تسعيير السيارات المستعملة الجزء الخامس

[sherifowahba]

السلام عليكم ورحمة الله وبركاته
ازي حضرتك يا استاذ شريف
قدامي عربية اوبل فيكترا موديل 95 مانيوال 2000 سي سي جنوط اسبور فابريكه دواخل وراشه خوارج بالكامل وحالة الميكانيكا والعفشه ممتازين كاوتشات جديدة ( صاحب العربية مركبها من حوالي اقل من سنة ) الزجاج الامامي عايز يتغير والمرايتين مكسورين والاكصدامين عايزين يتغيرو والعربيه فيها تجاريح وعايزه وش نظافة الطابلوه مشقق بسيط فرش السقف متبهدل فعايز اعرف سعرها علي حالتها كده تساوي كام وممكن اصرف عليها كام وتبقي حالتها ممتازه .
وحاجه تانيه انا عربيتي بيجو 505 موديل 80 راشه خوارج ودواخل ماعدا الحوض عامل عمرة للموتور من حوالي سنة وحالة الموتور ممتازة وشادد العربية سمكرة ودوكو من سنة والعربية ما شاء الله حالتها ممتازة ميكانيكا وعفشة محتاجة تظبيط كهرباء ( صباع الاشارات وزرار الانتظار عايزين يتغيرو ) فبالحالة دي سعرها كام وهل تنصحني اني ابيع البيجو واشتري الاوبل علما باني من المنيا وطبعا حضرتك عارف شوارع الصعيد عامله ازاي وفي نفس الوقت بسافر القاهرة حوالي مرتين في الشهر فحضرتك تنصحني بايه . وعاجزين عن الشكر

الفيكترا تعمل ٣٠ الف
ال ٥٠٥ تعمل ٢٥ الف
ورايي لحضرتك و شوارع المنيا البيجو افضل

[sherifowahba]

استاذ شريف السلام عليكم
برجاء تسعير سيارة
دايو لانوس موديل 99
حالة جيدة
رشة بره جديدة وطالعة ولسه من الفرن ميتالك
2 زجاج كهرباء 2 مكنة رفع
فرش جلد والتابلوه حالته جيده
كاسيت المصنع
تكييف كويس
موتور حالته جيدا جدا
4 جنوط سبور
4 فرد تيوبلس
سنتر
العفشة سليمة حالتها جيدة
بطارية جافة جديدة
فوانيس شبورة شغالة
العربية حالة محترمة وعجباني
لون فضي ميتالك بس الرخصة فاضل فيها شهرين فقط هي باسم المالك مفيش توكيلات
ارجو الرد بسرعة لانها عجباني جدا
ولسياتك جزيل الشكر

تعمل ٤٢ الف

[sherifowahba]

السلام عليكم با باشا عايز رايك بما انك خبرة ادامى فوكاس 2009 هاى لاين بفتحة وفابريكة بالكامل وعداد 75000 جميع الصبانات حتى ال70 وكاوتش جديد مطلوب مهائى مش هينزل جنية 110000 ايه رايك السعر ده كويس انا حاسس انه عالى ومبالغ فية محتاج رابك ضرورى

السعر مناسب باعتبارها بدوون مصارييف و بدوون تجاريح

[sherifowahba]

من فضلكم تسعير السياره الاتيه
سياره كيا سيراتو سعودي
موديل 2010
العداد 8000 حاله الزيرو
البوهيه لا يوجد اي خرابيش اطلاقا وفابريكا من الاكصدام للاكصدام
الفئه بصمه سعودي وفتحته السقف لم تفتح لان ورق الزيرو عليها الون ابيض ولا يوجد في الرخصه توكيلات فابكم تقدر ولكم جزير الشكر

تعمل ١١٥ الف بالحاله المذكوره

[Amr ashraf]

حمد لله علي سلامك
تسعير فانتازيا ٢٠١١. الفءة الثانية. سودا ٣٢ الف كم فابريكا تعمل كام
و
كنت عاوز اعرف موضوع الإيجار أخباره ايه

اخيراً
والدي عاوز عربية في حدود ٢٥٠ الف.
ترشح انهو اهم حاجا ( اعادة البيع. الراحة. الوسع. توفر قطع الغيار. قلة الأعطال )

أوبل انسجنيا كسر زيرو
بيجو ٥٠٨ كسر زيرو
مرسيدس 240e موديلات ٢٠٠٥ او اقل ) تعمل كام
او بي ام 525 2009

[sherifowahba]

سياره شيفورليه اوبترا فابريكا بالكامل موديل 2010 العداد 60000
اوتو ولا تحتاج اي مصاريف وا شكرا

تعمل ٨٤ الف

[sherifowahba]

السلام عليكم ورحمة الله
استاذ شريف بعد اذنك محتاج اسعر العربية ديه عشان هدخلها في عربيتى وهاخد فرق هو صاحبها صديقي وعاوز فيها 38 الف وانا معايا ميجان 2006 بحالة الزيرو ومش راشه اي شئ خارجي خالص ولا فيها خرابيش حتى وكنت طالب فيها 70 الف نهائي يعني الفرق هيبقى 32 الف يهمني اعرف رأي حضرتك والعربيه :

متسوبيشي لانسر 93 بطه مانيوال كانت بتاعه دبلوماسي من الزيرو وصديقي الى اشتراها برضه دبلوماسي ومش بتستعمل كتير
عداد 123الف فعلى
صالون بحالة الزيرو بمعنى الكلمة
فرش الكراسي الفابريقة بحالته مفيش ولا قطع
حوض بحالة الزيرو كل حاجه فيه في مكانها ومش ملعوب فيها خالص والموتور بحالته تماماً
راشه بره ماعدا الكبوت والسقف والشنطه
حوض وقوايم وشنطه ودواخل فابريقة بإستثناء خبطه ورا الفانوس الخلفي يمين والعضم الى ورا الفانوس مردود على البارد
4 فرده كاوتش بريدجستون جديد
تكييف يعمل بكفاءة عاليه
عامله سرفيس موتور كامل ومغيره طقم دبرياج
العفشه مظبوطه ومفيش اصوات خبط خالص وناعمه في مشيها
بطاريه بقالها سنه
زجاج البواب اكر مش كهرباء ومفيش باور ولاكن الدركسيون كويس
وشكراً

سعر البطه مناسب لحالتها
بالنسبه للميجان هي اي فئه علشان اقدر احسب ثمنها و احسب الفرق

[sherifowahba]

شكرا مقدما استاذ شريف

*سوبر فيورا موديل 86
*دواخل فابريكة - رقم شاسيه كارتيره – رخصة سنتين فحص 2016
*موتور بحالة جيده جداً – طقم شمبر من 2 سنة
*كربراتير جديد ماركة ويبر اصلى – شهر 1 - 2014
*ريداتير البستانى نحاس 3 ماسورة+مروحه كاملة ايطالى
*موبينة انجليزى من 3 شهور – طقم كهرباء جديد من شهر
*طرمبة بنزين يوغسلافى من سنه
*جميع اجزاء الفبر فى الحوض (العمه-الهوايه) سليمه والهوايه معزوله حرارياً
*2كاوتش امامى جديد هانكوك من شهر 155/70/13 وخلفى 2 جى تى نفس المقاس-استبن مقاس اصلى لوضعه بالحوض
*الفرش الداخلى مجدد من 2 سنه وبحاله جيده جدا وسقف معدل باضاءة فانوس صالون فيرنا
*الفبر الخارجى والاكصدامات كلها سليمه وبحاله جيده والتابلوه بحاله ممتازه ومخادع وفرش الابواب كامل وبحاله جيده جدا

تعمل ١٥٥٠٠

[sherifowahba]

السلام عليكم
محتاج اسعر عربيتي بيجو 504 gr موديل 83 - تكيف زجاج كهرباء 4 ابواب دواخل فابريكه
لسه راشه خوارج
بالاضافه الى انه راكب فيها طقم اسبراتير اليكترونى الخاص ب 505
زينون عالى وواطى
كاوتش السنه اللى فاتت
و العربيه مش محتاجه مصاريف نهائى - تفتكر تعمل كام ؟؟

تعمل ٤٠ الف

[sherifowahba]

دايو لانوس 1999 تكييف + باور +كاسيت
اللون شامبين 1500cc مانيوال عداد 177000 كم انا المالك الاول ليها من الزيرو
فابريكة دواخل بالكامل ومن الخارج راشه بالكامل نظافه ومازال بحاله جيده (يوجد بها بعض الخرابيش) وتحتاج لرش اكصدامين فقط
جميع اجزاء الصاج هي بتاعه الفبريكه لم يتم تغيير اي ابواب او رفارف او كبوت
حالة الموتور جيده جدا
حالة العفشة : تحتاج تغيير 2 مساعد امامي
الكاوتش حالته ممتازة (2 جداد و 2 راكبين من سنه)
البطارية ممتازة (جافه راكبه من سنه)
فرش الفابريكة بحاله جيده جدا (كنت مركب عليه فرش من يوم ما جبتها ولسه شايله علشان البيع)
تكييف ممتاز
زجاج امامي كهرباء + سنتر (متركبين بمعرفتي )
الرخصة الي مارس 2015 باسمي

تعمل ٤١ الف

[sherifowahba]

استاذنا من فضلك مراجعة التفاصيل لسيارتي و تسعيرها و مشكور مقدما
تيدا ٢٠١٢ مكسيكي
1-ماركة السيارة : نيسان تيدا
2-الموديل/السنة : 2012
3-عدد الكيلومترات : 33000 تقريبا
4- نوع ناقل الحركة : أوتوماتيك
5-لون السيارة : ازرق
6-الكماليات كاسيت-تكييف-زجاج كهرباء-باور -.......
7-حالة الصاج او الخوارج : فابريكة مع بعض الخدوش لا تستدعي دهان
8-حالة الدواخل : فابريكة
9-حالة الصالون : ممتاز و معمول له فرش جلد امريكي عند جينز كار
10-الحالة العامة او التقييم العام للسيارة : ممتاز
11-حالة البطارية : ممتاز
12-حالة الكاوتش : ممتاز مع استبن جديد
13-تاريخ انتهاء الرخصة: يناير ٢٠١٥
14-اول يد
15-حالة الموتور : ممتازة
16- سعة المحرك اللترية : 1600
17-السيارة مرفوعة من مارس ٢٠١٣

هي اول فئه ولا هاي لاين

[sherifowahba]

أستاذ شريف ... ارجو تسعير هاتان السيارتان:
1- كيا بيكانتو أوتوماتيك موديل 2008 زجاج كهرباء ... فابريكه جوا و برا فيها خرابيش ... ماشيه 23 ألف كيلو
2- نيسان صنى أتوماتيك ex-salon موديل 2010 فابريكه جوا و برا فيها خرابيش و خبطتين بُساط فى الإكصدامين و ماشيه 23 ألف كيلو
مع جزيل الشكر

البيكانتو تعمل ٦٧ الف
الصني تعمل ٨٥ الف

[honhon]

الاستاذ المحترم شريف نشكرك على المجهود الرائع و برجاء التكرم بتسعيير هذه السيارة:
بيجو 405 موديل 1994 فابريكا دواخل رشة خارجى حديث
سنتر باور
مانيوال زجاج كهربا امامى
كاوتش جديد
رخصة سارية بأسم المالك
عاملة 290الف كم
حالة الموتور 80%
حالة الشاسية جيدة جدا لممتازة
اتمنى ان تكون المعلومات وافية لتحديد سعر السيارة و لكم جزيل الشكر
وهناك واحدة اخرى مواصافتها كالاتى:
بيجو 405 موديل 1994 فابريكا دواخل رشة خارجى حديث
تكييف سنتر انذار باور
شنطة وتانك كهربا
مانيوال زجاج عادى وليس كهربا
جنوط بيجو 407 من التوكيل
كاوتش جديد من التوكيل
نظام مانع سرقة ولايتم فتح السيارة الا بالماستر
رخصة سارية بأسم المالك
سماعات بايونيرخلفية
عاملة 180 الف كم
حالة الموتور 80%
كل صيانتها فى التوكيل
حالة الشاسية جيدة جدا لممتازة
و لكم جزيل الشكر

[sherifowahba]

ا/ شريف ، شكرا علي مجهودك الرائع،،،

برجاء تسعير سيارة رينو لوجان 2010 هاف أوبشن.
العداد 77000 كيلو ، الحالة العامة للسيارة ممتازة ويتم عمل جميع الصيانات فى التوكيل.
السيارة طبعا بها بعض الخدوش البسيطة ولاتحتاج لدهان وجميع الدواخل والخوارج فابريكة فيما عدا الزجاج الأمامى و الخلفى.
وجزاك الله خيرا،،،

تعمل ٥٢ الف

[sherifowahba]

السيد الفاضل استاذ شريف
ارجو المساعدة فى تسعير سيارتى وهى مواصفاتها كالاتى :
هيونداى جيتز
مانيوال
لون احمر
موديل 2010
120000 كم
راشة الجنبين والاكصدامين
صيانتها بالتوكيل ، تحتاج تغيير اسطوانة دبرياج
اشكرك على سرعة مساعدتك

تعمل ٦٤ الف