا لحقته فى الأول
وكنت متواجد الجمعة الماضية فى سوق السيارات بدور على عربية فيرنا أو لانوس حاجة كسر زيرو لأحد اقاربى وكانت المفاجئة جميع السيارات الموجودة بتوكيلات مفيش عربية واحده توحد ربنا صاحبها هو البائع
وتأكيدا لكلامك سيارات كثير جدا جدا ملعوب فى عدادها وبشكل ملحوظ
وعلى سبيل المثال سيارة لانوس 2010 العداد 27 ألف كيلو يعنى الحالة العامة كويسه وماشى الحال
الأستبن قديم مش مشكلة ممكن اتغير لأى سبب - ولاكن الأربع فرد كاوتش بريدجستون السؤال هى لحقت تغير كوتش ولا ممكن اللانوس بتنزل بيه طبع الأجابة لالالالالالالالا .
الحمدالله الواحد لو ركز مع النصاب شوية اكيد هيتكشفه اهم حاجة التروى والرجوع لأهل الخبرة

[محمد بدر]

الأهم وأخطر من كده موضوع البيع بتوكيل أو أكثر
الموضوع ده انا أعتبره مصيبة من مصائب الدنيا يعنى الواحد يبقى تعبان فى فلوسه والله يعلم لمها اذاى وفى الأخر يلاقى نفسه وقع فى نصباية كبيرة يعنى اشترى الوهم وناس كثير بتأكد ان عمل التوكيل ده سهل جدا
الأسبوع الماضى كان من ضمن الضحاية احد معارض سيارات المستعمل بالسويس يعنى المفروض انهم ناس فى السوق وفهمين طب احنا نعمل إيه ربنا يسترها معانا
الموضوع بإختصار شاب نصاب ومن أسرة محترمة للأسف كان يمتلك سيارة هونداى إلنترا موديل 2008 على ما اتذكر والرخصة طبعا بأسمه باع العربية لشخص اخر بتوكيل واقنعه ان ممكن يأجرو السيارة لأحدى الشركات بالسخنة بملبغ 4000 جنيه شهريا وعقد سنوى وكلام جميل المشترى قبل العرض
والراجل النصاب نفذ شهر واثنين وبعدين اختفى
المفاجئة - النصاب باع العربية ومن أصل الرخصة بأسمه طبعا وعن طريق هذا المعرض الذى اعتبرته المباحث طرف من الأطراف لأنه كان وسيط فى الموضوع بالرغم من انه اضحك عليه زيه زي المشترى الثانى
المهم المباحث رجعت لوالد النصاب الذى بالطبع تبراء منه
وتقريبا ان الموضوع كده هيتقسم على الثلاثة اطراف (المشترى الأول والمعرض والمشترى الثانى)
ياأهل الخير انا كتبت الموضوع ده علشان الناس تحترس ومفيش حسن نية غى الوقت الحالى

[Survival]

اعتقد ان الموضوع فى الايام دى مش هتفرق تاجر من مش تاجر كله بيضحك على كله الا من رحم ربي. نظافة العربية من جوه و الحوض مش مقياس لانى انا بشتغل فى العربية بايدى فبحب ان يكون حوض العربية نظيف فاكيد لما انوى ابيع هخليه يبرق.
اخر مرة نزلت السوق لاقيت فعلا هبل وغباء من التجار يعنى اللى موزد فى تمن العربية كتير لدرجة انك اول ما تمسع الرقم تديله ضهرك وحتى لو قالك نتفاهم فانت خلاص قفلت منه و فى تاجر شاطر يعرف يجيب رجلك و ده بيبقى مزود الفين عن سعر العربية و يقولك دا مكسبي فيها و من هنا يبدا التفاوض.
عموما لو بتشترى عربية حتى لو قريبك اكشف عليها كويس و لو مكسوف منه خدها منه و قوله هجربها و روح اكشف عليها لان ممكن يكون فيها حاجة كبيرة و هو نفسه مش واخد باله منها.

[محمد بدر]

على فكره انا كان لى مداخلة من وقت قريب تقريبا نفس الموضع

http://www.nilemotors.net/Nile/324872-2008.html#post3874701492

طبعا كل الكلام السابق من اساتذتى واخوتى الأفاضل سليم 100% وانا استفدت كثير قبل الشراء من خلال تواصلى معهم ,وطبعا دائما أخص بالذكر م / سامح و أ / احمد إيهاب الناس دية تعبت معايا كثير فعلا علشان كده بحاول ارد شئ ولو قليل لأعضاء المنتدى
وبحب اضيف ليك اشياء هامة قبل الشراء
أولا"- الصبر والتريس
ثانيا"- الصبر والتريس ايوه اقصد اولا" وثانيا" وبأكد على شخصك الكريم الصبر والتريس فى الشراء حضرتك لازم تضع نقودك فى المكان الصحيح وبأكد ليه علشان دية خلاصة تجربتى لمده طالت لأكثر من شهرين لف ودوران وبرم وسفر هنا وهناك على يد الأخوة الأفاضل فى المنتدى
قبل ما ابداء فى سياق الموضوع عيزك تتفائل ان شاء الله
1- المعارض - احذر كل الحذر منهم ليه بتلاقى سيارات لفت فى محافظات كثير بالذات اسكندرية واسماعيلية ومن هنا وهناك وتوكيل واثنين وكل عمل سبوبة علشان فى الآخر واحد غلبان يشيل الشيلة .
لو الموضوع موضوع فلوس بس مفيش مشكلة شغال ولاكن وخلى بالك من لاكن دية .
هتسمع قسم ويمين ان السيارة كرتونة بلغتهم يعنى إيه يعنى فبريكة مفيش قلم بوية وهنا بقى المفاجآه جنب راشش أو الأكصدمات رشة كلها وما خفى كان أعظم
وللعلم الأفران اليوم وشغل الصنيعية احياننا بيبقى صعب جدا الصنيعى نفسه يكتشف انها رشة
وهنقول برضه شغل الرش ده هنعديه المشكلة الأكبر والكذب والخداع والسرقة وعدم وجود ضمير وغلاظة القلوب تيجى بقى فين يا سيدى تيجى فى اللعب فى العداد الكيلو متر بمنعنى تلاقى عربية الكيلو متر عامل مثلا متوسط 70 ألف كبلو متر ولاكن بمجرد دخولك السيارة ومن اول نظرة تشعر ان السيارة متهانة يعنى الطارة متهالكة وايضا مكان الفتيس والعلامات ممسوحة ومقبض الفتيس نفسه وحاجات أخرى مينفعش تدارى وسهل اكتشافها ولاكن دائما احنا بقول اكيد صاحب العربية مهمل علشان احنا دائما بتتوفر فينا حسن النية والله يا أخى مينفعش مع التجار ولن اعمم بس عمتا مينفعش حسن النية ولازم الاول وانا أسف وانا بقولها سوء النية
ليه والله كمان مرة ومن خلال لفى ودورانى والمرمطة اقدر اقول لك اللعب فى الكيلو متر على ودنو والنصيبة الموضوع ده دلوقتى مبيكلفش اكثر من 75 جنيه وعلى ما اتذكر الأسم واحد اسمه كوستا فى الحرفيين حسبنا الله ونعم الوكيل
وكمان فى معرض او تاجر يفضل ربطك ومعشمك ان فى عربية قدامه زيرو ويمشورك ويوم واثنين وتلاته وفى الأخر معلش اصل صاحب العربية سافر - جاى على اخر الأسبوع - جاى على أول الأسبوع - اعتقد المالك بيموت فى الآخر وده طبعا حتى الان مش قادر افهم بيحصل ليه واحنا طبعا بنصدق علشان الجعان بيحلم بسوق العيش
2 - موقع كونتكت ومش هكمل اسم الموقع طبعا علشان احترام الإدارة عمتا هو حتى اليوم من افضل واكبر المواقع انتشارا ومعظم الناس فى حالة البيع والشراء اول حاجة بتعملها هو الدخول على هذا الموقع
وبطبيعة الحال طبعا لم يسلم هذا الموقع من جشع التجار والمعارض
طيب تصدق الموضوع ده والله حصل معايا بالضبط سيارة سيفك بترولى 2009 - 73ألف كيلو شوفتها فى معرض فى مصر الجديدة - وبعدين على الموقع - وبعدين فى سوق الجمعة الكلام ده تقريبا استمر حوالى اسبوعين ولم تباع العربية والأسعار مرة 125 ألف ومرة 120 ألف ومرة اخيرة 115 ألف والله يا أخى هى هى السيارة ونسيت اقول لك واقسم بالله العظيم فى المعرض الكلام ان العربية مفيش قلم بوية وفى السوق رشة اكصدام وجنب كامل وعلى ما اعتقد على الموقع السيارة طبعا فبريكا السيارة دية على فكرة كان فيها توكيل واحد و مرورها مرور اسماعيلية وطبعا مفيش صيانة بالتوكيل
والله الموضوع ده اتكرر بس بشكل مختلف شوية
وكمان فى ناس للأسف الشديد بتتسلى يعنى واحد بيعرض سيارته للبيع وميكنش عنده الجديه فى البيع وبرضو يقول لك اصل انا مسافر لما ارجع
السيارة فبريكا ومفيش أى خرابيش وطبعا الكلام ده مغاير للواقع تماما
وكمان الموضوع ده كثير وه عند سؤالك لصاحب الاعلان العربية فيها توكيلات على طول يقولك ورقة واحدة اصلها بتاعت صاحبى ولا إبن خالتى وهو مسافر
انا اسف استرسلت فى الحديث والموضوع طول بس حبيت انقل خبرتى ليك علشان تحذر من الغير
طيب انا وضعت المشاكل وسردتها ومفيش حل
طبعا الحل موجود وسهل برضو
افضل الاختيارات هتيجى من موقع كونتكت تفتح عليه اكثر وقت ممكن وكل شوية تعيد التحميل علشان تظهر ليك احدث الإعلانات
اهم حاجة تسأل فيها
حضرتك المالك الأول - السيارة فيها توكيلات - السيارة فيها بوية أو خرابيش - عداد الكيلو متر - واخيرا واهم حاجة دفتر او فواتير الصيانة
و كده يبقى انت عملت كل ما عليك والباقى على اللع صبحانه وتعالى
وربنا يوفقك إلى ما هو فيه خير لك

[Moratoz]

إحنا عاملين نتكلم عن سوء التجار وسوق السيارات طيب الواحد لما يحب يشتري عربيه وشاق الناس المعرف وملهاش عندهم طلبه يعمل إيه
المهم الواحد ياخد باله من المواضيع التي ذكرت في الموضوع وفعلا مفيش ثقة الواحد لازم يكشف عند حد هوا مجربه وعرف شغله لان كثر من التجار ليبقوا مظبتين مع البنزينه القريبة منه وهوا هيقولك تعالي نكشف فيها وطبعا قريبه وتوافق ولكن دا شغلهم وبيحطوا لعمال البنزيه الفلوس في الدواسه وطبعا العربيه تطلع زي الفل وجميله بس يطلع لك كام حاجة كدة ملهاش لازمه متوقفش البيعه
متسترخص في العربيه وهات الحاله النظيفة ولو أغلي الف والفين بس والله العظيم بتريح كتير انا قبل الثور كنت بشتري العربيات بتاع تي من السوق وكنت طبعا بجبها غاليه بس الحمد لله مفيش عربيه قصرت معايا غير مرة واحدة ضحكوا عليا فيها واشتريت العربيه فابريكة برة وجوة وكانت رشه جانبين بس كانت كويسه
توخي الحذر والكشف الجيد وعدم الكسوف اهم خطوات الشراء بالأضافة الي عدم الاعتراف بالكلام مصدق به