اى 30 موديل 2011 زيوررر

[aliabdo]

السلام عليكم
معدى جمب صاله عربيات جمب البيت لقيت اى 30 موديل 2011 زيوررر باللزق الى على الصاج و كياس الكراسى العربيه لسه مرخصتش فول اوبشن منيول طالب فيها 109
ايه رائيكم تستاهل و تعتبر فرصه و لا مش مستاهله
و انا وصلت مع الراجل ل 105
العربيه طاسات و تكيف و بور و سنتر و 4 ازاز و تحكم كاسيت فى الطاره بس
برجاء الرد للاهميه

تحياتى للجميع

[Mohab.Nabil]

خد بالك ان بقالها سنتين راكنة يعنى مش هتبقى كأتك جايب موديل السنة اكيد

بس انا شايف سعرها معقول مع غلو الاسعار ، هى مكانتش رخيصة فى الزيرو زمان اصلا

[aliabdo]

هى فى وقتها كانت ب 109.500

[aliabdo]

للعلم الشكل الجديد الى شبه الالنترا بيداء من 150 الف

[Mohab.Nabil]

هى فى وقتها كانت ب 109.500

طيب حضرتك لو حسبت الزيادةفى الاسعار عموما مع انها عربية stock مش موديل السنة هتلاقيها تقريبا بتعوض بعضها

فكده انا شايف سعرها كويس لو العربية عجباك توكل على الله

[جيفارا]

والله حرام عليك يا اخي.......
متزعلش مني....
105 الف ممكن تجيب لك ايه؟؟؟؟
خد عندك

تلحق اوكتافيا ايه 4 ممتازة او ممكن ايه 5
تجيب لانسر سوبر اكشن فتحة سقف اوتوماتك 1600 سي سي
ممكن صني زيرو من المعرض
ممكن النترا لحد 2011 اوتوماتيك
ممكن كورولا لحد 2010 بس تدور كويس
ممكن كيا سيراتو لحد 2010 كاملة او ممكن مانيوال مستريح قوي
ممكن تريوس لحد 2008 اوتوماتيك
ممكن فولكس سوران 2009 اوتوماتيك كاملة
ممكن اوبل فكترا الشكل الجديد معقولة
ممكن استرا كمان
ممكن شفروليه كروز كاملو اوتوماتك كسر زيرو
ممكن اوبترا زيرو او كسر زيرو وتظبط امها
ممكن رينو داستر كسر زيرو 4باي 4....
ممكن ستيب واي زيرو رينو
ممكن سوزوكي فيتارا...
ممكن بريليانس اف اس فس اوتوماتك كاملة زيرو
ممكن برليانس كروس اف ار في زيرو
ممكن بي ام دبليو موديل اول الالفينات.... الفئة الثالثة غالبا
ممكن لانسر القرش هاي لاين... وسعرها فيه كلام كتير
ممكن تقع على نيسان تييدا اوتوماتيك هاتش باك تحفة....

ممكن باسات الشكل القديم شوية لحد 2002 او 2003 مثلا عربية جبارة
ممكن فولكس بورا كمان لحد 2005 حالة ممتازة مفهاش مصروف جنيه
ممكن يا راجل تلحق هوندا يا مفتري سيتي الشكل الجديد كسر زيرو
وممكن تلحق هوندا سيفيك 2008 كاملة بس يكون صاحبها مستعجل شوية
وكمان ممكن تجيب المازدا الايرو بس الشكل القديم شوية 2007 او 2008 احسن من الاجدد بكتيرمش هتعدي 85 الف بالكتيــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــر
ممكن تلحق النترا الشكل الجديد بس صاحبها عاوز يعمل عملية قلب مفتوح ويبيع قبل ما يموت ولا حاجة

اسمح لي اقولك يا مفتري عاوز تسيب كل دول وتجيب الاي 30 وكمان منوال مسعمل....؟؟؟؟؟؟؟
ده ربنا يحاسبك على فلوسك دي يا راجل......!!!!!!
انت معندكش ولاد ولا ايه؟؟؟؟؟؟

واسف للاطالة....
بس انت برضه مفتري....!!!

[aliabdo]

و الله يا اخى انا ركبت مستعمل كتير و عايز اجيب حاجه زيزو و اشترى دماغى خصوصا لضيق الوقت و كنت شوفت دى و قلت ان السعر ده ممكن يكون فرصا خصوصا فى الغلاء الفاحش الى احنا فيه

[monamize4]

العربية مانيوال و موديل 2011

حضرتك ناوى تبيع و لا تفضل معاك فترة ؟
لازم زيرو ولا ممكن مستعمل ؟

[جيفارا]

هات لك بيرسونا اليجانس هاي لاين زيرو بقى
بيقولوا انها كويسة جدا ومفضلة للشباب...
ما دمت مش عاوز تسمع الكلام يا كبير...

[aliabdo]

ان شاء الله لو جبتها مش حبيع قبل 4 سنين و بصراحه مش عايز اجيب مستعمل تانى
و فعلا بفكر ازود 5 الف و اجيب بيرسونا او جين 2 او جراند بونتو

[حماده المصري]

ان شاء الله لو جبتها مش حبيع قبل 4 سنين و بصراحه مش عايز اجيب مستعمل تانى
و فعلا بفكر ازود 5 الف و اجيب بيرسونا او جين 2 او جراند بونتو

اي 30 افضل منهم بالتاكييييييييد

نقطه المانيوال دي المشكله انما ال اي 30 عربيه كفاءه جدا مفيهاش اي كلام

عايز اوتوماتك فكر في حاجه زيرو فعلا ممكن تركب النترا الشيب القديم موديل 2010 او 2011 كسر زيرو هتبقى حلوه ليك

وعدك بقى في المستعمل كتير وكلها ازواق

منتا ممكن تركب بورا موديل 2005 ولا حاجه مفيهاش غلطه ب 80 الف مثلا

[aliabdo]

الحمد لله انا حجزت جراند بونتو و استلم بكره على 102.5 ادعو لى بالتيسير