عربية فى حدود 70 الف؟؟؟؟

[galilioglal]

السلام عليكم كنت عايز نصيحتكم يا جماعة ....... عايز اشترى عربيية فى حدود 70 الف

غير الدايو او الفيرنا :]

ملحوظة بس دة اول عربية اشتريها

و شكرا

[Hmatchy]

زيرو ولا مستعمل؟

[galilioglal]

مستعمل

[Hmatchy]

أعتقد افضل اختيار فى الرنج ده ممكن يكون صنى الشكل القديم او ياريس بس راجع الزملاء لأنى مليش خبرة فى اسعار المستعمل

[amrelsaqqa]

نيسان صنى او ياريس او ماتريكس او نيو اكسنت او اوبترا

[S O P H O S]

فعلا صني او ياريس
والله اعلم ..

[galilioglal]

شكرا على ردودكم جميعا بس اة رأيكم فى جولف4 ؟؟؟؟

[amrelsha3er]

زيرو مفيش
مستعمل فى كتير
تويوتا ياريس لانسر بومه جين2 اوكتافياa4 بورا
حسب انت عاوز ايه وسواقتك ازاى وايه اهم حاجه بالنسبالك فى العربيه

[amrelsaqqa]

جولف 4 طبعا عربية محترمة جدا
اساسا كنت هقولك اوكتافيا a4 وجولف 4 بس قلت بما انها اول عربية ليك يبقى خليك في اليابانى والكورى
انما لو غاوى الالمانى طبعا العربيات دى مفيش بعدها بس تكون فاهم شوية وانت بتشتري العربية اويبقى معاك حد فاهم كويس جدا وتكشف على العربيات دي في التوكيل لأن العربيات دى لو متهانة هتكرهك في نفسك ومصاريف صيانتها غالية شوية والفتي فيها كتير

انما تفكيرك ده صح جدا ، توكل على الله وربنا معاك

[ahmedteam]

خليك فى اليابانى او الكورى لو دى اول عربيه ليك

[galilioglal]

شكرا على اهتمامكم جميعا بس انا عندى دلوئتى 18 سنة فالصنى و a4 بحسهم عربيات عائلية اكتر منها شبابية ..... يمكن احسن حاجة حد قالها لغاية دلوئتى هى اللانسر بومة

[motoxp]

ايه رايك فى اللانترا 2006 و الياريس و البومه و النيو النترا و الجين تو و الاوبترا

كل دول عربيات كويسه و شبابى جدا

[m000dy]

بى ام دبليو موديلات تسعينات ( الدبانه )

[oriented]

افيو اوتوماتيك 2010 او لانسر بومة 1300 2007 او ياريس اوتوماتيك 2007او كورولا 1300 2003 وما حولها لو لاقيتها

[ايمن محمود محمد ابراهيم]

جيب شيروكى