اشترى ولا استنى شوية ؟؟؟؟؟؟

[hplv]

السلام عليكم
-انا مقبل على شراء سيارة مستعملة (كنت هتشرى جديد بس الاسعار ضربت فى السما )
-المهم عايز اعرف اشترى دلوقتى ولا استنى شهر كده يمكن السوق يريح شوية
-انا ان شاء الله بفكر فى بومة كسر زيرو -فهل العربية دى سعرها هينزل لو السعر العام نزل ولا هتفضل ماسكة فى السعر -انا خايف اشترى دلوقتى لااسعار تنزل وابقى خسرت وخايف استنى برده الاسعار تزيد تانى .
راى حضراتكم ايه ؟؟؟؟؟؟؟؟؟؟؟؟؟؟؟؟؟؟؟؟؟؟

[Batman372]

اشترى الان ...

[AGom3a]

انا زيك ...... بس قررت أستنى السعر الطبيعي و الواقعي و اللي انا حاطه للعربية ان شاء الله لأني شايف ان الأسعار دلوقتي في السما و فلكية
لو جيه السعر دلوقتي اللي انا كان ممكن اشتري بيه من شهرين بس للأسف مكنش معايا كل الفلوس يبقى أهلاً و سهلاً ............ جيه كمان شهر أو اتنين و ماله
مجاش بقى لحد 3 شهور ...... هزود فلوسي شويه و هبقى فقدت الأمل ان السعر ينزل تاني و هنزل اشتري بالأسعار الموجوده

بس هو للحقيقة برضه في مثل دايماً بيتقال في البورصة" خسارة قريبه ولا مكسب بعيد " ...... و انا مش من أنصارة طالما انت الشاري مش البياع

و ربنا يوفقني و يوفقك :)

[el diesel]

على فكرة سعر العربيات المستعملة ما اترفعش كتير زى ما انت متخيل ومش كل الموديلات سعرها اترفع
على العموم الحالة هيا اللى بتحكم السعر مش الفيصل دائما
لو جاهز توكل على الله وشوف حاله حلوة واشترى

[rami_nassr]

و ربنا يوفقك

[Ahmed_Adham]

في المستعمل ركز في الحاله أهم لأن ممكن تجيب عربيه أقل من متوسط السوق بألفين تلاته وتلاقي نفسك عمال تصرف عليها زي ما تكون متجوز واحده تانيه. لما تلاقي حاله كويسه حتى لو أغلى من متوسط سعر السوق بشويه انت لسه الكسبان برضه.

[احمد نظمي]

متابع

[shaddadfalcon1]

كنت عايز اشتري بس قررت اشد عربيتي لان الأسعار مش طبييعه خالص ختي المستعمل ذاد من 6 الي 10 الاف

[michohat]

كل الناس بتقول الاسعار زادت علشان الدولار
وامين خزنه الشركة عندي بيقول الدولار بدء في النزول وربنا يسهل
بس يا ترى اللي طلع هينزل تاني و هياخد وقت قد ايه لحد لما يرجع السعر للسعر الطبيعي

انا برضه عاوز اشتري ومأجل لحد ما تبان لها حل

[amr011111]

اشترى دلوقتى
لو عاوز عربيه زيرو هات عربيه من العربيات اللى سعرها مزادش اوى بعد زيادة سعر الدولار
زى الصنى والتيدا
التيدا اول فئه كانت ب 115 وبقت ب 120 يعنى زادت 5000 بس وفهيا اتنين ايرباج وفرامل abs+ebd+ba ومرايات ضبط كهرباء. بخلاف العربيات التانيه اللى زى الريو الى كانت الهاى لاين ب 123 وبعدين بقت ب 135 ثم اصبحت 147

[hplv]

اشترى الان ...

شكرا للرد
بس حضرتك بتقول كدا على اساس ان السعر مش هينزل تانى ولا ايه ؟؟؟

[hplv]

انا زيك ...... بس قررت أستنى السعر الطبيعي و الواقعي و اللي انا حاطه للعربية ان شاء الله لأني شايف ان الأسعار دلوقتي في السما و فلكية
لو جيه السعر دلوقتي اللي انا كان ممكن اشتري بيه من شهرين بس للأسف مكنش معايا كل الفلوس يبقى أهلاً و سهلاً ............ جيه كمان شهر أو اتنين و ماله
مجاش بقى لحد 3 شهور ...... هزود فلوسي شويه و هبقى فقدت الأمل ان السعر ينزل تاني و هنزل اشتري بالأسعار الموجوده

بس هو للحقيقة برضه في مثل دايماً بيتقال في البورصة" خسارة قريبه ولا مكسب بعيد " ...... و انا مش من أنصارة طالما انت الشاري مش البياع

و ربنا يوفقني و يوفقك :)

والله انتا حيرتنى اكتر -انا كمان بقالى شهر بدور بس مش عارف فى ايه الاسعار بستهبل

[hplv]

على فكرة سعر العربيات المستعملة ما اترفعش كتير زى ما انت متخيل ومش كل الموديلات سعرها اترفع
على العموم الحالة هيا اللى بتحكم السعر مش الفيصل دائما
لو جاهز توكل على الله وشوف حاله حلوة واشترى

والله اترفع وجامد كمان --انا بفكر فى لانسر بومة ودى سععرها ارتفع جدا فى المستعمل ولالااسف اللحالة النضيفة بيكون طالب مبلغ خرافى لو زودت عليه 20 الف ممكن تجيب الزيرو بتاعها
ربنا يسهل ان شاء الله وشكرا على الاهتمام

[hplv]

في المستعمل ركز في الحاله أهم لأن ممكن تجيب عربيه أقل من متوسط السوق بألفين تلاته وتلاقي نفسك عمال تصرف عليها زي ما تكون متجوز واحده تانيه. لما تلاقي حاله كويسه حتى لو أغلى من متوسط سعر السوق بشويه انت لسه الكسبان برضه.

انا مدرك النقطة الى حضرتك بتقولها جدا لان ده حصلى فى العربية الى قبلها
بس اغلى من السوق قد ايه يعنى كان قدامى لانسر بتلمع حالة المصنع كان طالب 110 الف وسعر السوق 90-95 للموديل ده -شايف حضرتك الفرق انا ممكن اسامح فى الف 2 3 لكن مش 15 الف جنيه .

[hplv]

كنت عايز اشتري بس قررت اشد عربيتي لان الأسعار مش طبييعه خالص ختي المستعمل ذاد من 6 الي 10 الاف

لالااسف انا بعت العربية الى معايا من شهر بخسارة لانى كنت مستعجل والله والله ماعرفت قيمتها الا دلوقتى -يلا الحمد لله وشكرا لرد حضرتك