تسعيير السيارات المستعملة الجزء الخامس

[mahmoud_dev]

السلام عليكم استاذ شريف

محتاج تسعير سياره تويوتا ياريس 2007 اعلي فئه (اسبويلر 2 ايرباج 4 زجاج-abs ebd) عامله 95,000 كيلو
اللون نبيتي-كامله اوتوماتيك - (سقف وشنطة وكبوت فبريكة)رشه جنبين فقط-لا يوجد بها اي تجاريح تماما


وشكرا جزيلا

[msaad701]

ا/ شريف ، بعد التحية
أرجو تقدير سعر هذه السيارة
ماركة السيارة هيونداي
طراز السيارة ماتركس
موديل السيارة 2005
سعة المحرك ال سي سي 1600
الفتيس : أوتوماتيك
حالة الدهان الداخلي والاساسيات والدواخل :فابريقة
الكابوت والشنطة والابواب اصلية فابريكة
حالة الدهان الخارجي : رشة اجزاء (الباب الخلفي يمين والرفرف الخلفي يمين ) والاكسدام الخلفي هو الأصلي بس ملحوم أجزاء صغيرة منه وحالة الدهان بها تجاريح او خرابيش خفيفة
عداد الكيلومتر: 179000
كماليات السيارة : زجاج وسنتر وإنذار ومرايات و 4وحدات رفع : فرش راقي (علياء للفرش ) يحتاج غسيل فقط ، ورف خلفي أصلي .
حالة الموتور والميكانيكا :جيدة جدا
حالة الكهرباءجيدة جدا
حالة الصالون ممتازة
حالة الكاوتش : عامل 20000 (هانكوك)
حالة الزجاج : كله سليم
الحالة العامة للسيارة : قد تحتاج مصاريف رش نظافة فقط

[roffa1]

كوروﻻ 2007 1600

الرجاء تسعير كوروﻻ 2007 1600 اوتو شامبين الفئه الاولى من غير جنط وﻻ اسبويلر وﻻ abs ايرباج واحده جنط 14 عامله 80000 كم. متركبلها سى دي تشانجر 6 اسطوانات تيوتا اصلى فوق الكاسيت و متركبلها فوجات ديبو . فابريقه بره و جوه بس فى قصه لازم اقولها علشان مشعارف هتفرق فى التقييم وﻻ لأ... من حوالى 3 شهور كنت رايح الشغل على الطريق الزراعى وطلعلى فجأه حمار فخبطه . صحيح الخبطه كانت شديده و لكن ماأثرتش على العربيه لدرجه انى رجعت بيها البيت سايقا لمسافة 40كم . العربيه ماحدفتش يمين وﻻ شمال وﻻ حتى التاره لفت وﻻ اتغير وضعها . كمان التكييف كان شغال عادى و لكن انا طفيته علشان المروحه اتكبست .مفيش نقطة ميه نزلت من العربيه. المهم كل اصحابى اشاروا عليا انى اوديها التوكيل فى ابو رواش تيوتا ايجبت. رحت حملتها على ونش وسلمتها فى تويوتا ايجبت بابو رواش . المهم قعدت عندهم شهرين علشان بعض قطع الغيار ماكانتش متوفره . المهم غيروا الآتى اكصدام امامى. فوانيس اماميه .كبوت .زجاج امامى .سدر العربيه .سربنتينه تكييف. رادياتير .مروحه كامله. الرفرفين .بطاريه جديده. المهم مفيش حاجه فى الحوض اترشت . يعنى كله شيل و حط بمسامير .بعد كده استلم العربيه ماشاء الله تتحط فى اجنص . وكل التجار اللى شافوها اعجبوا جدا بالمصنعيه وبالذات الرش .وبالمره عملتلها صيانة ال80 الف كم . كل الزيوت اتغيرت و السيور و الفلاتر كله اتغير .علشان صيانة ال80 اكبر صيانه فى العربيه
ملحوظه :الحاله العامه للعربيه ممتازه باستثناء بعض الخرابيش البسيطه فى الاكصدام الخلفى

[sunnawy]

استاذ / شريف بعد اذننك كنت عاوز اعرف العربيه دى تعمل كام ؟؟؟
نيسان صنى مو 2009 اخر الشكل القديم اوتوماتيك ex saloon
موتور 1600 c.c ماشيه 108 الف كيلو
فابريكه بره و جوه ماعدا اكصادامين بس راشين نضافه
مش محتاجه مصاريف نهائى
حاله الكهرباء ممتازه
حاله الصالون ممتازه
حاله الكاوتش جيده جدا
حاله الزجاج ممتازه
حاله السياره عامه ممتازه

[gellish]

السلام عليكم استاذ شريف

ارجو معرفة سعر السوق لسيارة باسات 2011 (الشكل القديم) b6 السيارة توب لاين 1400 تيربو
ماشية 36 الف كيلو فابريكه كلها بها جميع الكماليات

و ألف شكر

[yacb]

ارجو تسعير سيارتى للاهمية

هيونداى فيرنا 2012
مانيوال فول اوبشن ( زجاج كهربا - سنترلوك - انذار ) زجاج غامق على الرخصة
فابريقة بالكامل عدا ( الرفرف مرشوش و صعب حد يجبها)
و الاصطدام الخلفى محتاج رشة للنظافة ( مطرح الركنات )
عاملة 13000 كيلومتر
الاستبن لم يلمس الارض
مش محتاجة اى مصاريف خالص
موتور و عفشه كلوا حاله ممتازه

[haythamolwan]

فورد فوكس استيشن 2008 الشكل الجديد , عداد 132 الف كيلو ,, فابريكه دواخل ,, رشه بره اجزاء مش كل العربيه ,, الدهان الخارجى نضيف مش محتاج سمكره او دهان ,, الصالون الداخلى نضيف جدا بس في زرارين ممسوحين فى التكييف التاتش ,, الكوتش حالته كويسه ,, العربيه اوتوماتيك فتحة سقف كراسى جلد مالتي فانكشن مثبت سرعه سخان كراسى بلوتوث

برجاء تسعير المواصفات دى

[gozo]

كل سنه و انت طيب يا استاذ شريف

ياريت لو تتكرم وتساعدني في تسعير عربيه

ماركة السيارة اسبيرانزا
طراز السيارة تيجو
موديل السيارة 2010
سعة المحرك ال سي سي 2000
الفتيس : أوتوماتيك
حالة الدهان الداخلي والاساسيات والدواخل :فابريقة
الكابوت والشنطة والابواب اصلية فابريكة
حالة الدهان الخارجي :فبريكة
عداد الكيلومتر: 23000
كماليات السيارة : اعلى فئة
السيارة في المجمل تعتبر زيرو
ياريت تفيدني بسعر محايد ليها وتنصحني بالشراء ولا ابعد عن التيجو؟

[Martin5555]

أستاذ شريف محتاج ضروري وسريعاً مساعدة حضرتك في تسعير عربية
تريوس موديل 2000
1300 سي سي
مانيوال
فابريكة بره وجوه
اللون اسود
الكيلومترات 120 ألف كم

[kan]

ارجو تسعير السياره
ماركة السيارة هيونداي
طراز السيارة النترا الشكل القديم
موديل السيارة 2011
سعة المحرك ال سي سي 1600
الفتيس : أوتوماتيك
حالة الدهان الداخلي والاساسيات والدواخل :فابريقة
الكابوت والشنطة والابواب اصلية فابريكة
حالة الدهان الخارجي : خربشه بسيطه في الاكصدام
عداد الكيلومتر: 22000 k.m
حالة الموتور والميكانيكا :جيدة جدا
حالة الكهرباءجيدة جدا
حالة الصالون ممتازة
حالة الزجاج : كله سليم
حاله الفرش : جيد جدا فرش جلد و فرش ارضيات بالكامل بلاستيك
الصيانه : في الوكاله
اللون : الباتنجاني
السياره اول فئه اتوماتيك مع فتحه سقف
السياره من غير airbag , foglight , gps

[ENG. H@NI]

اوتوماتيك

السلام عليكم استاذ شريف
بعد متابعتي لحضرتك و قريت الجزىء الرابع و الخامس
و المجهود العظيم و النصائح السديدة احب اشكر حضرتك
عاوز عربية اوتوماتيك في حدود 60 الف علي اعتبار ان دي اول عربية
و ايه راي حضرتك في الانسر بومة اوتو من 2003-2006
1300 و تكون في حدود كام
شكرا مقدما

[sherifowahba]

الف شكر يا استاذ شريف على الرد
بس حضرتك استبعدت البولو والسيينا ليه؟؟
وراى حضرتك اخلينى فى البرايد ولا الاكسيل افضل ومين احسن وافضل فى الكماليات
ولو قدامى ويرا مفكرش فيها ولا لوحاله نضيفه ممكن ....ولا هيا فيها مشاكل فى العربيه نفسها
واخر حاجه ياريت حضرتك تقولى اسعار البرايد وموديلتها تبدا من سعر كام الى كام ونفس الكلام للاكسيل وايه افضل

اولا لاشكر علي واجب
البولو و السيننا استبعدتهم علشان اخترتلك اكثر السيارات انتشارا لقطع الغيار
الافضل في الكماليات الاكسيل من البرايد
الويرا ذي ما ذكرت لحضرتك عنها من قبل هي افضل من الاكسيل و البرايد لكن قطع الغيار و اعاده البيع مشكلتها و ان كان هذا غيير مؤثر مع حضرتك يبقه بالتاكيد هتكون اختيار افضل مما سبق
البرايد العصفوره من رينج ال ٢٦ الي رينج ال ٣٥ الف
البرايد السيدان من رينج ال ٢٨ الي رينج ال ٤٠ الف للاوتوماتيك المكيفه الفابريقه
الاكسيل من رينج ال ٢٧ الف لل ١٣٠٠ الي رينج ال ٣٦ الف لل ١٥٠٠ الفابريقه
و في هذه السيارات معيار الحاله و النظافه في الاستخدام هما الي بيحددو سعرها اكثر من الموديل

[sherifowahba]

السلام عليكم

استاذ شريف ياريت تقولى سعر العربية دى ايه

- اكسنت rb موديل 2012 ماشية 38 الف اوتوماتيك وكيل تانى يد
- العربية هاىلاين الاقبل الاخيرة كاملة فتحة سقف بدون abs اوتوماتيك و كيل باقى من الضمان سنة
- فبريكة بالكامل بس فيها خبطة فى العتبة و خبطة صغيرة فى حرف الكابوت و الاكسيدام الامامى شكله مش حلو مبهدل
- كشاف امامى كسور محتاج تغيير
و بعض الخربيش متهيالى الموضوع كله ممكن يتلم باقل من 5000 جم

يريت تقولى سعرها على حالتها كدة و سعرها بعد مالحجات الفيها تتلم و اى وضع افضل ليها فى البيع

شكرا

تعمل ١٠٣ الف و رايي البيع علي ذلك افضل من انها يتدهن فيها اجزاء هتكون دفع فلوس و قله في قيمتها لكن الفانوس هو الي ممكن يتغير بواحد اوريجينال

[falcon44]

اولا لاشكر علي واجب
البولو و السيننا استبعدتهم علشان اخترتلك اكثر السيارات انتشارا لقطع الغيار
الافضل في الكماليات الاكسيل من البرايد
الويرا ذي ما ذكرت لحضرتك عنها من قبل هي افضل من الاكسيل و البرايد لكن قطع الغيار و اعاده البيع مشكلتها و ان كان هذا غيير مؤثر مع حضرتك يبقه بالتاكيد هتكون اختيار افضل مما سبق
البرايد العصفوره من رينج ال ٢٦ الي رينج ال ٣٥ الف
البرايد السيدان من رينج ال ٢٨ الي رينج ال ٤٠ الف للاوتوماتيك المكيفه الفابريقه
الاكسيل من رينج ال ٢٧ الف لل ١٣٠٠ الي رينج ال ٣٦ الف لل ١٥٠٠ الفابريقه
و في هذه السيارات معيار الحاله و النظافه في الاستخدام هما الي بيحددو سعرها اكثر من الموديل

الف شكر يا استاذ شريف
معلش انا طولت عليك فى الاسئله بس حضرتك عندك خبره كبيره ولازم استفاد من كلام حضرتك
معنى كلام حضرتك انى لو معايا دلوقتى 30 الف تنصحنى باكسيل او برايد عصفوره؟؟
ياريت يا استاذ شريف تدلنى لو فى حالتى ومعاك المبلغ ده تجيب ايه فيهم ؟؟
انا بحب البرايد اوى وسوقتها قبل كده ومريحه لكن الاكسيل اوسع طبعا وسيدان لكن تقريبا اسمع انها خفيفه اوى بعد ال100 واسمع ان عفشتها وحشه والمساعدين برضو
ياريت تدلنى اعمل ايه يا استاذ شريف فى العربيتين وايه احسنهم ومزايا وعيوب كل عربيه والاهم من ده كله تقولى رايك ايه ﻻنى همشى عليه وتعرفنى يا استاذ شريف المبلغ ده يجيبلى حاله وموديل وكماليات عربيه ايه وشكرا جزيلا ليك

[ramyelkably]

برجاء المساعده في تسعير سيراتو 2010 وكيل

ماركة السيارة: كيا
طراز السيارة : سيراتو
موديل السيارة: 2010 ُْex وكيل
سعة المحرك ال سي سي 1600
حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية ام لا فابريكه بالكامل
حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا: خرابيش لا تستدعي الدهان فابريكه بالكامل
عداد الكيلومتر :120000
كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا: كل الكماليات ما عدا زر التشغيل او فتحه سقف ex وكيل
حالة الموتور والميكانيكا: ممتاز وجميع الصيانات بالوكيل
حالة الكهرباء : تم تغيير البطاريه الاصليه من ايام وتركيب انذار بالوكيل
حالة الصالون :الفرش الاصلي بحاله جيده جدا
حالة الكاوتش و الزجاج: كاوتش جديد عند عداد 120000 اربع فرد بريدجستون تورانزا ياباني 5000 جنيه والزجاج الامامي به نقر معالجه جيدا
الحالة العامة للسيارة وهل محتاجة مصاريف ام لا : لا حاجه لمصاريف