استشاره تبديل النترا بسيراتو

[Medicalist]

انا يا جماعه معايا النترا 2010 كامله خليجى نبيتى راشه اكصدامين بس عامله 73 الف كيلو
فدامى سيراتو 2012 كامله فتحه سقف جنط 15 فابريكه بالكامل 42 الف كيلو
المفروض سعر الاتنين كام وادفع فرق كام ؟ز

[Land_Cruiser]

لابد ان حضرتك تكشف علي السيراتو دي كويس يا فندم لتحديد حالتها الحقيقيه و هي من وجهه نظري ماشيه كتير حبتين بالنسبه لاستهلاك سنه واحده (حوالي ٣٠٠٠ كم في الشهر) و لذلك يستحسن حضرتك تكشف عليها و كمان تطمن ان ورقها سليم و كمان يبقي كويس لو عرفت ايه السر في ان صاحبها عايز يبدلها بالنترا الشكل القديم اللي هي اقدم سنتين من عربيته و ماشيه كيلومتر اكتر و كمان خرجت من الضمان

[Medicalist]

فعلا يا باشا العداد كبير انا هبص عليها النهارده واشوف الدنيا فيها ايه
شكرا يا باشا

[Land_Cruiser]

فعلا يا باشا العداد كبير انا هبص عليها النهارده واشوف الدنيا فيها ايه
شكرا يا باشا

العفو يا فندم و ابقي طمننا و بالتوفيق لما فيه الخير

[Gamal.Eid]

السلام عليكم انا ارى ان الالنترا افضل كتير من السيراتو او الهيونداى عموما افضل من الكيا وكمان النترا خليجى خليك فى عربيتك افضل وانت عارف عنها كل حاجة احسن ما تجيب حاجة متعرفش خباياها ايه

[أبو_يوسف]

متهيألي برضه الالنترا افضل من السيراتو من حيث العفشة والدركسيون الكهرباء.. ومتهيألي أوسع شوية..

[Medicalist]

انا رجعت فى كلامى يا جماعه
هو بس الانترا حاسس انها بدات تصرف شويه
و الكاسيت باظ وعايزه كاسيت جديد
و الكاوتش برضه محتاج يتغير
فكنت بفكر المصاريف دى لو ادفعها فرق فى عربيه جديده شويه عنها
شكرا لردودكم الى خلتنى ارجع فى كلامى واحتفظ بالانترا

[أبو_يوسف]

اصرف على عربيتك احسن وهاتلاقي نتيجة كويسة
ومتفتكرش انك هاتشتري مستعمل ومتصرفش عليه..

[S O P H O S]

راي تفضل علي عربيتك افضل

[essa144]

الالنترا طبعا افضل و لو هتصرف عليها كمان

[AHMED1718]

3000 km كتير فالشهر؟!!!!!!!!
ليه اللي بيقول كده ساكن فين وشغله فين. .
ف القاهرة طبعا مش كتير ولا حاجة ...ىاتكلمو كلام منطفي يارجالة. .
وبعدين الالنترا مش احسن من السيراتو غير انها عفشتها انعم وده بالنسبالي عيب الالنترا بتميل جدا علي الملفات واخف من السيراتو. .ومشكلة الباور االي مبيفصلش ف السرعات ده كارثة..
وغير ده كله فرق موديل واوبشن وشكل..عمتن لصاحب الموضوع انتا اركب العربية وجربها ارتحت دوس مرتحتش ارجع ف كلامك