كيا ريو الجديدة 2013 للبيع

[الجنرال]

السلام عليكم ورحمة الله

انا عندي عربية كيا ريو 2013 الشكل الجديد... العربية كسر زيرو وجديدة والحمد لله مفيهاش خدش ولا اى حاجة اطلاقا

سبب البيع بصراحة انى تعبت من عفشتها الناشفة بالذات انى بشتغل فى المعادي وبمشي على الدائري يوميا من اول ما اطلع من البيت لحد لما ارجع بليل بعد الشغل .. فبحس بكل حاجة على الارض وده تعبنى جدا .. اضافة الى ان قدامي فرصة اجيب فورد فوكس هاي لاين موديل 2011.

الفئة: مانيوال هاتشباك
اللون: موكا
العداد: 7800 كيلومتر
مدة الاستعمال: رخصت العربية فى نوفمبر 2012 (يعنى استعمال 3 شهور بالضبط)
الحالة: زيرو .. مفيش فيها اي حاجة الحمد لله
اضافات: انا مركبلها لمبات جديدة للفوانيس الامامية وكتاوت علشان تقوية الاضاءة
شروط خاصة: الدفع كاش علشان اقدر افك حظر البيع وانقل العربية باسم المشتري
السعر: 106 الف (شامل وثيقة التأمين الشامل على العربية اللى هيتنهي فى شهر 11 الجاي)

شكرا

[egyptiaaan]

لو هتنزل في السعر انا شاري بس ورينا صور

[الجنرال]

انزل لكام يعنى؟

[Land_Cruiser]

موفق فى البيع بس حضرتك جربت تضبط ضغط الهواء فى الإطارات؟

[egyptiaaan]

انزل لكام يعنى؟

لو 91 انا هاجي اديك الفلوس بكرة

[الجنرال]

لا قليل قوي .. انا هخليها احسن بصراحة

[dr.hazem]

موفق فى البيع بس حضرتك جربت تضبط ضغط الهواء فى الإطارات؟

+1
ممكن لما اشتريتها كانت منفوهه زيادة عن اللزوم....
تحياتي

Sent from my SE Arc S using Forum Runner

[speed_magnum]

بالتوفيق بإذن الله
العربيه تعتبر زيرو وإعاده بيعها كويسه ومطلوبه وسعرها ما ينزلش كتير لو ما جابتش السعر اللي انت عاوزه ما تبيعش واتمتع بيها وخد خيرها

[الجنرال]

متشكر جدا ليكو بجد .. انا فعلا حاولت فى موضوع ضبط الاطارات ده وزبطتها ثلاث مرات عند ناس مختلفة ومنها مرة بالكمبيوتر .. لكن للاسف هيا طبيعتها كده

انا اخر محاولة ليها انى هنفخ الكاوتشات بالنيتروجين .. وربنا يسهل ونشوف

[MuhamedNabil]

هى جنوط سبور و لا حديد عادى و عليها تساط
لو الجنوط 16 و فوق العفشة بتبقى نشفة و بتخبط جامد.

[Eng.Peter]

بالتوفيق فى البيع

[الجنرال]

ميرسي يا بيتر .. الجنوط حديد وعليها طاسات

ربنا يسهل نشوف موضوع النيتروجين ده

[Hossam_hassan4]

ياريت يا جماعه لو حد عارف طريقه او حاجه تخلي العفشه انعم !! يعني مثلا ضغط الهوا في الكاوتش الحاجات دي

[amrrashed]

حرام تبيع وتخسر والعربية لسة زيرو تعاااااايش

[Eng.Peter]

اضبط الهواء كما مكتوب على القايم بتاع السيارة يعنى فى اللانسر ضغط الكاوتش الأمامى يختلف عن الخلفى
و خليه نيتروجين
و طبعا لما تروح تعمل صيانة خليهم يربطوا العفشة كويس و إسألهم على حل لمشكلتك