إسكورت 1999

[aliabdo]

فى الاسكندريه فورد اسكورت1300 فبريكا دوخل؛ عمره سمكره و بوهيه من 3 شهور ؛2 كوتش كومهو من اسبوع؛ دنجل كامل استيراد؛ عفشه اماميه و اسكترا و بور استيراد من 3 شهور؛دسك و اسطونه و اويل سيلات و جميع الفلاتر و الجوانات و البوجيهات لسه متغيره من شهر؛ العربيه اسكورت الشكل العادى بس انا مغير الكابوت و الاكصدامين و اللفوانيس للشكل الاروبى من اجل التغير مش اكتر ؛ التكيف انا خلعه و موجود عندى عشان ركبت مكانه البور؛ كاسيت كيا اصلى 2 دن؛ارضيه جلد و معمول عزل صوت و حراره بالكامل؛ العربيه معاه شويه قطع غيار سليمه كمان؛ السعر قابل للفصال البسيط بعد المعاينه العربيه مش محتاجه اى حاجه و البيع من اجل التغير مش اكتر
مطلوب 34000
01221317989
http://www........cars.com/usedcars_...?CarID=1181869

[sherif0333]

ياراجل 1300 من غير تكييف ب 34000
ده انا بايع ال 1600 باور اصلي وتكييف وحاله ممتازه ب 26500

[aliabdo]

من امتى بايع لو سمحت ؟؟؟
طيب انا بايع جين 2 2008 فبريكا اوتو من سنه ب 57 الف شوف دلوقتى تعمل كام و بعدين شوف الاسعار على النت الاول ؛ العربيه صرفه على اكتر من 40 الف

[aliabdo]

للعلم التكيف كله موجود انا شلت الكباس عشان اركب مكانه البور مش اكتر و كنت ناوى اعمل قاعده للبور لوحده و اركب الكباس
و بعدين حاله العربيه هى الى بتحكم السعر

[sherif0333]

ياباشا عربيه من كلامك ملعوب فيها وتعديلات ولحامات انا بتاعتي كانت باور اصلي لانها 1600 وتكييفها شغال
وبايعها مفيش من كام شهر

[sherif0333]

وبعدين لو بتبص على السوق فى واحده على مصر كار عندكو فى اسكندريه عامله 22000 وواحده هنا فى القاهره عامله 24000 سيبك من الناس اللى ضاحكه على نفسها وطالبه تلتينات والكلام ده محدش بيبيع بالاسعار دي
من الاخر كخبره فى الاسكورت لو زيرو اوى وكامله وموتور زيتك 1600 بتعمل 31000
1300 سيسي بتتكلم فى 25000 او 26000 يوم متبقي طلقه

[midnightman_74]

وبعدين لو بتبص على السوق فى واحده على مصر كار عندكو فى اسكندريه عامله 22000 وواحده هنا فى القاهره عامله 24000 سيبك من الناس اللى ضاحكه على نفسها وطالبه تلتينات والكلام ده محدش بيبيع بالاسعار دي
من الاخر كخبره فى الاسكورت لو زيرو اوى وكامله وموتور زيتك 1600 بتعمل 31000
1300 سيسي بتتكلم فى 25000 او 26000 يوم متبقي طلقه

الكلام دة كان زمان!!!

[aliabdo]

يا اخى حرام عليك انك تقول ملعوب فيها و لحمات و الكلام ده انت مشوفتش العربيه و الشغل الى معمول فيها عشان تقول الكلام ده و مش عشان انت بعت رخيص عايز الناس تخسر زيك العربيه وقفه على با كتر من 40 الف و انا مش بطلب اكتر من سعر السوق شوف الاسعار و اتفرج و انت تعرف

[aliabdo]

يا عم احنا فيها اديك 30 الف و هاتى عربيه من الى انت بتقول عليهم دول
معلش انا عايز اعرف الاسعار دى انت بتجيبها منين و العربيات دى انت شوفتها على الطبيعه ولا مجرد كلام و خلاص ؟؟؟

[aliabdo]

و مع كامل احترامى ليك انت مش بتشترى ليه بتبخس حاجه الناس و تبوظ سوقها ؟

[sherif0333]

وعلى ايه كل ده ربنا يوفقك فى البيع انا مش ببخس ولا حاجه انا بس بتضايق لما الاقي حد رافع السعر اوى ويقولك السوق باه كده
وعامه بيني وبينك السوق لما تبيع قوللى بعت بكام

[aliabdo]

للعم اتعرض فيها 30 و مرضيتش ابيع
اقولك على حاجه بسيطه بس قبل ما اشترى دى كنت حاجز رينو ستيب واى كانت ب 81 الف و اتاخرت و لغيت الحجز و اشتريت دى امبارح سئلت على نفس العربيه بقت ب 97 الف
اعتقد الموضوع كده واضح تمام

[sherif0333]

يا عم احنا فيها اديك 30 الف و هاتى عربيه من الى انت بتقول عليهم دول
معلش انا عايز اعرف الاسعار دى انت بتجيبها منين و العربيات دى انت شوفتها على الطبيعه ولا مجرد كلام و خلاص ؟؟؟

لو عايز ابعتلك نمره واحد لسه شايف عربيته امبارح ولسه قافل معاه حالا كان طالب 30000 وبخلص معاه على 27000

هى 99 1300 فابريكه بالكامل جوه تكييفها الاصلي شغال مش راكب ولا ملحمله قواعد سنتر انزار زجاجا كهربا امامي دوكو جديد عمره موتور وعفشه كامله
لو عايز نمرته ابعتهالك قوللي
ومتزعلش انى بقولك حقيقه السوق سيبك من الكلام السوق رفع والسوق ولع والكلام ده

[aliabdo]

يا استاذ للعم بس مش اكتر العربيه ولا ملحمه حاجه و لا موفق فيها حاجه يا ريت حضرتك تقرا بس المكتوب عن العربيه بالتفاصيل عشان تفهم الوضع

[sherif0333]

ماهو عشان التكييف يرجع يركب لازم يتعمله مكان ولا هيركب ازاى