جولف 4 موديل 2004 للبيع

[nafea]

انا معروض عليا جولف 4 موديل 2004 ... العربيه فابريكا من جوه ورشه جنبين فيها المكنه 1800 ستوك والراجل قالي انها مواصفات اوروبي وبتنزل من غير تكييف...هل الكلام ده صح ولا ايه ..بس هو بيقول انه ركبلها تكييف ب 3500 ..العربيه فيها جنوط 17 وطالب فيها 69000 ...يا ريت تيفيدوني لان العربيه بصراحه عجباني وجميله

[svneleven]

شايف أنها تنزل 2000 أو 3000.

[blazer]

شوف متوسط الاسعار ,, حاسس انها غاليه وبلاش تجيب اى حاجه اعلى من 1600 دلوقتى ,, متعرفش البنزين هيعملوا فيه ايه

[nafea]

شكرا على مشاركتكم .... طب موضوع ان العربيه نازله بالمكنه 1800 من غير تكييف ده صح ولا الراجل بيشتغلنا ....هو بيقول انها مواصفات اوروبى

[3mr Farrag]

خد بالك لتطلع العربيه نصين
شغل الانصاص و الهجس ده بقي منه كتير
بالاخص لما تلاقي عربيه كماليات مختلفه

[mahmoud_anwar]

انا اعرف ان العربية الجولف 4 بتنزل 1600 و1400 وفي ناس بتسقط له ماتور 1800 بتاع الباسات
ولو عايز تكشف عليها ممكن اوصفلك ميكانيكي جولف نمرة واحد بجد حافظ كل مسمار في عربيات الفولكس

[mostafa mahmod]

شوف متوسط الاسعار ,, حاسس انها غاليه وبلاش تجيب اى حاجه اعلى من 1600 دلوقتى ,, متعرفش البنزين هيعملوا فيه ايه

+1

[nafea]

شكرايا جماعه علي ردكم..واللي فيه خير يقدمه ربنا
ا

[gamaladel]

الجولف ال 4 ال 1800 لافىئم automatic and sunroof و بالنسبة لموضوع التكيف دا الله اعلم بس لازم بتنزل بية

[M.Elgergawy]

اللانسر الكريستالة المواصفات الاوربي بتنزل بدون تكييف
فممكن بردوا الجولف نفس الكلام والله اعلم

[kempel]

السلام عليكم بخصوص الجولف اللى سعادتك بتتكلم عليها احسن حل ليها انك تكشف عليها كويس تجيب سمكرى محترف وترفع العربية وتشوف فيها لحامات من تحت (مغيره نص )او واخده اى دهانات من عند علب الشاسيه اللى بيقولوا عليها انها ضد البارومه لو لاقيت الكلام ده يبقى ماتلزمكشى وبعدها تقيس كبس الموتور تانى حاجه توديها لميكانيكى جولف محترم وانا ارشحلك سيد عبده فى شارع جسر السويس يشوف الموتور ويقولك على قطع غياره موجوده ولا لأه واعتقد ان الجولف ليها ارقام كود فى الحوض يوضح ان العربيه ديه 1800 ولا 1600 اوغير كده واعتقد سيد عبده عنده فكره عن الموضوع ده وتتاكد من كفاءة التكييف لانه مش فابريكه لو الحاجات ديه كلها سليمه والعربيه حالتها ممتازه وليها قطع غيار جديده مش استيراد وبس حاول تفاصل معاه من 65/67000 جنيه ماو افقشى غير ب69000 جنيه توكل على الله واشتريها لان السعر ده عليها مش كتير لو سليمه والله الموفق

[nafea]

السلام عليكم بخصوص الجولف اللى سعادتك بتتكلم عليها احسن حل ليها انك تكشف عليها كويس تجيب سمكرى محترف وترفع العربية وتشوف فيها لحامات من تحت (مغيره نص )او واخده اى دهانات من عند علب الشاسيه اللى بيقولوا عليها انها ضد البارومه لو لاقيت الكلام ده يبقى ماتلزمكشى وبعدها تقيس كبس الموتور تانى حاجه توديها لميكانيكى جولف محترم وانا ارشحلك سيد عبده فى شارع جسر السويس يشوف الموتور ويقولك على قطع غياره موجوده ولا لأه واعتقد ان الجولف ليها ارقام كود فى الحوض يوضح ان العربيه ديه 1800 ولا 1600 اوغير كده واعتقد سيد عبده عنده فكره عن الموضوع ده وتتاكد من كفاءة التكييف لانه مش فابريكه لو الحاجات ديه كلها سليمه والعربيه حالتها ممتازه وليها قطع غيار جديده مش استيراد وبس حاول تفاصل معاه من 65/67000 جنيه ماو افقشى غير ب69000 جنيه توكل على الله واشتريها لان السعر ده عليها مش كتير لو سليمه والله الموفق

شكراعلى ردك ... بس النقطه ان انا فى الغردقه مش فى القاهره .... رأى حضرتك انى اوديها التوكيل يكشف عليها ؟

[spiderman_fathy]

السلام عليكم يا اخواني
بص يا باشا الجولف 4 نزلت مصر نوعين مفيش تالت ليهم هي 1400 و 1600 لكن ال 1800 بتنزل اوربي وفي المكنه دي بيكون راكب تربو بس نصيحه مني ليك بلاش علشان لما بيتسقط هنا بيكون فيه مشاكل كتير وكمان مش بتلاقي قطع الغيار بتاعتها ولو لقتها وده صدف بعدعذاب تلاقي البياع بيتنك عليك علشان عارف انك مش هتعرف تشتريها وكمان مش اي حد بيقدر يشتغل فيها علشان بيكون فيها مشاكل كتير ...... من الاخر بلاش علشان واحد صاحبي اشتري عربيه ال1800 واللهي اتبهدل اخر بهدله فيه مع ان العربيه كانت شكلها تحفه لكن لو لقيت 1400 او 1600 يبقي تمام تمام واشتري وانت متطمن

[Eng.Peter]

متابع بس من كلام الأعضاء بلاش