محتار ومش عارف ارسى على حاجه

[strikeer]

السلام عليكم ورحمه الله وبركاته

ياريت حد يقدر يفدنى لان الموضوع اصبح رخم جدا
عربيه هاتش باك ، بنزين 80 ، صغيره ، تستحمل مشاوير وزحمه

* 127 سوبر فيورا

عربيه كويسه بس مقلق منها خصوصا انى جربتها معايا يومين ومش حاسس انها هتسعفنى فى المشاوير ، قطع غيار رخيصه ومتوفره وميكانيكيه بس اعطالها كتير
ماتور 900 سى سى
بنزين 80
كبراتير

* ستروين ax موديل تسعينات

عربيه محترمه وركوبه حلوه بناء على ملاكها قطع غيار مش منتشره اوى بس معمره وميكانيكية معينين نظرا لضيق الحوض
ماتور 1400 سى سى
بنزين 80
كبراتير
تكييف
سنتر
ازاز كهرباء

* جولف 1

وديه صرفت نظر عنها بسبب قطع غيارها وسعرها المبالغ فيه

* سوزوكى مارتى موديل تسعينات

قطع غيارها متوفره ورخيصه
المشكله انها 3 سلندر وحاسس ان مع المشاوير مش هتسعف او مش قويه بمعنى اصح
ماتور 900 سى سى والله اعلم

مع العلم انى لا رغب فى اقتناع الفيات بوجه عام يعنى 128 والريتمو وال 131 وغيره مع احترامى لملاكها
الرنج من 15 الى 17
انهى افضل ولو فى اى حاجه تانيه هاتش باك ياريت اسمع الاراء واشكركم

[strikeer]

ارجوا الافاده يا جماعه

[ahmedfouad]

ستروين

[strikeer]

شكرا يا استاذ احمد واتمنى الاقى برضوا اراء تانيه تفدنى

[momo100010]

ستروين طبعا
العربية دي محترمة جدا
بس اللى تلاقيه منها نظيف
انا اعدت 5 :7 شهور بدور على واحدة نظيفة

[محتاج ابترا]

ايه رايك فى فيات اونو موديل تسعينات 1000 سى سى

[lada2010]

بلاش ستروين هتندم اشد الندم انك جابتها هات 127 عربية حلوة ولو غاوى شد ان عند كيا برايد عصفزرة موديل 97 عايزة شدة سمكرة ودوكو وعفشة وهتباق تمام معاك

[aboomar22]

ماروتى عربية كويسة وناس كتير بتسافر بيها مفيش مشاكل --بس انا هقولك على عربية انا شايفها كويسة وممكن الزملاء يشاركونا الراىء مازدا 323 هاتش باك جر خلفى موتور ناعم بنزين 80 قطع غيار متوفرة اى ميكانيكى بيشتغل فيها

[S O P H O S]

رأي فقط 127