تسعيير السيارات المستعملة الجزء الخامس

[sherifowahba]

1-فانتازيا 2011 رمادى ماشية 52500 فبريكة برا وجواة ومفيهاش خربوش اول فئة وكيل هو طالب 165000 وفيها رخصة سنة
2-سكودا اوكتافيا فانتازيا مو2012 لون اسود فابريقة 19800جم الفئه الثانيه وكيل تكييف باور جنط اتوماتيك طارة مالتى مرايات ضم حالة الزيرو رخصه سنة طالب 169000 بس دة تاجر اية راى حضرتك

بالله عليك فدينى للضرورة

انا رديت لحضرتك علي 2012 و ال 2011 اخرها 157 الف

[sherifowahba]

تم الرد بفضل الله علي جميع المشاركات
اؤكد مرة اخري اعتذاري للتاخيير للجميع نظرا لظروف الثورة 30 و من قبلها لانشغالي و دخول شهر رمضان الكريم و عزوماته
فارجو معذرتي من الجميع و رجاء تقبل اعتذاري و في انتظار اي مشاركات تسعيير للفترة القادمة

[KABOKY_2010]

انا رديت لحضرتك علي 2012 و ال 2011 اخرها 157 الف

طب حضرتك ال 2011 تنفع على 160 ولا هتبقى غالية كدة

[morry]

هي رشة اي اجزاء برة و لا جوة
ارجو التوضيح

رشه كله ماعدا السقف وهيا على فكره مانيوال

[MoodyMooner]

تعمل 290 الف

أستاذ / شريف جزاك الله كل خير ...

الحقيقة أنا مستغرب جداً أنك حتى ما حطتيش رنج للسيارة أنت كتبت قول قاطع وفاصل بالسعر اللي مطلوب من المعرض في السيارة ... فما شاء الله عليك ...


بس أوعى تكون شريك في المعرض ده ولا حاجة :)

على العموم أنا بحاول أتناقش معاه و أن شاء الله ناوي أنزل شوية بس ما فيش شك أنك طمنتي أن ده سعر السوق و انه مش بيبالغ في السعر على فكرة هما معرض سمعته نضيفة ومبيوقفش عنده غير مرسيدس و bmw الحالات فقط يعني مش أى عربية تقف عنده ...

وأنا الحمد الله أخدتها توكيل مرسيدس في القطامية على الدايري والكشف ما طلعش فيها اى عيب كهرباء أو ميكانيكا أو أن فيه أى زرار معلق او بايظ ... ف أن شاء الله ناوي أخلص بالمناسبة هما بياخدوا في الكشف 1300 جنيه + الضريبة يعني دفعوني 1430 جنيه بس كان لابد من الكشف للأطمئنان.

تحياتي لشخصكم الكريم ،،،

[Medhat Bahgat]

السلام عليكم أستاذ شريف
نيسان تيدا 2011 هاتش باك , سوداء , الفئه الأولى مش الهاي لاين "بدون فتحه سقف", فبريكه بره و جوه , عداداها من 50 ألف ل 80 ألف ..... عايز أعرف تعملها كام علشان انا بدور على حاجه بالمواصفات ديه و ياريت لو حضرتك تعرف حد عنده السياره او معرض يقدر يشوفهالي توصلني به انا بدور عالعربيه ديه من شهر تقريبا .
و شكرا مقدما :)

رينج ال 95 الي 100 الف
و حاليا مش امامي لكن تابع معايا اعلانات صفحتي بالفيس

شكرا لحضرتك معلش لو 2009 و نفس المواصفات تعملها كام و ياريت رابط الصفحه علشان لو ظهرت ديه أو ديه أكون متابع .

[k_sedy]

هي فابريقة بالكامل برة وجوة

أيوا يا استاذي

[shams_kamaar]

كيا بيكانتو 2009 فبريكة دواخل وفي شوية احتكاكات بالخارج عادية من الركن عاملة 63000 كيلو لسه متغيرها الكوتشات كلها ولسه عاملة صيانة ال 60 الف ( ناقل اتوماتيك تكيف زجاج 2 كهربي كاسيت عادي ) سعرها كام ؟؟؟

[shams_kamaar]

كيا بيكانتو 2009 فبريكة دواخل وفي شوية احتكاكات بالخارج عادية من الركن عاملة 63000 كيلو لسه متغيرها الكوتشات كلها ولسه عاملة صيانة ال 60 الف ( ناقل اتوماتيك تكيف زجاج 2 كهربي كاسيت عادي ) سعرها كام ؟؟؟

في كمان شرخ بسيط اسفل الفانوي الايسر الخلفي بالرفرف محتاجة سمكرة بس

[gozo]

السلام عليكم
ياريت يا استاذ شريف لو تساعدني في تسعير عربية فورد فيستا 1300 موديل 2000
العربية فابريكه دواخل وراشة برة بالكامل نظافه و فيها 4 فرد كوتش جديد و بطاريه جديده
للاسف مش عارف ماشيه قد ايه بس المجمل مكنتش بتمشي كتير ولو ممكن رنج السعر على الاحنمالين لو ماشيه كتير او قليل
ولحضرتك كل الشكر مقدما

[pharaos80]

13500

شكرا لك أستاذ شريف
وفعلا أنا بعتها بالسعر ده

[احمد عصام]

تسعير

أستاذ شريف .. كل سنة وانته طيب

عربية بروتون جين 2 - 2008 بيضاء فبريكة برة وجوة بالكامل - اوتوماتيك وكاوتش كويس ومش محتاجة اي مصاريف وماشية 64000 كم ..

تعمل كام ؟

[p0o0p666]

سيراتو كوبيه ٢٠١٠

السلام عليكم
ازيك يا أستاذ شريف، كل عام وأنتم بخير، برجاء تسعير سيراتو كوبيه ٢٠١٠ الفتيس القديم هاى لاين، ماشية ٨٩٠٠٠ كيلومتر، لون اسود، راشة اكصدام ورفرف يمين خلفى، وبها خدوش بطول الجانبين وايضا كسر بالزجاج الامامى وفانوس خلفى يمين، الصالون بحالة جيدة، وجميع الكماليات تعمل بحالة جيدة، بها اربعة چنوت سبور ١٦ بدلا من ال ١٧ الاصلى، والاستبن چنط ١٦ حديد.

[hopeless20]

السلام عليكم

أستاذ شريف كل سنه وحضرتك طيب
ادامي عربيه ياريس 2008 اوتوماتيك سبويلر و4 زجاج كهرباء
فبريكا بره وجوه وحاله صالون ممتازه
ماشيه 80 الف كيلو

تعمل كام ؟!
انا بس مستعجل عشان هخلص فيها بكره الصبح
هو طالب 85 وهيعمل صيانه ال 80 الف
بس انا وصلتها ل 80 ومش عارف كده كويس ولا لا

[karimmagdy50]

السلام عليكم
رجاء تسعير 128 مو1987
1300 cc
5 غيار
فبريكة حوض وقوايم سليمة والشنطة رشة
الماتور حالته كويسة
الصالون جيد
الكاوتش وبطارية جيد
محتاجة شغل فى الكبالن