خلااااااص دماغي هتضرب حد يساعدني يا جماعه

[bikabiko2020]

السلام عليكم ورحمة الله وبركاته

يا جماعه انا عايز مساعدتكم يا أهل الخبره .. دلوقتي عايز اجيب عربيه ومش عارف اجيب ايه انا حدودي 50000 أو 60000 جنيه ومش عارف اجيب ايه بالظبط .. عموما انا عايز عربيه ثابته وتكون عائليه موتورها قوي وإقتصاديه في البنزين
انا فكرت في الدايهاتسو ماتيريا
والبي واي دي

ومش شرط طبعا الأنواع دي

انا عايز رأيكو يا أهل الخبره

[flarevee]

ابعد عن البي واى دى السيارة بها عيب صناعة بتتقلب لوحدها على السرعات العالية و التوكيل بتاعها سيء للغاية

[abou-yahia]

السلام عليكم ورحمة الله وبركاته

يا جماعه انا عايز مساعدتكم يا أهل الخبره .. دلوقتي عايز اجيب عربيه ومش عارف اجيب ايه انا حدودي 50000 أو 60000 جنيه ومش عارف اجيب ايه بالظبط .. عموما انا عايز عربيه ثابته وتكون عائليه موتورها قوي وإقتصاديه في البنزين
انا فكرت في الدايهاتسو ماتيريا
والبي واي دي

ومش شرط طبعا الأنواع دي

انا عايز رأيكو يا أهل الخبره

عندك يا سيدي

بروتون واجا عربيه محترمه جدا

فيات لينيا الموتور 1400 العادي عربيه جميله جدا بس الموتور تقيل عليها لاكن مازالت عربيه محترم

افيو عربيه عائليه ومصاريف تشغيلها بسيطه

شوف احتياحاتك وعلي اساسها اختار

[buddha]

مبلغ 60.000 ممكن

-جولف 4
-لانسر 2001 المكوة
-هوندا من 1996:1999 طبعا ملهاش حل مواتير 1600 وموفرة جدا جدا للبنزين وقوة ملهاش حل وثبات خزعبلاوى حتى لو هتقفل امبير (العيب واطية جدا بس ممكن تعديل بسيط وتعليها سنة بدون تكلفة)


لو الكلام دة مش هينفع معاك دور على نوبيرا او فيرنا


بالتوفيق يا فندم برجاءءءءءءءءءءءءء اوعى تتسرع ولازم يكون معاك سمكرى كويس جدا وثقة

صاحب القرش صياد براحتك خالص خالص عشان متزعلش بعد كدة


لو فى اى سؤال الناس هنا كلها هتساعدك فى اى نوع تحب تستفسر عنة

[ابوالقاسم احمد]

انا فى نفس حيرتك ولسة بدور على كريستالة بحالة جيد او بومة1300 سى سى بس دى محتاجة تزود شوية على ال 60 الف ويارب يوفقك ويوفقنا فى سيارة بحالة جيد لان قرار شراء سيارة خصوصا هذة الايام امر صعب وصراحة الواحد تعبان فى الفلوس فلازم يحطهم فى حاجة تستاهل

[aboomar22]

طيب بص وانت بتدور عايزك تبص على الاوكتافيا a4 موديلات 98 -99-2000 وحاول وانت بتدور ان العربية تكون معاقين وفكت الحظر علشان استعمال الخارج بيكون احسن وكيلو متر اقل وان شاء الله هتعجبك قوى ولو حضرتك حابب موديلات عالية ممكن نوبيرا 2008 او لوجان كاملة وبالتوفيق ان شاء الله

[bikabiko2020]

ابعد عن البي واى دى السيارة بها عيب صناعة بتتقلب لوحدها على السرعات العالية و التوكيل بتاعها سيء للغاية

الف شكر على النصيحه دي .. انا كنت فعلا ميال جدا للعربيه دي

[bikabiko2020]

عندك يا سيدي

بروتون واجا عربيه محترمه جدا

فيات لينيا الموتور 1400 العادي عربيه جميله جدا بس الموتور تقيل عليها لاكن مازالت عربيه محترم

افيو عربيه عائليه ومصاريف تشغيلها بسيطه

شوف احتياحاتك وعلي اساسها اختار

متشكر جدا لحضرتك .. والفيات فعلا من العربيات اللي كانت عاجباني .. بس المشكله انا اسمع ان قطع غيارها غاليه شويه .. وبالنسبه للأفيو صغيره من جوه وانا عايزها عائليه وواسعه

[bikabiko2020]

طيب بص وانت بتدور عايزك تبص على الاوكتافيا a4 موديلات 98 -99-2000 وحاول وانت بتدور ان العربية تكون معاقين وفكت الحظر علشان استعمال الخارج بيكون احسن وكيلو متر اقل وان شاء الله هتعجبك قوى ولو حضرتك حابب موديلات عالية ممكن نوبيرا 2008 او لوجان كاملة وبالتوفيق ان شاء الله

والله انا فعلا كنت بدور انهارده على النت على اوكتافيا 2000 أو 99 ولاقيت كام عربيه كويسه بس أصحابها مبالغين جدا في أسعارهم .. يعني مثلا لقيت اوكتافيا موديل 2000 هي عامله 62000كم تقريبا ومنوال ومطلوب فيها 74000 جنيه وطبعا دي اسعار مبالغ فيها بالنسبه لعربيه موديل 2000 ومنوال كمان

[bikabiko2020]

انا فى نفس حيرتك ولسة بدور على كريستالة بحالة جيد او بومة1300 سى سى بس دى محتاجة تزود شوية على ال 60 الف ويارب يوفقك ويوفقنا فى سيارة بحالة جيد لان قرار شراء سيارة خصوصا هذة الايام امر صعب وصراحة الواحد تعبان فى الفلوس فلازم يحطهم فى حاجة تستاهل

ربنا يباركلك يا باشا وإنشاء الله ربنا يوقعك في عربيه كويسه

[bikabiko2020]

مبلغ 60.000 ممكن

-جولف 4
-لانسر 2001 المكوة
-هوندا من 1996:1999 طبعا ملهاش حل مواتير 1600 وموفرة جدا جدا للبنزين وقوة ملهاش حل وثبات خزعبلاوى حتى لو هتقفل امبير (العيب واطية جدا بس ممكن تعديل بسيط وتعليها سنة بدون تكلفة)


لو الكلام دة مش هينفع معاك دور على نوبيرا او فيرنا


بالتوفيق يا فندم برجاءءءءءءءءءءءءء اوعى تتسرع ولازم يكون معاك سمكرى كويس جدا وثقة

صاحب القرش صياد براحتك خالص خالص عشان متزعلش بعد كدة


لو فى اى سؤال الناس هنا كلها هتساعدك فى اى نوع تحب تستفسر عنة

ربنا يخليك يا رب على نصيحتك دي يا باشا .. وعندك حق فعلا الواحد مش المفروض يتسرع في موضوع الشرا .. وانا هاخد بنصيحتك في موضوع الهوندا وهبتدي ادور في الهوندا موديل 69:99
وألف شكر على النصيحه

[bikabiko2020]

يا جماعه انا مش عارف اشكركم إزاي على إهتمامكم بالموضوع

وانا بناء على كلامك ونصايحكم هبتدي اركز على الاوكتافيا 99-2000 والهوندا 96-98 لأن تقريبا هما دول الأقرب من امكانياتي والمواصفات اللي انا محتاجها

طيب بالنسبه للعربيه دايهاتسو ماتيريا ايه رأيكو فيها وفي موضوع قطع الغيار بتاعتها والإعتماديه وكده .. اصل بصراحه العربيع دي شدتني مش عارف ليه وبعدين دورت وراها ولقيت انها عربيه كويسه مفيهاش كلام بس موضوع قطع الغيار مش أوي .. فمش عارف ايه مدى صحة الكلام على العربيه دي

[abou-yahia]

متشكر جدا لحضرتك .. والفيات فعلا من العربيات اللي كانت عاجباني .. بس المشكله انا اسمع ان قطع غيارها غاليه شويه .. وبالنسبه للأفيو صغيره من جوه وانا عايزها عائليه وواسعه

بلنسبه للفيات ممكن تكون معاك حق

لاكن التفيو صغيره

لا لا لا

اسمحلي :-)

بص عليها تاني

[bikabiko2020]

بلنسبه للفيات ممكن تكون معاك حق

لاكن التفيو صغيره

لا لا لا

اسمحلي :-)

بص عليها تاني

تمام يا باشا .. هو انا اساسا مركبتهاش الا مره واحده من زمااان وكنت راكب قدام جنب السواق .. ويمكن حسيت الاحساس ده علشان انا اساسا طويل 195 سم

[bikabiko2020]

يا جماعه خلاااص آخر كلام إنشاء الله ... قررت اركز جدا جدا في الهوندا موديل 98--99 بس يا ريت اعرف منكم متوسط أسعارهم ايه والمفروض لما اختار بين كذا عربيه الأفضليه تبقاا بناء على ايه ؟؟؟

وانا اسف اني تعبتكو معايا ..