سؤالين بخصوص بيع عربيه فى الشهر العقارى...

[hossam_elwani]

سؤالين بخصوص بيع عربيه فى الشهر العقارى...

سؤالى الاول معايا عربيه ملك ورثه وانا من ضمن الورثه وكلهم عاملين ليا توكيلات بيع وتجديد وتعامل مع المرور وخلافه بس التوكيلات دى معموله بالارقام بتاعت اللوحات القديمه مش الجديده بس مذكور فيها شاسيه وموتور تمام .. ودلوقتى انا ببيع العربيه

السؤال هل الشهر العقارى حياخد بيهم؟؟ ويتمم البيع ولا حيتلكك عن جزئية الارقام لان الرخصه حاليا بلارقام الجديده ؟؟

السؤال التانى هل البطاقه المنتهيه يعنى الى عدى عليها 7 سنوات من تاريخ الاصدار الشهر العقارى بيتعامل بيها ولا لا ... ولابد من تجديدها؟؟


ياريت يكون الاجابات من واقع تجارب فعليه

تحياتى وتقديرى للجميع

[hossam_elwani]

فى الانتظار

[aboamr]

حضرتك محتاج تستخرج شهادة بيانات كمبيوتر من وحدة المرور التابع لها السياره وهى خاصه بالشهر العقارى يعنى لازم تقولهم كدا فى المرور ودى فيها كافة بيانات العربيه
لازم البطاقه تكون سارية المفعول .....لو خالصه يوم مش حيعملك حاجه
اى خدمه

[aboamr]

نسيت اقول حضرتك تاخد التوكيلات القديمه معاك والمشترى الجديد بصفتك بائع ووكيل عن البائعين والاخر بصفته الشارى

[hossam_elwani]

حضرتك محتاج تستخرج شهادة بيانات كمبيوتر من وحدة المرور التابع لها السياره وهى خاصه بالشهر العقارى يعنى لازم تقولهم كدا فى المرور ودى فيها كافة بيانات العربيه
لازم البطاقه تكون سارية المفعول .....لو خالصه يوم مش حيعملك حاجه
اى خدمه

ماهو السؤال هل المرور حيرضى يدينى شهادة بيانات فيها الرقم القديم للوحات بلاضافه للجديد ؟؟

[tananybasha]

هتجيب شهادة بيانات باصل اللوحات

[hossam_elwani]

هتجيب شهادة بيانات باصل اللوحات

شكرا جزيلا ... حشوف حيحصل ايه بكره وحرد عليكم

[Eng.Peter]

متابع

[hossam_elwani]

النهادره هو يوم الغضب بالنسبه لى

رحت المرور الساعه 9 وقدمت طلب للحصول على شهادة بيانات ورغم انى بقالى 10 سنوات بجدد بالوكاله عن الورثه واعمل اى حاجه فى المرور بناء عن التوكيلات منهم جميعا والمرفقه فى الملف الا ان الموظف المختص والمراجع ورئيس الوحده كلهم رفضو انهم يدونى شهادة بيانات للشهر العقارى الا بعد حضور كل الورثه قدامهم بحجة انى ممكن ابيع العربيه فى الشهر العقارى مع نفسى وبالتعاون مع موظف فى الشهر العقارى !!!!!!!!!!!!!!!!!!!!!!!!!

قال يعنى كده هما ساعتها حيبقو تحت المسئوليه ههههههههههه يادماغى

ضاربين عرض الحائط بنص القانون الذى يلزمهم بأعطائى شهادة بيانات حين طلبها بشكل رسمى وخصوصا انى احد الورثه ولى الربع فى العربيه

وبذلك مفيش قدامى غير انى اجدد على قديمو بأسم الورثه كالعاده وبعدين ابيع فى الشهر العقارى بس ليا سؤالين

الاول انا طبعا حجدد وادفع ضريبه هل لو تم بيع العربيه فى اليوم التالى للتجديد بعقد مسجل بأسم الشارى هل ساعتها حيدفع هو ضريبه تانى عن نفس السنه المجدده ؟؟

الثانى انا اصلا رخصتى منتهيه فى 2012/5 هل لو اخدت شهادة بيانات حاليا حدفع ضريبه عن ماسبق فقط من تاريخ انتهاء الرخصه الى الان ولا حدفع ما سبق وسنه اضافيه وهى من 2013 الى 2014 كأنى حجدد بالزبط ؟؟

على فكره ان بسألكم عشان استفيد من خبراتكم لان كل الموظفين فى المرور بطيخ بيقولو كلام ويرجعو فيه تانى

فى انتظار الاجابه وتحياتى للجميع

[aboamr]

النهادره هو يوم الغضب بالنسبه لى

رحت المرور الساعه 9 وقدمت طلب للحصول على شهادة بيانات ورغم انى بقالى 10 سنوات بجدد بالوكاله عن الورثه واعمل اى حاجه فى المرور بناء عن التوكيلات منهم جميعا والمرفقه فى الملف الا ان الموظف المختص والمراجع ورئيس الوحده كلهم رفضو انهم يدونى شهادة بيانات للشهر العقارى الا بعد حضور كل الورثه قدامهم بحجة انى ممكن ابيع العربيه فى الشهر العقارى مع نفسى وبالتعاون مع موظف فى الشهر العقارى !!!!!!!!!!!!!!!!!!!!!!!!!

قال يعنى كده هما ساعتها حيبقو تحت المسئوليه ههههههههههه يادماغى

ضاربين عرض الحائط بنص القانون الذى يلزمهم بأعطائى شهادة بيانات حين طلبها بشكل رسمى وخصوصا انى احد الورثه ولى الربع فى العربيه

وبذلك مفيش قدامى غير انى اجدد على قديمو بأسم الورثه كالعاده وبعدين ابيع فى الشهر العقارى بس ليا سؤالين

الاول انا طبعا حجدد وادفع ضريبه هل لو تم بيع العربيه فى اليوم التالى للتجديد بعقد مسجل بأسم الشارى هل ساعتها حيدفع هو ضريبه تانى عن نفس السنه المجدده ؟؟

الثانى انا اصلا رخصتى منتهيه فى 2012/5 هل لو اخدت شهادة بيانات حاليا حدفع ضريبه عن ماسبق فقط من تاريخ انتهاء الرخصه الى الان ولا حدفع ما سبق وسنه اضافيه وهى من 2013 الى 2014 كأنى حجدد بالزبط ؟؟

على فكره ان بسألكم عشان استفيد من خبراتكم لان كل الموظفين فى المرور بطيخ بيقولو كلام ويرجعو فيه تانى

فى انتظار الاجابه وتحياتى للجميع

طالما الرخصه منتهيه لازم يتم تجديددها سنه على الاقل ودفع المتاخر ........... وبالنسبه للمالك اذا قام بالشراء والتسجيل فى الشهر العقارى واراد تغيير رخصة العربيه باسمه فى المرور ......فمن حقه ان يكتفى بالتجديد المثبوت بالرخصه لمدة عام دون دفع رسوم او 3 سنوات ودفع رسوم عاميين اضافيين

[hossam_elwani]

تم الاتى لافادة الجميع

احضرت كل الورثه ورحنا المرور وطلعت شهاد بيانات من المرور للشهر العقارى ومكتوب فيها اللوحات القديمه والجديده ودفعت ضريبة سنه فقط من تاريخ انتهاء الرخصه السنه الى فاتت الى نفس الميعاد من السنه دى وسجلت فى الشهر العقارى مباشراً

وشكرا للجميع ولكل من افاد