جولف 4 بتاعتى لهواة التميز للبيع .. قول ماشاء الله

[mhoreya]

بسم الله الرحمن الرحيم

باذن الله انا ببيع عربيتى جولف 4 و الحالة شاذة جدا باذن الله ..

جولف 4 موديل 2000

ماتور 1400 سى سى وضع بلاده - فتيس مانيوال - زجاج كهرباء - سنتر -
وحده رفع - باور - تكييف تلاجة - عداد 113 الف كيلو -
فابريكة بالكامل من الاكصدام للاكصدام دواخل و خوارج - عفشة جديدة بالكامل -
سيور جديدة - جنط 17 تايوانى - كاوتشات كومهو 215/45 جديدة -
فوانيس امامية رينجات و عدسات اصلية - فوانيس خلفية ليدات بالكامل اصلية -
اضاءة زينون بالكامل شبورة و عالى وواطى -
كاسيت بايونير 8350 اصلى بالضمان بحالة رائعة - 6 سماعات بايونيير 450 وات دبل بيز -
سماعتين فى الباب الامامى - 2 جى ام مكبر صوت سونى اكسبلود 600 وات -
بازوكا 1000 وات جى بى ال + بازوكا 1400 وات بايونيير -
رخصة 3 سنين باسمى - سيتم بيع السيارة و معها فانوسين امامى اصلى
و فانوسين خلفى اصلى معدلين ليدات بشكل مختلف ..
السيارة لا يوجد بها اى خدوش او حكات او خبطات الحمد لله ..
ولا تحتاج لمليم صرف عليها ..
باذن الله سعر البيع 80 الف جنيه ..
رقم تليفونى .. 01002777532 - هشام حامد
صور السيارة :

[a7mous]

موفق فى البيع

[tananybasha]

ما شاء الله

[S O P H O S]

ما شاء الله
ربنا يوفقك فالبيع ..

[BODAAA]

عاملة كام كيلو ومكان المعاينة وهل السعر قابل للتفاوض
جاد جدا

[Dr/ P.K.Sh]

موفق أن شاء الله

[kar!m]

ما شاء الله .. ربنا يوفقك في البيع.

[mhoreya]

عاملة كام كيلو ومكان المعاينة وهل السعر قابل للتفاوض
جاد جدا

عاملة 113 الف كيلو .. مكان المعاينة هو المنصورة - حى الجامعة - السعر قابل للتفاوض البسيط جدا جدا لان حالة العربية متسمحش انى افرط فىها بسهولة الحمد لله .

[ahmedhilmy]

موفق ان شاء الله

[ahkahkahk]

ماشاء الله
ان شاء الله توفق في البيع

[omar-saad]

ربنا يوفقك فى البيع ياباشا
بس العربية راشة

[mhoreya]

ربنا يوفقك فى البيع ياباشا
بس العربية راشة

تعالا اتفضل بص عليها وانا هوريك الفليتتو الاصلى بتاع بلادها ..
ولو طلعت راشة حاجة زى منتا بتقول هبيعهالك ببلاش
ومعلومة ليك العربية مش بتتعرف راشة او لاء من لصور .. لازم تكون قدامك فى عز النهار علشان تعرف كويس ..
بس على العموم انا بشكرك على المرور ومنتظرك فى اى وقت تتفضل تبص عليها علشان تتأكد بنفسك انها سليمة بره و جوه بالكامل
تحياتى

[omar-saad]

تعالا اتفضل بص عليها وانا هوريك الفليتتو الاصلى بتاع بلادها ..
ولو طلعت راشة حاجة زى منتا بتقول هبيعهالك ببلاش
ومعلومة ليك العربية مش بتتعرف راشة او لاء من لصور .. لازم تكون قدامك فى عز النهار علشان تعرف كويس ..
بس على العموم انا بشكرك على المرور ومنتظرك فى اى وقت تتفضل تبص عليها علشان تتأكد بنفسك انها سليمة بره و جوه بالكامل
تحياتى

تمام ياباشا
بس من المعروف ان طول عمر الجولف
بتنزل ببكتات ومقابض ومرايات سودة
مش بلون العربية
وبعدين العربية بقالها 13 سنة
وبتلمع اوى كدة
اكيد اى حد فاهم يستغرب بصراحة

[mhoreya]

تمام ياباشا
بس من المعروف ان طول عمر الجولف
بتنزل ببكتات ومقابض ومرايات سودة
مش بلون العربية
وبعدين العربية بقالها 13 سنة
وبتلمع اوى كدة
اكيد اى حد فاهم يستغرب بصراحة

حلو اوى الكلام ده انتا راجل فاهم ما شاء الله ..
فعلا كلامك صح هيه نازلة بلون المرايات اسود و المقابض بتاعت الابواب سودا و الجرايد كلها سوده ..
وانا فعلا رشيتها علشان اللون الاسود كان قافل لون العربية اللامع ..
لكن مش معنى انى رشيت مقبض باب و مرايتين و 4 باكتات انى رشيت العربية !!!!!
انا بكلم ان العربية سليمة اكصدامات و رفارف و ابواب و سقف وهوه ده المطلوب اثباته
لكن رش المقابض و المرايات مش حاجة يعنى !!
وكمان العربية بتلمع الحمد لله علشان انا محافظ عليها و لسه ملمعها جديد من شهرين علشان فرح اخويا ..
و الحمد لله عربيتى سليمة كليا و مش فارقة معايا انى رشيت مرايتين و جرايد و مقابض الباب ..
شكرا على مرورك .

[ahmad--ezzat]

عربيه شكلها ممتاز ماشاء الله

بس السعار عالي شويتين