نيسان :صنى 2007

[hplv]

السلام عليكم
-انا كنت بدور على لانسر كسر زيرو بس مش لاقى (او بلاقى بس فى استهبال فى الاسعار )
-المهم انا قدامى نيسان صنى-اتوماتيك 2007 ex salon -فابريكة بره وحوه وماشية 30 الف كيلو (العربية لم تستخدم تقريبا )-من شخص ثقة.
السؤال بقى:
1-الموديل ده اخباره ايه هل فيه مشاكل معينة او حاجة (العفشة -الضفيرة -استهلاك البنزين-اداء المكيف-سحب العربية-العزل -هل شكلها بيختلف عن الموديلات الى بعدها )
2-ايه هيا اهم حاجة هفقدها لما انزل فى اختيارى من لانسر ل صنى .
3-العربية بالحالة دى سعرها يكون فى رينح كام -هل ركنة العربية لفترة ده بيأثر على حاجة فيها ؟
4 -ممكن اكشف على العربية فين فى القاهرة وخاصة السيدة زينب بس يكون مكان محترم ؟
5-انا كنت راكب لانسر كريستالة هل هاحس بفرق فى الصنى ولا مافيش .
واسف جدا على الاطالة على حضراتكم

[محمد ابراهيم 1]

العربية دى ممتازة لكنها ضيقة خصوصا من الخلف واستهلاك البنزين مرتفع والعفشة ناشفة جدا ودى عيوب الصنى عامة ولو انت مش حتاخدها أنا عايزها وربنا يبارك لك

[hplv]

العربية دى ممتازة لكنها ضيقة خصوصا من الخلف واستهلاك البنزين مرتفع والعفشة ناشفة جدا ودى عيوب الصنى عامة ولو انت مش حتاخدها أنا عايزها وربنا يبارك لك

شكرا لرد حضرتك
بالنسبة للكنبة الخلفية مش هيا مثلا قد بتاعت الكريستالة -والبنزين كنت قريت كذا تقرير هنا فى المنتدى بيقول ان الاستهلاك كويس بس كانت موديلات جديدة - موضوع العفشة الناشفة دى انا مش فاهما يعنى بترزع فى الحتت المتكسرة زى السيراتو مثلا
-وبالنسبة للعربية حتى الان انا ماشوفتهاش وبأن الله لو ماليش فيها نصيب هاكلم حضرتك واقولك على رقم صاحبها .

[Dr'AhmZZong]

العربية اختيار موفق جدا ما شاء الله و ده باين من انتشار الصني عموما الشكل القديم ..

عفشة العربية ناشفة فعلا .. استهلاك البنزين عادي جدا طول ما حضرتك مش بتقرص عليها و ده حال كل العربيات ..

عيييييييييوب العربية تتلخص في ضيق الكنبة الخلفية و نشفية العفشة و العزل مش قوي برده خصوصا إن صوت الموتور عالي < لكن أنا عالجت الموضوع ده بـ عزل كامل للسيارة > ..

لكن في الباقي العربية ممتازة ما شاء الله و حمالة قاسية جدا ..

و مفيش مقارنة بين الصني و اللانسر اللي مع حضرتك ..

بالنسبة للسعر بصراحة معرفش ..

ميزة الانسر بومة اللي حضرتك بيتدور عليها إنها أوسع من الصني من جوه و ديه حاجة بتعجبني فيها بصراحة .. غير كده ال 2 واحد ..

[hplv]

العربية اختيار موفق جدا ما شاء الله و ده باين من انتشار الصني عموما الشكل القديم ..

عفشة العربية ناشفة فعلا .. استهلاك البنزين عادي جدا طول ما حضرتك مش بتقرص عليها و ده حال كل العربيات ..

عيييييييييوب العربية تتلخص في ضيق الكنبة الخلفية و نشفية العفشة و العزل مش قوي برده خصوصا إن صوت الموتور عالي < لكن أنا عالجت الموضوع ده بـ عزل كامل للسيارة > ..

لكن في الباقي العربية ممتازة ما شاء الله و حمالة قاسية جدا ..

و مفيش مقارنة بين الصني و اللانسر اللي مع حضرتك ..

بالنسبة للسعر بصراحة معرفش ..

ميزة الانسر بومة اللي حضرتك بيتدور عليها إنها أوسع من الصني من جوه و ديه حاجة بتعجبني فيها بصراحة .. غير كده ال 2 واحد ..

شكرا جزيلا على الرد السريع والاهتمام
طيب كنت عايز اعرف من حضرتك شوية حاجات :
1-هل العفشة الناشفة دى حاجة تضايق اوى يعنى وهل يمكن التغلب عليها
2- العزل الكامل ده يعنى ايه -وصوت الموتور عالى للدرجة الى تزهق
3-هيا ايه مواصفات ex salon لانى لحد دلقوتى مش عارف العربية بيبقى فيها ايه
4- هيا ضيقة لدرجة ان ماحدش هيعرف يقعد ورا ولا بيبقى مزنوق
5- لو عايز اكشف على العربية فى مكان محترم ومتخصص يكون فين (وياريت حاجة قريبة من رمسيس او السيدة زينب ان امكن )

[محمد ابراهيم 1]

شكرا لرد حضرتك
بالنسبة للكنبة الخلفية مش هيا مثلا قد بتاعت الكريستالة -والبنزين كنت قريت كذا تقرير هنا فى المنتدى بيقول ان الاستهلاك كويس بس كانت موديلات جديدة - موضوع العفشة الناشفة دى انا مش فاهما يعنى بترزع فى الحتت المتكسرة زى السيراتو مثلا
-وبالنسبة للعربية حتى الان انا ماشوفتهاش وبأن الله لو ماليش فيها نصيب هاكلم حضرتك واقولك على رقم صاحبها .

ربنا يكرمك ويرزقك بعربية تسعدك
الكنبة الخلفية ضيقة بالذات لو انت طويل وحترجع الكرسى للآخر لكن لو متوسط الطول ممكن محدش يلاحظ اصلا انها ضيقة والعفشة زى انت ما قلت وزى السيراتو وده بيبقى متعب فى السفر تحديدا - أما البنزين فأخويا عنده لانسر 1300 بومه مانيوال بتعمل 600 كم فى التنك متوسط والنيسان لما تعمل ال 400 فى نفس التنك تبقى انت مش مصدق نفسك من الفرحة

[hplv]

ربنا يكرمك ويرزقك بعربية تسعدك
الكنبة الخلفية ضيقة بالذات لو انت طويل وحترجع الكرسى للآخر لكن لو متوسط الطول ممكن محدش يلاحظ اصلا انها ضيقة والعفشة زى انت ما قلت وزى السيراتو وده بيبقى متعب فى السفر تحديدا - أما البنزين فأخويا عنده لانسر 1300 بومه مانيوال بتعمل 600 كم فى التنك متوسط والنيسان لما تعمل ال 400 فى نفس التنك تبقى انت مش مصدق نفسك من الفرحة

شكرا جزيلا لرد حضرتك
صاحب العربية كلمته وقالى انه عامل وش نضافة من سنة (انا كنت فاكرها فبريكة من بره ) وهوا على استعداد تام على الكشف فى التوكيل -راى حضرتك اشترى ولا اسيبها طالما راشة بره ؟؟؟؟؟
هوا طالب فيها 72 وممكن انزل ل 70 .

[hplv]

ربنا يكرمك ويرزقك بعربية تسعدك
الكنبة الخلفية ضيقة بالذات لو انت طويل وحترجع الكرسى للآخر لكن لو متوسط الطول ممكن محدش يلاحظ اصلا انها ضيقة والعفشة زى انت ما قلت وزى السيراتو وده بيبقى متعب فى السفر تحديدا - أما البنزين فأخويا عنده لانسر 1300 بومه مانيوال بتعمل 600 كم فى التنك متوسط والنيسان لما تعمل ال 400 فى نفس التنك تبقى انت مش مصدق نفسك من الفرحة

شكرا جزيلا لرد حضرتك
صاحب العربية كلمته وقالى انه عامل وش نضافة من سنة لان العربية كان فيها خدوش (انا كنت فاكرها فبريكة من بره ) وهوا على استعداد تام على الكشف فى التوكيل -راى حضرتك اشترى ولا اسيبها طالما راشة بره ؟؟؟؟؟
هوا طالب فيها 72 وممكن انزل ل 70 .

[محمد ابراهيم 1]

اكشف فى التوكيل وال 70 كويس عليها

[jankiez]

النيسان صني عربية ممتازة
كماليات الـ Exsaloon بتبقى (4 زجاج كهرباء - سنتر + ريموت - باور ستيرنج - 1 اير باج للسواق)
بالنسبة للعفشة لأ طبعاً هي انعم من الكيا سيراتو بكتير (على فكرة انا معايا الاتنين) وانعم من البومة سوبر اكشن (العفشة الرياضية) بركبها مع اخويا

العربية تحسها راسية على الطريق (تقيلة) وسحبها ممتاز جداً جداً على فكرة النيسان صني الموديل ده (118 حصان) ام البومة (108 حصان)
ممكن تكشف عليها في السبع في زهراء المعادي هيعملو لك تقرير كامل عن حالة العربية بـ 300 جنيه وصدقنى التقرير ده مهم جداً لأن العربية لو حاجة ملعوب فيها التوكيل هيكشفها

وممكن بالتقرير ده لو لقدر الله طلع في العربية حاجات كتير ممكن تنزل في سعرها مع اللي هتشتري منه

بالنسبة لاستهلاك البنزين فعلاُ العربية استهلاكها عالي بس اكيد ما ينفعش نقارنها بعربية تانية 1300

لكن بالنسبة للعربيات اللي في فئتاها فهي تعتبر اعلى استهلاك للبنزين

العربية دي لو فعلاً 30 الف كيلو وصاحبها عاوز فيها 70 الف يبقى تمام اوي لأنها تعتبر شاذة (لو مش هتخلص يا ريت تقولى انا بدور لأخويا على واحدة وغير كدة ربنا يبارك لك فيها)

[jankiez]

تصحيح
اللانسر 104 حصان مش 108

[hplv]

اكشف فى التوكيل وال 70 كويس عليها

بأذن الله هاكشف عليها وشكرا لجضرتك

[hplv]

النيسان صني عربية ممتازة
كماليات الـ exsaloon بتبقى (4 زجاج كهرباء - سنتر + ريموت - باور ستيرنج - 1 اير باج للسواق)
بالنسبة للعفشة لأ طبعاً هي انعم من الكيا سيراتو بكتير (على فكرة انا معايا الاتنين) وانعم من البومة سوبر اكشن (العفشة الرياضية) بركبها مع اخويا

العربية تحسها راسية على الطريق (تقيلة) وسحبها ممتاز جداً جداً على فكرة النيسان صني الموديل ده (118 حصان) ام البومة (108 حصان)
ممكن تكشف عليها في السبع في زهراء المعادي هيعملو لك تقرير كامل عن حالة العربية بـ 300 جنيه وصدقنى التقرير ده مهم جداً لأن العربية لو حاجة ملعوب فيها التوكيل هيكشفها

وممكن بالتقرير ده لو لقدر الله طلع في العربية حاجات كتير ممكن تنزل في سعرها مع اللي هتشتري منه

بالنسبة لاستهلاك البنزين فعلاُ العربية استهلاكها عالي بس اكيد ما ينفعش نقارنها بعربية تانية 1300

لكن بالنسبة للعربيات اللي في فئتاها فهي تعتبر اعلى استهلاك للبنزين

العربية دي لو فعلاً 30 الف كيلو وصاحبها عاوز فيها 70 الف يبقى تمام اوي لأنها تعتبر شاذة (لو مش هتخلص يا ريت تقولى انا بدور لأخويا على واحدة وغير كدة ربنا يبارك لك فيها)

شكرا لرد حضرتك
بالنسبة للكشف هوا لازم احجز قبلها بمدة ولا ايه المطلوب والتوكيل هيقدر يقولى رشة نضافة ولا كان فى خبطات (واذا ماكنش ليا فيها نصيب هاقول لحضرتك -بس صاحب العربية بيدور لنفسه على عربية تانية وقالى سيب ليا اسبوع كدا )
وايه اخبار بنزينة كالتكس فى عباس العقاد

[jankiez]

شكرا لرد حضرتك
بالنسبة للكشف هوا لازم احجز قبلها بمدة ولا ايه المطلوب والتوكيل هيقدر يقولى رشة نضافة ولا كان فى خبطات (واذا ماكنش ليا فيها نصيب هاقول لحضرتك -بس صاحب العربية بيدور لنفسه على عربية تانية وقالى سيب ليا اسبوع كدا )
وايه اخبار بنزينة كالتكس فى عباس العقاد

بص هو الأفضل انك تحجز قبليها ولو عاوز ارقام الحجز مفيش مشكلة ابعتها لك على الخاص
بالنسبة لموضوع الرش هما في التوكيل بيقلك لو رشة نضافة ممكن ما تتعرفش لأن في صنايعية ولاد لذين ,, لكن لو رشة بعد حادثة هيعرفوها ويقولولك

الأحسن التوكيل لأن لو العربية غيرت حاجة الهيستوري بتاعها عندهم هيقلك عملت ايه ده غير انهم ناس محترفة لما هيبصو عليها ويكشفو هيبصو على حاجات ممكن تعدي على اي حد تاني

ده غير ان صاحب العربية اللي هتشتريها منه لو العربية لاقدر الله كان فيها مصيبة مش هيرضى يروح التوكيل وهيديك الف حجة

لو عزت اي حاجة انا تحت امرك

[jankiez]

شكرا لرد حضرتك
بالنسبة للكشف هوا لازم احجز قبلها بمدة ولا ايه المطلوب والتوكيل هيقدر يقولى رشة نضافة ولا كان فى خبطات (واذا ماكنش ليا فيها نصيب هاقول لحضرتك -بس صاحب العربية بيدور لنفسه على عربية تانية وقالى سيب ليا اسبوع كدا )
وايه اخبار بنزينة كالتكس فى عباس العقاد

بص هو الأفضل انك تحجز قبليها ولو عاوز ارقام الحجز مفيش مشكلة ابعتها لك على الخاص
بالنسبة لموضوع الرش هما في التوكيل بيقلك لو رشة نضافة ممكن ما تتعرفش لأن في صنايعية ولاد لذين ,, لكن لو رشة بعد حادثة هيعرفوها ويقولولك

الأحسن التوكيل لأن لو العربية غيرت حاجة الهيستوري بتاعها عندهم هيقلك عملت ايه ده غير انهم ناس محترفة لما هيبصو عليها ويكشفو هيبصو على حاجات ممكن تعدي على اي حد تاني

ده غير ان صاحب العربية اللي هتشتريها منه لو العربية لاقدر الله كان فيها مصيبة مش هيرضى يروح التوكيل وهيديك الف حجة

لو عزت اي حاجة انا تحت امرك