نوبيرا 97 استيشن

[hema_hn]

ممكن اعرف عيوب العربية دى
مع العلم ان انا محتاج الاستيشن بدل ما ادخل فى بيجو 7 راكب او لادا استيشن
قلت دى احلى وتقضى الغرض
هى الرخصة مكتوب عليها لا يقودها الا صاحبها ومجهزة طبيا وكلام صاحب العربية انه فك الحظر بدليل انه حيعملى توكيل قيادة وبيع ليا وللغير وبيقلى عشان اطمن اسجلها باسمى على طول وافحص وهما حيشيلو مجهزة طبيا ولا يقودها الا مالكها
الكلام ده سليم يا اهل الخبرة

[mahmoudysf]

عربية ممتازة وفيها كل اللي انت عايزة
وانا شايف ان العربية دي الوحيدة اللي قيمتها اعلى من سعرها
بالنسبة للحظر المفروض يكون معاه جواب من الجمارك بيفيد بفك الحظر

[أبو يوسف]

اهم حاجة فى الموضوع جواب فك الحظر , ولازم يكون مختوم
وياريت تقولنا سعر العربية كام

[hema_hn]

عربية ممتازة وفيها كل اللي انت عايزة
وانا شايف ان العربية دي الوحيدة اللي قيمتها اعلى من سعرها
بالنسبة للحظر المفروض يكون معاه جواب من الجمارك بيفيد بفك الحظر

اولا شكرا لاهتمامك انا فعلا حابب العربية دى وجارى سؤاله على الجواب ده طيب هو لو عدى عليها الخمس سنين مش اتوماتيك الحظر بيتشال ولا لازم جواب

[hema_hn]

اهم حاجة فى الموضوع جواب فك الحظر , ولازم يكون مختوم
وياريت تقولنا سعر العربية كام

العربية صاحب العربية مدخلها من خمس سنوات وهل هو لو عدى عليها الخمس سنين بيتشال الحظر لوحده ولا لازم جواب من الجمارك العربية معروضة عليها 39 بس ربنا يسهل احاول انزل فيها هى مفهاش شغل خالص بس كنت عايز اعرف هما اخونا فى بورسعيد هما الى بيوضبو العربية قبل بيعها

[mahmoudysf]

لو العربية عدى عليها 5 سنين يبقى تمام مفيش مشكلة
لاكن جواب فك الحظر ضررررررررروري
مفيش حاجة اسمها بيتفك الحظر لوحدة
بيبقى فيه جوابين جواب بيروح المرور وجواب مع صاحب العربية

[hema_hn]

لو العربية عدى عليها 5 سنين يبقى تمام مفيش مشكلة
لاكن جواب فك الحظر ضررررررررروري
مفيش حاجة اسمها بيتفك الحظر لوحدة
بيبقى فيه جوابين جواب بيروح المرور وجواب مع صاحب العربية

شكرا لاهتمامك باشا
بما ان معاك نوبيرا
ايه موضوع انها بتجيب مساعدين وايه اخبارها معاك
واحب اعرف ايه رأيك فى العربية دى هى فعلا لزقة وصعب الخروج منها