الغاء الجمارك على السيارات اواخر العام

[mahamedaraby]

الغاء جمارك = الغاء الدعم

يعنى زى مالعضو قال farfora20082008

وتعليقي علي موضوع الجمارك :
الخامات اللي بينتج منها السيارات المجمعه في مصر مستورده من بره وعليها جمرك والعربيه الاجنبيه لما سعرها هيقل اكيد المصريه اللي اتلغي جمارك مكوناتها سعرها هيقل وده علي فكره مش في مصلحه المواطن ولا حاجه لانه الحكومه ساعتها هيكون عندها مبرر تشيل الدعم كاملا عن البنزيين وابقي قابلني بقي ياللي عندك عربيه وجايبها رخيصه من غير جمارك لو عرفت تمشيها خطوه لان ببساطه لما يكون سعر العربيه عندك نفس سعر العربيه في اوروبا مثلا فهيبقي سعر لتر البنزيين عندك نفس سعر البنزين هناك

هيبقى سعر البنزين ب 7 جنيه مثلا وابقى قبلنى لو حد فول او مون مش فارقه

[ENG\AHMED]

إنت متحامل زيادة عل منتج المحلي هو اه مش بالجودة المطلوبه لسة بس بيتحسن يعني دلوقتي بقى فيه شركات مصرية بتصدر بره مصر ومنتجاتها مش سيئة

جربت تشوف المنتجات اللى بتتصدر وتقارنها بالمنتجات المصنعة للاسنهلاك المحلى؟؟
بلاش الصناعة شوفت الخضار والفاكهة اللى بيتصدر شكلة ازاى واللى موجود فى السوق هنا شكلة ازاى !!!!!

[MEDO80]

?

انا ممكن ميكونشي لي خبره قوي في الكلام اللي من النوع ده ويمكن لما بسمع كلام زي ده وقد ايه الحكومه في وادي والمواظن في وادي وان الانسان المصري بقي ارخص من اي انسان او ح.... في العالم ده بيأكد شعار كنت عايز ارفعه في وجه الحكومه في احد الجرائد
""""""""" حد يشتري جنسيتي ؟؟؟؟؟ """""""""""""

يا ريت محدش يفهمني غلط وتعالوا نسأل تفسنا
من زمان قوي ومن قديم الازل والشعب المصري طالع عينه - مصر مصر تحيا مصر وناس تموت وانهار دماء تسال ولسه الفروقات بتوسع بين الحاكم والمحكوم
الشعب المصري عمل كتير لمصر " مصر الحكومه ولا مصر الارض مش عارف جاوبوا انتم "
كتن فيه اغنيه بتقول " متقولشي ايه اديتنا مصر - اقول هتدي ايه لمصر !!!" مش فاكر برضه المطربه كانت بتسأل ام بتستعجب

طبعا الاخوه هنا هيقولوا علي عميل او جاسوس او مش مصري
لا يا جماعه انا مصري بدليل اني بعرضها للبيع :) والموضوع مش اسعار عربيات وجمارك بس الموضوع اسعار افكار ومباديء - الموضوع اسعار حريات واحترام
قولي ايه اديتنا مصر ؟؟؟
قولي ايه اديتنا مصر !!!!!
عايزيني خاين؟ براحتكم بس ده حب لمصر مش خيانه
لما نشوف ان الهم الاكبر للحكومه اللعب باحلام الشعب وإلهائه في حته عيش وبوء ميه وحلم ليله الجمعه من الاسبوع للاسبوع وينسي هعمل ايه لابنه اللي هيجي نتيجه غلطه من المدام اللي نسيت تاخد وسيله تنظيم النسل ليله الجمعه .... يبقي لازم نسأل اديتنا ايه مصر
طب بلاش مصر " تعالوا نسأل اديتنا ايه الدول الاخري ؟؟؟؟؟؟ معونات ومساعدات لشعب كان في يوم من الايام بيأكل كل الخلق اللي فوق الارض
شجع صناعه بلدك !!!! شعار جميل بس لازم مش انسي ان المواطن المطحون اللي طالع عينه برده ده ينفع يسمي ب " صناعه بلدي " " مواطن ناسي نفسه " مواطن فاقد حلمه"
ايوه لازم مشتريش منتج بلدي طالما مش علي قد المستوي ولما الحكومه ذات المصلحه في جيب المواطن وما يدفعه مقابل اي سلعه تلاقي ان المواطن بدأ يشغل دماغه ويعلم الحكومه درس ان لازم يا ست حكومه تحترميني وتحترمي قدرتي علي التميز ما بين الجيد لي والغير جيد _ هتحاول الحكومه هانم تحسن من منتجها لانه بصراحه مش منتج مصري دا منتج حكومي بتعاون بين الحكومه ورؤس المال اللي برضه مش حسين بالمواطن اللي خيره علي صغيرهم قبل كبيرهم

ممكن يكون كلامي مالوش دعوه بالموضوع بس اهو قلت ابعبر شويه عن اللي جوايا

وتعليقي علي موضوع الجمارك :
الخامات اللي بينتج منها السيارات المجمعه في مصر مستورده من بره وعليها جمرك والعربيه الاجنبيه لما سعرها هيقل اكيد المصريه اللي اتلغي جمارك مكوناتها سعرها هيقل وده علي فكره مش في مصلحه المواطن ولا حاجه لانه الحكومه ساعتها هيكون عندها مبرر تشيل الدعم كاملا عن البنزيين وابقي قابلني بقي ياللي عندك عربيه وجايبها رخيصه من غير جمارك لو عرفت تمشيها خطوه لان ببساطه لما يكون سعر العربيه عندك نفس سعر العربيه في اوروبا مثلا فهيبقي سعر لتر البنزيين عندك نفس سعر البنزين هناك

ودوخيني يا لمونه

اتمني نقدر نتعامل مع منتج بلدنا كأنه منتج كلنا نساعد في تحسينه باننا نرفضه ونجبر صاحب المصنع تحسين انتاجه للنه مش هيقبل بانه يخسر مكانه في السوق مش باننا نساعده علي تماديه في عدم احترام قدره المواطن المصري علي التمييز
يا ريت كلنا نخلع النظارات الشمس عشان نعرف نميز بين اللون الابيض والرمادي

واتمني محدش يشتم :)

يشتم لية ؟ هوا الكلام الحق يزعل ؟
لو حد قال انك جاسوس او مش وطني زي ما انت بتقول يبقي انا كمان اتمني انا ابقي جاسوس معاك

[farfora20082008]

يا اخ Medo08 يسعدني انا وانت نكون نواه لشبكه جاسوسيه في حب مصر

بس اظن هيكون مقرها سجن ابو زعبل او يتعطفوا علينا ويدونا مكان في سجن المزرعه :)

[ahmedhilmy]

no waaaaaaaaaaaaaay

[MEDO80]

يا اخ Medo08 يسعدني انا وانت نكون نواه لشبكه جاسوسيه في حب مصر

بس اظن هيكون مقرها سجن ابو زعبل او يتعطفوا علينا ويدونا مكان في سجن المزرعه :)

يا ريت لو في السجن ربنا يستر و ما يبقاش مكان تاني احسن عندي حساسية من الطاقة الكهربائية
:)

[شاهين - بنز]

حتى لو مش هتتلغى دلوقت الحكومة مجبرة تلغيها سنة 2018 علشان اتفاقية الجات
يعنى كدة كدة هتتلغى غصب عنها بس امتة ؟؟؟ دة اللى مش عارفة
وبعدين الحكومة بتاعتنا بتعرف تشغل الجمجمة يعنى لما تلغى جمارك العربيات هتعوض الموضوع دة بحاجات تانية بردة
يعنى ممكن تخصخص النيل زى ما باعت الشواطىء

حتى لو لغت الجمارك حتعوضها بالضرايب ومحدش ساعتها حيحوشها

[fragilehear]

مفيش جمارك هتقل ولا اي حاجة من الكلام دة .... في واحد قالها حكمة قبل كدة ان الحاجة الوحيدة اللي بتقل في بلدك هي كرامة شعبة ...
وانا ناوي اغير عربيتي في الصيف دة ان شاء الله و مش هفكر في حوار الجمارك دة خالص عشان مش هيحصل ولو حصل هتلاقي فيه "ان" هتكسب اللي بالي بالك سبوبة قققققققققد كدة