إعـــــــلان

Collapse

.

,
See more
See less

احترس من التعامل مع هذه الشركة

Collapse
X
 
  • Filter
  • الوقت
  • Show
Clear All
new posts

  • احترس من التعامل مع هذه الشركة

    بسم الله الرحمن الرحيم
    في يوم اسود قررت اشتري سيارة بالتقسيط و الحمد لله اخترت السيارة وقررت امشي في الاجراءات.طبعا سألت المعرض عن اقل فائدة وجهني الي شركة (كونتاكت) وهنا كانت بداية المشاكل:
    1-بيروقراطية فظيعة في الاجراءات
    2-كل يوم يطلبوا اوراق جديدة وبالتالي بطئ شديد في الاجراءات
    3-لا يوجد اتصال ابدا بين الموظفين في هذه الشركة وكل ما تتكلم يرد عليك واحد شكل لا يعرف اي حاجة عن الموضوع. يعني من الاخر مفيش حد يمسك الموضوع من الاول للاخر
    4-اسهل حاجة عندهم التأجيل
    *والله العظيم انا استلمت السيارة الخميس الي فات و لحد الان مارخصتهاش علشان البيه(مندوب شركة كونتاكت) الي المفروض يروح ياخد ورق العربية من المعرض مكسل يروح و بعد زن علي دماغهم و مطوحة منهم راح النهارده وكدب عليا و قالي لم اخد الورق لانه مش جاهز مع ان المسؤل في المعرض حلف لي انه خد الورق فاتصلت بيه تاني اكتر من 10 مرات لا يرد عليا فكلمت مديره قالي حكلمه و ارد عليك وبعد شوية اتصلت بيه تاني اداني نمرة واحد تاني والتاني اداني نمرة واحد تالت لحد ما اتخنأت وقررت اني اكلم مدير الناس دي كلها و شرحتلو الموضوع قاللي حشوف الموضوع بنفسي وبعد شوية لقيت واحد من عندهم بيتصل بيا ويقولي ان ورق العربية عندهم فعلا وحيبعتو حد معايا المرور يوم الاحد!!!!
    بالله عليكم دي شركة حد يثق فيها وأقسم بالله العظيم ان دا كله حصل قلت من واجبي اني احذر اخواني .

  • #2
    والفائدة قد ايه ؟؟؟؟؟؟؟؟؟؟
    [SIGPIC][/SIGPIC]

    Comment


    • #3
      جزاك الله خيرا على التحذير.

      Comment


      • #4
        الفائدة 8.5% سنويا ثابتة وتقريبا هي دي الميزة الوحيدة مع انهم اتصلو بيا واعتذرو عن الخطأ بس فعلا انا اتخنأت واتبهدلت ولوحد عايزني اقوله عن الورق اللازم و الاجراءات علشان يسهل علي نفسه و يكسب وقت أنا في الخدمة

        Comment


        • #5
          ياجماعة مندبهم كان قاعد معايا وكنت حاسس انى قاعد مع النائب العام عندك ايه ملك اراضى عقارات

          قعد أضحك قلتله انا مقدم فى كلية الشرطة
          شر يف مانشستر

          Comment


          • #6
            المشاركة الأصلية كتبت بواسطة civilpharaoh مشاهدة المشاركة
            الفائدة 8.5% سنويا ثابتة وتقريبا هي دي الميزة الوحيدة مع انهم اتصلو بيا واعتذرو عن الخطأ بس فعلا انا اتخنأت واتبهدلت ولوحد عايزني اقوله عن الورق اللازم و الاجراءات علشان يسهل علي نفسه و يكسب وقت أنا في الخدمة
            هم فعلا اجراءتهم غبية قوي واحدة صحبتي افتكرت اني فعلا عندي مشكلة و حد بيحقق معايا...هم فعلا حالي 5500 واحد بيكلموك و ده كله ماشي و عاديناه بس ياريت حضرتك تقول لي هم اتعاقدوا معاك بالعقد القديم و اللا الجديد "يعني مفيش نسخة مفتاح و لا حظر بيع و لا فائدة في حالة التأخير"؟

            و كمان حضرتك عملت ايه في موضوع التوكيل؟

            Comment


            • #7
              شكراااااا للنصيحة الغالية
              هل تم التعاقد مع حضرتك بالعقد القديم ام الجديد يعنى مافيش نسخة مفتاح و لا حظر بيع و لا فائدة في حالة التأخير

              Comment


              • #8
                جزاك الله خيرا على التحذير.

                Comment


                • #9
                  seeika

                  مشكله والله العظيم الشركات ديه بتضحك علينا كل يوم فى الاعلانات قسط واستلم بصوره البطاقه والاستلام فورا وبعد كده اجرات معقده جدا

                  Comment


                  • #10
                    أنا إتعاملت مع شركة كونتكت و بصراحة الناس دى محترمة جدا و ماشوفتش حاجة وحشة منهم و إجراءتهم واضحة و ما بيضحكوش على الناس

                    Comment


                    • #11
                      في حاجة اسمها النيابة العامة

                      طالما معاك الورق اللي يثبت حقوقك.... اعمل محضر ومتستناش.....بس بكرر لو معاك االورق اللي يثبت حقوقك

                      وصدقني هما اللي هيجروه وراك......لانهن هيترعبوا لو اسم الشركة جاء في الجرايد
                      او المجلات

                      Comment


                      • #12
                        أحسن حاجة الكاش كاشاتك موجودة إشترى مش موجودة مفيش داعى للبص لفوق "على قد فلوسك هات عربيتك"
                        قسط = موت وخراب ديار
                        [CENTER][URL="http://www.facebook.com/pages/Opel-Vectra-B/118286498828"][sor2]http://badge.facebook.com/badge/118286498828.2713.630313105.png[/sor2][/URL]


                        [B][SIZE=4]لما نعيش فى تبات و نبات و نجيب صبيان و بنات إسمى هو الى هيخدوه منى و بس[/SIZE][/B]


                        [/CENTER]

                        Comment


                        • #13
                          المشاركة الأصلية كتبت بواسطة lancerevolution مشاهدة المشاركة
                          أحسن حاجة الكاش كاشاتك موجودة إشترى مش موجودة مفيش داعى للبص لفوق "على قد فلوسك هات عربيتك"
                          قسط = موت وخراب ديار
                          +++++++++++++++++++++++++++++++++
                          هو ده الكلام المظبوط
                          حملت دمى على كفى وما نكست اعلامى وصنت العشب فوق قبور اسلافى[SIGPIC][/SIGPIC]

                          Comment

                          Working...
                          X