هيونداى النترا مو2011 للبيع

[samyomar]

النترا مو 2011 ، كامله اوتوماتيك بدون فتحة سقف او جنط ، دواخل و خوارج فابريكه بالكامل ، سماوى ميتاليك ، 80000 كم ، 5 فرد كاوتش جديد بما فيهم الاستبن ، صيانات دوريه ، الحاله العامه فوق الممتازه ، ممكن البدل بموديل اقل فى السعر شرط الحاله الممتازه جدا . السياره بالاسكندريه او مرسى مطروح نظرا لظروف العمل . برجاء السعر نهائى و لا للوسطاء . دعواتكم بالتوفيق فى البيع ان شاء الله

[khater87]

ايوه السعر كام بقي :)

[tarekmaher]

السعر كام

[samyomar]

اسف يا جماعه نسيت اكتب السعر . مطلوب نهائى 105000

[M.Al-Hefnawy]

ليا ابن عمي شاري نفس الموديل بـ 105 ألف جديدة ... صعب قوي بعد سنتين استخدام وكيلومتر مش قليل تبيع العربية بنفس سعرها جديدة.

تقبل مروري

[Walid_M]

موفق في البيع إن شاء الله ...

تحياتي

[samyomar]

الالنترا الموديل ده بالذات سعر عالى الايام دى مش عارف ليه بصراحه . بس بالامانه ده سعرها فى السوق حاليا . النهارده عرضتها على 3 تجار عربيات هنا فى مرسى مطروح و الثلاثه دفعولى فيها 100000 جنيه مقفولين . طبعا التاجر لما يشتريها ب 100 الف يبقى اكيد هيكسب فيها مش اقل من 5000 جنيه . و برضه حالة العربيه تفرق كتير جدا فى سعرها . ربنا المستعان
شكرا لكل اللى مبخلش عليا بدعوه بظهر الغيب

[sound of life]

الالنترا الموديل ده بالذات سعر عالى الايام دى مش عارف ليه بصراحه . بس بالامانه ده سعرها فى السوق حاليا . النهارده عرضتها على 3 تجار عربيات هنا فى مرسى مطروح و الثلاثه دفعولى فيها 100000 جنيه مقفولين . طبعا التاجر لما يشتريها ب 100 الف يبقى اكيد هيكسب فيها مش اقل من 5000 جنيه . و برضه حالة العربيه تفرق كتير جدا فى سعرها . ربنا المستعان
شكرا لكل اللى مبخلش عليا بدعوه بظهر الغيب

اكيد لو حضرتك جالك 100 الف من 3 تجار افضللك بيعلهم فورا وبسرعه لان السعر خرافى جدا
ومفيش داعى تعمل اعلان وتتعب نفسك عشان 5000 ج وممكن بلفصال ينزلوا صح ياجماعه ولا ايه؟؟

[Walid_M]

اكيد لو حضرتك جالك 100 الف من 3 تجار افضللك بيعلهم فورا وبسرعه لان السعر خرافى جدا
ومفيش داعى تعمل اعلان وتتعب نفسك عشان 5000 ج وممكن بلفصال ينزلوا صح ياجماعه ولا ايه؟؟

بعد إذن حضرتك .... أنا حاسس إنك موش مصدق الكلام بتاع الراجل ...

عايز أقول لحضرتك إنزل إتفرج على السوق وشوف العربية دي بتعمل كام !!!
ولعلمك في عربيات 2010 بينطلب فيها السعر ده ..

وال hd عموماً ماسكه سعر كويس !!!
وظروف البلد عامله كده ... حتعمل إيه ؟؟؟

طيب حضرتك مثلاً عايزه يبعها بكام ... عشان حضرتك تبقى مبسوط ومرضي !!!

ال 2012 الشكل الجديد بينطلب فيها 135 الف جنيه مستعمل !!! ... ده فرق موديل سنة واحده يبيع هو عربيته بالفين جنيه مثلاً عشان الناس تنبسط !!!

إعذرني أنا موش قاصدي أزعل حضرتك أبداً ... حاش لله !!!

ولا أعرف صاحب الموضوع ... وإن كان يشرفني ...

لكن أنا حاسس إن معظم المنتقدين للأسعار يا إما تجار وبيبخسوا الناس أشياءهم , وإما ناس لا تعلم إلا الاسعار القديمة ولا تعلم مستجدات السوق !!!

عذراً للإطالة وتقبلوا جميعاً فائق الشكر والتقدير !!!

[mxz911]

العربيه بصراحه انا شايف ان سعرها Over و عموما كونتاكت كارز فى كذا عربيه هيونداى النترا نفس موديل السنه 2011 وعداد اقل بكتير وفابريكه كلها وبسعر اقل من كده بكتير

[samyomar]

شكرا لكل الاخوه الافاضل اللى تكرموا بالرد . اولا انا صادق جدا لما قلت ان جالى فيها 100 الف من تجار . و نفس التجار دول ماعترضوش لما قلتلهم ان سعرها 105 بس هم قالوا ان السعر ده للركيب مش للتاجر . ثانيا فيه حاجات فى العربيه قد لا تعنى التاجر كثيرا و لكنها بالتأكيد تعنى الشخص العادى الذى يبحث عن سياره مريحه مثل حالة الكاوتش مثلا او تاريخ الصيانات و مدى انتظامها . امبارح مثلا تاجر من اللى حط فى عربيتى 100 الف كان عنده عربيه 2011 اخت عربيتى و نفس اللون بس مانوال مش اوتو . و كانت ماشيه 26 الف كم ( عداد قليل ) و كان عاوز فيها نهائى 97 الف جنيه نهائى . و لكن لو دققت فى العربيه هتلاقى انها محتاجه 4 فرد كاوتش حالا تمنهم لا يقل عن 2000 جنيه و العربيه نمر الغربيه و رخصه شارفت ع الانتهاء فكانت هتكلف ما لا يقل عن 3000 جنيه كمان مصاريف نقل و ترخيص يعنى فى الاخر انا لو اخدتها منه كانت هتقف عليا ب 102 الف علشان توصل لحالة عربيتى و برضه هتكون مانوال مش اوتو . ممكن بعض الاخوه يكون مش مصدق ان ده سعر العربيه او ان تاجر يدفع فيها السعر ده بس انا فى الاعلان بينت انى بابقى فى مطروح اغلب ايام الاسبوع لظروف عملى و هم هنا بيعشقوا الموديل ده جدا و بيفضلوه حتى عن الشكل الجديد . انا شفت عربيات هنا مو 2011 فيها فتحه و جنط ماشيه 100 الف كم و مطلوب فيها 118 الف جنيه .

[mxz911]

طبعا شكرا لرأيك بس انا قلت رأى فى العربيه دى عشان بقالى فتره متابع سعرها و مع واحد اعرفه وهيه عربيه عمليه جدا
لكن انا متابع سعر فى حدود التسعينات وكلهم حالات زى ما تقول مصنع بره وجوه
عشان كده انا قلت ان السعر كتير وعلى فكره كان فى واحد فى المنتدى هنا عارض نفس العربيه وفابريكه كلها برضه وفتحه سقف وعداد 50 الف كم ب 89 الف من فتره وانا استغليتها . لكن بعد ما شفت اعلانك بصراحه قلت معاه حق
وشكرا لتقبل رأي
و لو عاوز نصيحتى التاجر ده كرمك أوى فى السعر
وعموما اللى تشوفه وربنا يكرمك

[S O P H O S]

موفق ان شاء الله