Tweet
السلام عليكم عربيتى لانوس موديل 2007 عيوبها: 1- العربية كانت اتخبطت خبطة بسيطة من قدام والصدر اترد ع البارد،فى ناس زمايلى قالوا نغيره اسيتراد ومفيش حد هايعرفه بس انا مارضيتش. 2-والله ما فيها اى عيب تانى المواصفة: رخصة سنتين ونص باسمى الموديل: 2007 اللون : اسود 125 الف كيلو كاملة مانيوال وجميع الكماليات تعمل بكفائة العربية راشة برة ماعدا الكابوت الدهان حالته اكتر من 90% دواخل فبريكة الصالون حالته ممتازة ( لسة مركب كسوة جديدة على فرش الفبريكة) اخر صيانة دورية كانت اول امبارح والحمد لله ماصرفتش غير تمن الشحم ال شحمنا بيه العفشة انا عامل عمرة كاملة للموتور من ثلاث شهور تقريبا( ما اعرفش دى تبقى عيب ولا ميزة) والموتور حالته ممتازة ماشاء الله العربية دى تعمل كام اذا حبيت ابيعها وايه رايكم فى العربية التريوس؟ وشكرا العربية لا تحتاج الى ربع جنيه مصاريف العربية لا تحتاج الى ربع جنيه مصاريف،
-
-
ممكن صوره للعربيه علي مكان الخبطه -
لو حضرتك حددت السعر قولى على الخاص وممكن نتفق على الشراءComment
-
ممكن من 47 الى 49 الفComment
-
تعملها فى حدود 50 الف[U]تحياتى[/U]Comment
-
موفق و مشكور لأمانتكA.HilmyComment
-
بداية اسف ال فبريكة السقف مش الكابوت،الكابوت مرشوش مع باقى العربية
اخوك مالوش فى موضوع الصور ده،الستارة معروفة ال هيا بتكون بين الفانوسين الاماميينالمشاركة الأصلية كتبت بواسطة braveh مشاهدة المشاركة
بصراحة لسة ومنتظر رأى اخوانا الافاضلالمشاركة الأصلية كتبت بواسطة a_s_a_o مشاهدة المشاركة
47 مش قليل شوية؟المشاركة الأصلية كتبت بواسطة drmsadek1979 مشاهدة المشاركة
الله المستعانالمشاركة الأصلية كتبت بواسطة ahmed legend مشاهدة المشاركة
دى نظرتى انا كمان
الله يكرمكالمشاركة الأصلية كتبت بواسطة ahmedhilmy مشاهدة المشاركة
انا لو ماقولتش على عيوب العربية ضميرى مش هايكون مستريح
انا كان معايا قبلها شاهين والراجل جرب وقالى بصراحة ميه ميه قلتله بس فيها عيب ديسك واسطوانة والكلام ده كان من 7 شهور تقريبا،قابلنى من فترة قريبة ووالله اخدنى بالحضن وقالى ربنا يكرمك والله من يوم ما اخدت منك العربية ماعملت فيها غير الديسك والاسطوانة.
فالموقف ده افضل عاندى من اى فلوسComment
-
بالتوفيق ان شاء الله فى البيعه
اللى زيك فى امانتك مش موجود اليومين دول ربنا يبارك لك
اما تحدد السعر ابعت على الخاص عشان انا بدور على عربيه لانوس ان شاء اللهComment
-
ربنا يكرمك اخى الفاضلالمشاركة الأصلية كتبت بواسطة sword00 مشاهدة المشاركة
والله انا قررت ااجل البيع شوية لحد ما ظروف البلد تستقر والله المستعان
باذن الله لما اقرر ابيعها مش ها ابيع الا لحد فى المنتدى هناComment
-
لانوس 2004
عندي لانوس 2004
الموتور خفيف شوية وسألت عليه قالولولي سنة او سنة ونص ونعمل عمرة .. الصوت عالي في بداية التشغيل لكن بعد كدا عادي .. السحب بطئ في الغيار الاول
فيها خدوش من الجنبين
عايز ابيع لظروف السفر تعمل كام؟
وهل اعمل عمرة وبعدين ابيع ولا مش هتفرق؟Comment
Comment