عاجل : أرجوا النصيحة شراء مستعمل ولا جديد قسط

[alsayedsabry]

السلام عليكم .... ارجوا النصيجة من الاخوة
محتاج عربية اتوماتيك معايا 55 الف ان شاء الله ....
هل اجيب مستعمل زى مثلا جن 2 عشان انا حببها فى حدود 60الف ..... ولا اجيب جديد زى لوجان اتوماتيك واريح دماغى من المستعمل وقرفه وتغيراته الجديد لو جيه هيجى تقسيط ...

[solly1979]

لو حضرتك مش من النوع الى بتغير كل سنتين ثلاته
ومش هتبيع قبل 5 سنين خليك فى الزيرو
المستعمل حتى لو نضيف بعد سنتين بالكتير هتبدا تقولك مصاريف ودة طبيعى

[khaled.elameer]

مفيش أحسن من الزيرو و ربنا يوفقك للى فيه الخير إن شاء الله

[Mohamed~Adel]

المهم ابعد عن اللوجان علشان الصاج بتاعها تعبان و العفشة تعبانة ... لو قدامك عربية مستعملة نضيفة يبقى احسن ... دى وجهة نظرى !! و ربنا يوفقك

[wahba87]

انا وجهة نظرى ابعد عن القسط و اركب على قد فلوسك

[Tettet]

في ظل حال البلد وسرقات السيارات هات عربية مستعملة على قدك افضل

[maheralsisi]

في ظل حال البلد وسرقات السيارات هات عربية مستعملة على قدك افضل

100%
بس احب اضيف انك ما تجيبش بفلوسك كلها اركن شوية على جنب المستعمل كده او كده هايصرف بس فى الاخر هاتلاقى نفسك راكب حاجة كويسة توازى الجديد (ان لم يكن اعلى و افضل ) بدون اقساط و لا مديونيات و ربنا يكرمك بقرشين كمان ساعتها ممكن تجيب حاجة افضل او زيرو كاش
ده رائي الشخصى و اسف ع الاطالة

[alsayedsabry]

جزاكم الله خيرا يا شبابا شكرا ع النصيحة

[Land_Cruiser]

الزيرو موجود في المعارض مش هيطير أما المستعمل فالموضوع يتوقف علي الحاله بتاعته و لذلك حضرتك ابدأ من الان البحث عن مستعمل او كسر زيرو مش متبهدل و لو لقيت يبقي خير و بركه أما لو ملقتش حاله حلوه يبقي تفكر في الزيرو

[S O P H O S]

لو لحضرتك دخل ثابت هات عربية قريبة من المبلغ
بحيث تدفع مبلغ قريب والباقي يكون مش كبير وتقسطه كده تخسر اقل
وتركب العربية الي تخترها وهتبقي جديدة واضمن
مجرد رأي ..

[egyptiandiver]

كسر زيرو...

[ahmedteam]

انا وجهة نظرى ابعد عن القسط و اركب على قد فلوسك

+1

[mohamedkandel]

دور علي حاجة مستعملة تكون نظيفة

[hossam_elwani]

استعمال يعنى تجيبها من حد تعرفه تمام المعرفه وعارف استخدامه وتاريخ العربيه معاه غير كده انسى حتلاقى كدب وغش للصبح

ولو مفيش ماسبق يبقى عليك وعلى الزيرو

دى وجهة نظرى

تحياتى