تسعيير السيارات المستعملة الجزء الخامس

[sherifowahba]

العربية اولا مش بتاعتي دي بتاعة واحد اعرفه كويس وسألني ع تمنها عشان عايز يبيع وقالي حالتها بالنص كده

جولف a6 2011 اسود عاملة 85000 كيلو فابريكه بره وجوه ماعدا رفرف امامي شمال وجزء بسيط ف الباب الشمال و جزء بسيط ف العتبه الشمال وده مش حادث ولا حاجه ده مره احتكاك ومرة بسبب حجر ف الطريق - العربية بسم الله ما شاء الله تحس انها زيرو من جوه وبره ومن حتا تحت لما رفعتها

معمولها سيرفس كااااااامل من شهر بس بره التوكيل في مركز الماني وكل حاجاتها الي اتغيرت الماني من سيور وفلاتر وحتا زيوت بتاعتها الفتيس 7 سرعات وكشفت عليه جوه التوكيل من اسبوع واتقالي من المهندس ان مفهوش اي حاجه والعربية مفهاش اي مشكلة وبحالة ممتازة وكوتشات جديدة من شهر بس


مميزات العربية

فتيس 7 سرعات ستيب ترونيك
مالتي فانكش ف الطارة باستقبال مكالمات
بور كهربي ناعم جدا
تكييف تلاجه
كاسيت تاتش عريض مالتي ميديا 6 اسطونات وبلوتوث وميموري كارد وفاتحة aux
8 سماعات بصوت نقي جدددددددددددا
كمبيوتر رحلات كااااامل لحاسب استهلاك البنزين في كل حركة للعربية واستهلاكها الثبات في الاستخدام داخل المدينة او ع طريق سريع وحاسب معدل الكيلوات بالبنزين المتوافر بالعربية وحساب السرعه ديجيتال ومتوسط السرعه بعد كل مشوار ودرجة حرارة الزيت والعربية وابوشن كتييير جدا في الكمبيوتر ده بس ده اللي انا بستخدمة
10 ايرباج
abs ebd esp asr للفرامل
ايمبوليزر للحماية من السرقه ( متشتغلش الا بمفتاحها بس ومينفعش تطلع عليه الا ف الشركة الام ف المانيا )
ايزوفكس لحماية الاطفال في الكنبة الخلفية
2 مفتاح بريموت
اشارات في المرايه
فوجات مع امكانية فتح الفوج اوتو يمين او شمال مع حركة الدركسيون سواء يمين او شمال لزيادة الاضاءة عند الملف
امكانية غلق السيارة من الخارج فقط
مريات كهربا وتسخين في حالة الضباب
تلاجه ف التابلوه بدرجة حرارة
امكانية غلق وفتح الايرباج
كيك داون في الدواسة للشد وكده
مسند وعلبة بين الكراسي وعلبة كوبايات
وتكييف خلفي
الشنطه بتفتح وتقفل مع السنتر زي اي باب وتفتح بالعلامة الخلفية
دوسات الجولف الاصليه
الكراسي جلد اسود
وفرش الارضيه بجلد اسود للحماية
امكانية رفع وخفض الكرسي الامامي وتعديله
امكانية تعديل الدركسيون في جميع الاتجاهات ( فوق وتحت وامام وخلف )
العربية ثبااااااات ع السرعات معرووووف عن الالماني وبخاصة الجولف لانها رياضيه
والعفشة سبورت
الجنوط 15 بطاسات مفهاش خدش

العربية بحالتها دي كده تساوي كام ؟؟

142 الف

[sherifowahba]

استفسار لصديق فى العمل
شيفروليه افيو
2008
1500 cc مانوال من غير كماليات
84000 كم
رشة خوارج ماعدا السقف
دواخل فابريقة
حالة الموتور جيدة والميكانيكا جيدة والصالون جيد جدا
فى اعتقادى تحتاج 2000 جنيه مصاريف اخرى دهان خرابيش وتظبيط بسيط

من غير كماليات قصد حضرتك هاف اوبشن و لا قصد حضرتك بدوون كماليات خالص و لا التكييف

[sherifowahba]

السلام عليكم
لو تسمح يا أستاذ شريف برافو ١٥٠ حصان فابريكه بالكامل اعلي فءه تحتاج صيانه ال٦٠ الف موديل ٢٠١٠ بحاله ممتازه

تعمل ١١٠ الف

[sherifowahba]

السلام عليكم ورحمة الله وبركاته


لانسر 97 مغير شكلها كرستالة موتور 1500 مثبوت ع الرخصة استيترونيك تكييف باور سنتر 4 زجاج كرباء صالون ممتاز طقم سيور من 2000 كيلو و اربع كاوتشات مش كملوا 10000 كيلو ورخصة 3 سنوات ودهان خارجي زتيي جديد وعفشة مجددة بالكامل

فيها خبطة في الشنب مردودةع البارد

تعمل كام

وشكرا لكم

تعمل ٤٦ الف

[sherifowahba]

استاذ شريف محتاج مساعدة حضرتك

عربية ريجاتا مو86
فبريكة بره و جوه
موتور لم يتم فتحه و كانت مرفوعة 12 سنة تقريبا
صاحبها رجل كبير و هو اول يد لها و العربية بحالة عامة جيدة جدا
لونها احمر
تكييف شغال

حضرتك شايف سعرها يبقي كام (صاحبي بيقولي انه ممكن يجيبها علي 26 الف و كده دي تبقي لقطة)

خليك لحد ٢٥ الف باعتبارها بالحاله المذكوره و من الخارج لا تحتاج لدهان لكن ده اخرها لانها بره وجوه في الحاله الطبيعيه في رينج ال ٢٣ او ٢٤ الف

[sherifowahba]

برجاء تسعير نيسان بلوبيرد مو 2011
جميع الكماليات بصمة فرش جلد جنوط حساسات اول يد صيانة فى التوكيل فابريكة بالكامل

عداد 80 الف كم
لون سيلفر

وبرجاء النصيحه فى هذه السياره مميزات وعيوب
شكرا

تعمل ١٢٠ الف

[sherifowahba]

نيسان صنى 2008 سوبر صالون كامله اوتو
فابريكه داخل وخارج
70 الف كم
لون اسود
حاله جيده
شكرا

تعمل ٨٠ الف

[sherifowahba]

بسم الله الرحمن الرحيم

ارجو تسعير سيارة بالمواصفات التاليه

1- رينو
2- فلوانس
3- ماشية 10000 كيلو متر
4- موديل 2012
5- بحاله الزيرو
6- رخصة 3 سنوات
7- جميع الكماليات ما عدا فتحة السقف
8- بعض الخرابيش الصغيرة التى لا تحتاج لدهان
9- حاله الصالون الداخلى كالزيرو تماما

و لكم الشكر و الاحترام على اهتمامكم

تعمل ١٢٧ الف

[sherifowahba]

سوزوكى سويفت 94
عاملة 111 الف كيلو
مكيفة فبريكة دواخل
حلتها جيدة

تعمل ٣٠ الف باعتبارها بدوون مصارييف

[sherifowahba]

لو سمحت يا استاذ شريف فدامي عربية فيات بونتو كلاسيك 2011 1300 سي سي فابريقة برا و جوا مش رشة الصالون لية فرش جلد ماشية 72000 كيلو زجاج و كاوتش حالته كويسة سوف يتم الكشف على الموتور غدا ان شاء الله طالب فيها 55000...ارجو المساعدة هل السعر مناسب ام لا و هل هية اغضل و لا اى 10 2010 1300 سي سي ماشية 23000 بس لسة ماشوفتهاش

سعها مناسب طبقا للحاله لكن العداد كبير شويه
و هي افضل من الاي ١٠

[sherifowahba]

العربيه رايسر 1994 دواخل فابريكه سليمه جدا ونضيفه من بره كاوتش كويس 4 جنوط اسبور 4 زجاج كهربا مانيوال بطاريه جديده التكييف مفكوك وهيدهوني مع العربيه عشان كان بيعمر الموتور من 6 شهور موتورها صوته كويس وبيعرق ميه ن الشكمانصالونها جيد رخصه 2.5 سنه باسم المالك

ماتحتاجه
شرخ فى الزجاج الامامي ممكن يمشي عادي
شويه ترويق لزراير التابلوه
بيقوللي لاحظت ان الميه بتنقص اليومين دول فمش عارف ده ايه رادياتير ولا واخده هوا ولا وش سلندر علما باني فتحت القربه الميه مش بتعمل فقاعات

عايز اعرف ممكن ادفع فيها كام تبقي كويسه

انا رايخ اخلص معاه بكره باذن الله

٢٤ الف

[sherifowahba]

استاذ شريف مقدم علي شراء عربيه جيتا 2010 هاي ﻻين وكيل عامله 48000 ك
العربيه فريكه بره وجوه لكن فيها شوية تجريح من بره

العربيه ان شاء الله هكشف عليها في التوكيل او مركز خدمه لﻷطمئنان علي حالتها

صاحبها بيتكلم في 133 الف
ارجو النصيحه

ولكم جزيل الشكر

السعر مناسب جدا لان رينج سعرها ١٤٠ الف للحاله المذكوره
اكشف عليها جيدا وان كانت كذلك توكل علي الله فورا

[sherifowahba]

اولا/اود ان اشكرك سيادتكم على هذا المجهود الجبار الذى تقدمه الى كل الاعضاء مما يوفر عليهم الكثير من العناء واستغلال التجار جزاك الله كل خير على هذا المجهود
ماركه السياره /اوبل
طراز/استرا
موديل/2003
سعه المحرك/1600سىسى
حاله الدهان الداخلى /فبريكه
حاله الدهان الخارجى /رشه حزام اسفل السياره للنظافه ولاكن الكبود والسقف والشنطه فبريكه
الخرابيش لا تذكر ولا تحتاج لاى دهان
الكيلومترات/195000كيلومتر
كماليات السياره /فتيس اوتوماتيك -زجاج كهرباء -سنترلوك ووحده رفع وجهاز انذار-مرايات كهرباء -تكييف-طاره متحركه فى اربع اتجاهات-abs-خاصيه مانع الانزلاق-فتح الشنطه وغطاء البنزين من الريموت ومن الداخل -فوانيس شبوره امامى وواحد خلفى
حاله الموتور /جيده ولا يوجد بخره او نقص زيت واداء المكنه ممتاز
حاله الكهرباء /جيده ولا يوجد بها اى اعطال وكل الكماليات تعمل عدى النور الايمن الامامى لايتحرك النور الشمال يتحرك جيدا اما اليمين فبه عطل لا يتحرك
الصالون /بحاله متوسطه
الكاوتش والبطاريه /جديد
السياره لا تحتاج اى مصاريف

تعمل ٥٧ الف

[saso4]

استاذ شريف
عربية هيونداى اكسيل 1500 موديل 1994
فابريكة برة وجوا مفيهاش تكييف
فيها باور و 4 ازاز كهربا وانذار
موتور حالته جيدة
فرش منقر وهاجبلها كسوة
بصراحة معرفش ماشية قد ايه؟
الرخصة فيها سنة
صاحبها طالب 37 الف
ارجو تسعيرها

[cupid]

كده حضرتك لانسر ١٣٠٠ اوتوماتيك ٢٠٠٧ او اكسنت ٢٠٠٩ او ياريس ٢٠٠٧ افضلهم
لكن المهم الحاله و ان لم تقدر في ان تحصل علي حاله منها خليك في كسر الزيرو الفيرنا و اللوجان

رائيك وانا بدور اشوف حاجه العداد بتعها المفروض ميزدش عن كام