لو سمحتوا محتاج بجد نصحيتكم

[jacopian]

السلام عليكم ورحمة الله وبركاته
لو سمحتوا محتاج بجد نصحيتكم
انا بصراحة معايا 45 الف
من وجهة نظر خبراء الموقع والاخوة الاعضاء
ممكن يشتروا عربيه نوعها ايه وموديلها ومواصفتها وكام كيلو والحالة العامة ليها
اتمنى الرد منكم
وجزاكم الله خيرا

------------------
العربيات المقترحه في بالي
دايو
لانسر
هيوانداي
-----------------

[kyrillos]

بص يا باشا الناس فى مصر معظمهم بيحبوا الكورى عشان قطع غيار متوافرة وكتير وسهل جدا فى اعادة البيع
بس أنا رأيى يعنى أنت لو بتطلع على الدائرى مثلا أوطرق سريعة فعامل الأمان هايكون مهم لحضرتك
فممكن برضه تفكر فى حاجة المانى (ابيزا 1.4 2001) او فرنساوى (رينو كليو 2008 1.4)
لو كل تحركك جوا القاهرة, خليك بقى فى الكورى (لانوس - نوبيرا) - قطع غيار حنينة ومتوافرة
ده مجرد رأى يعنى

[jacopian]

تمام بس انا سمعت ان الرينو قطع غيارها غاليه وصيانتها كمان
وهل الرينو 2008 هتعمل 45 الف ولا اكتر؟
بس عموما انا تحركي جوا القاهره
ومرسى لذوقك

[Eng.Peter]

هات لانسر موديل 2001 اسمها يابانى
و سيارة ليها اسم فى السوق
و مع إحترامى لاختيار الكورى
يعنى لو حبيت تسافر هتأجر عربية؟
لو جالك مشوار فيه دائرى او محور هتعمل ايه؟

[kyrillos]

يا صاحبى أنا مش ميال للكورى أصلا
بس غالبية الناس فى مصر بتحبه, طبعا البديل اليابانى أو الاوروبى أفضل
لكن الكورى بيسافر وبيروح دائرى وكل حاجة زى الفل, بس عامل الأمان فيه أقل
ونصيحة من أخ لأى حد هايجيب مستعمل, حاول تجيب حاجة مصروف عليها (مش تعبانه - صاحبها راجل مش بخيل على العربيه) وتكون موديل قريب شوية, وياريت لو تكون تعرف صاحبها عشان يكون سهل عليك تعرف مواعيد تغيير القطع والصيانات وكان بيتعامل مع مين وهكذا

[tarekmomo]

فيكترا 97
لانسر كرسيتاله 99
نوبيرا 2001