أسعار العربيات هتقل الفتره اللى جايه؟؟؟؟

[a_leithy]

سلام عليكم يا جماعه:

أنا سمعت أخبار إن الجمارك على العربيات هتقل الفتره اللى جايه و نتيجه لكده الأسعار هتقل (حد عنده الخبر اليقين فى الموضوع ده)

و كمان بالنسبه للعربيات قبل 1987 حقيقى هتتمنع فى قانون المرور الجديد.

مشكورين لو أفدتونى فى الموضوعين عشان أنا عايز أخد قرار أشترى عربيه الفتره ده و لا أصبر شويه.

[lolly136]

m3tkedsh enohom 7yr7'aso

[mmsamy]

هذه اشاعة مطلعها تجار السيارات وبالذات اللى بيبيعوا فورى عشان يشتروا السيارة بسعر قليل ويبعوها بسعر عالى وانا اعرف ان التاجر لازم يكسب بين الفين واربعة آلاف جنيه فى السيارة ومفيش حاجة بترخص الا احنا يا حضرات والقديم سعره فيه لأن عضمه جامد عن الجديد اللى فى السوق

[amir]

القديم سعره فيه لأن عضمه جامد عن الجديد اللى فى السوق

باشا ايهما افضل ليك لا قدر الله طبعا
1- تعمل حادثه و تتطلع سليم و تخسر العربيه
2-تعمل نفس الحادثه بس العربيه نوعا ما سليمه و انت و اعز الناس عندك يا اما عاهه مستديمه او وفاه

طبعا انا قلت لاقدر الله و ربنا يعفينا كلنا بس مبدء حضرتك قديم و يعتمد علي اراء جيل التمانينيات و علوم و هندسه السيارات اتجهت من فتره ليست بالقصيره للتضحيه بجسم العربيه في مقابل حمايه الركاب و علم التصادم اثبت ان استخدام طاقه الاصطدام في ثني الاجزاء المختلفه بيقلل لمدي كبير الطاقه المتجهه الي الكابينه ده غير ان الكابينه نفسها مصممه بنقط انهيار و دي اللي زي ما الاسم بيوحي بتنهار مساهمه في توجيه طاقه التصادم الي اماكن اخري غير كابينه الركاب

فبعد كل ده مينفعش ببساطه نقول ان القديم عضم و الجديد ورق اللهم الا من ناحيه الصاج الخارجي و مقاومته للجلوس عليه و ده في المحروسه فقط

[hazem_khidr]

ما اعتقدش ان دا حيحصل كلها اشاعات

[ahmedkafas]

كلها اشاعات لا اساس لها من الصحة

[blazer]

بس اعتقد فى تخفيضات فعليه بدايه من عام 2010 ودا اتكتب فى جريده الاهرام ملحق السيارات اخر عدد

[mohamed ibiza]

محدش عارف حاجة بلدنا بلد مستقبلها غامض و مبهم

[shankosi]

لو تم تفعيل اتفاقية أغادير وسمحوا باستيراد سيارات من المغرب رينو وبيجو وستروين ممكن السوق ينزل شوية لأن العربيات دي مش حيكون عليها جمرك

والله أعلم

[samehafez]

العربيات التاكسي اللي هتتحول ملاكي .... لما تنزل السوق هتنزل من سعر عربيات معينة ...بس عموما ده هيكون علي الموديلات القديمة اللي القانون زحلقها

[ZIMOFOX]

نرجع ونقول
الشارع المصرى اصبح لا يسع من يسيروا على اقدامهم من المشاه
الشعب بيدوس على رجل بعضهم البعض
ازاى نعطيهم الفرصة لشراء سيارات
هيه البلد مش ناقصه
ولو هذا حصل فعلا
والجمارك قلت
لتطبيق اتفاقيات او ما شابه عشان الدول متزعلش من بعض
تفتكر اكيد هيطلع علينا فى الترخيص والضريبة

صح!!!!

[zizophone]

باشا ايهما افضل ليك لا قدر الله طبعا
1- تعمل حادثه و تتطلع سليم و تخسر العربيه
2-تعمل نفس الحادثه بس العربيه نوعا ما سليمه و انت و اعز الناس عندك يا اما عاهه مستديمه او وفاه

طبعا انا قلت لاقدر الله و ربنا يعفينا كلنا بس مبدء حضرتك قديم و يعتمد علي اراء جيل التمانينيات و علوم و هندسه السيارات اتجهت من فتره ليست بالقصيره للتضحيه بجسم العربيه في مقابل حمايه الركاب و علم التصادم اثبت ان استخدام طاقه الاصطدام في ثني الاجزاء المختلفه بيقلل لمدي كبير الطاقه المتجهه الي الكابينه ده غير ان الكابينه نفسها مصممه بنقط انهيار و دي اللي زي ما الاسم بيوحي بتنهار مساهمه في توجيه طاقه التصادم الي اماكن اخري غير كابينه الركاب

فبعد كل ده مينفعش ببساطه نقول ان القديم عضم و الجديد ورق اللهم الا من ناحيه الصاج الخارجي و مقاومته للجلوس عليه و ده في المحروسه فقط

والله العظيم رئيك دة على راسي يباشا من فوق .وانا متفق معاك 100 في 100

[sherif Anton]

اسعار كل حاجة هترخص في مصر (كل حاجة مش العربيات بس) والانخفاض بدأ فعلا في سلع وخامات كتيير منها الحديد النهارده نزل سعره الى 3900 جنية للطن بعد ما كان وصل ل 8000 جنيه للطن.

http://www10.0zz0.com/2008/10/25/18/668199165.jpg

[zizophone]

محدش عارف حاجة بلدنا بلد مستقبلها غامض و مبهم

أنا عاجبني الرد دة موووووووووووووووووووووووووووووت