ارجو المشورة

[mtamer_fa]

السلام عليكم
انا عاوز اشترى عربية في حدود من 50 الى 60 وكنت عاوز اشترى gen 2 لانها عجبانى وناس قلولى ممكن تجيب lancer 2002 او نوبيرا وشفت اوبل corsa 2005 سيدان
ممكن حد يقولى اجيب اية والمشكلة انى في المنصورة فالتنوع مش كتير والمعارض العربيات الى شفتها مش حلوة
ياريت حد يفدني اجيب اية واي عربية احسن في التكيف والثبات لأنى ناوى انزل السوق يوم الجمعة

[ahmedfouad]

السوق كله تجاااااار للاسف ...
عربية نظيفة يبقى من صاحبها ...
العربيات النظيفة بتتخطففى السوق من التجار
وتلاقيه راجع بيها على السوق بعد نص ساعة
ويطلع حسنته قصدى حساناته من المشترى
وممكن تلاقى تاجر موقف قدامه بتاع 3 او 4 عربيات وقاعد بيشيش :)
دور على النت هتلاقى عربيات بيتى ان شاء الله من اصحابها مباشرة
انا هرشحلك ميجان - الفا روميو 156 - فولفو
وربنا يوفقك من غير ما تشتم :))

[aboomar22]

لانسر عربية مناسبة لمصر قطع غيار متوافرة وعربية بياعة وكمان عربية محترمة ---لو انت حابب عربية شياكة وعفشة محترمة وموتور جيد وعزل ممتاز وتكييف ممتاز بس قطع غيار اغلى شوية ممكن تشوف اوكتافيا 98 -99 وياريت لو اوربى معاقين وفكت الحظر