بريليانس سبلندور 2008 فابريكة كاملا للبيع... حالة ممتازة

[جيفارا]

سيارتي بريليانس سبلندور منيوال 1600 سي سي موديل 2008 لونها فيراني ميتاليك فابريكة برة وجوة بالكامل بدون خبطات او حتى ردة ع البارد

المواصفات :
تكييف جبار-باور ستيرينج- سنترلوك- 4 زجاج كهرباء-كاسيت سي دي اصلي بريليانس-كسوة جلد في قطيفة بيج-فرامل abs and ebd - 2- ايرباج 2-انوار ف الدواسات والابواب الربعة والصالون تضئ مع فتح الابواب رووووووووعة- موتور ميتسوبيشي 1600 انجكشن-كاوتش جود يير الماني
من الفبريكة205/55/16- خمسة جنوط سبور اصلي مقاس 16 بوصة-تم تغيير الزيوت والفلاتر وطقم السيور بالكامل اصلية-استبن بالجنط لم يلمس الارض..

العداد 42 الف كيلو ( عملت منهم الفين فقط)-رخصة سارية حتى اخر ديسمبر القادم-شاريها بتوكيل من المالك الاول( لواء مهم جدا بسلاح المدفعية كان راكنها ف جراج الفيلا بمصر الجديدة لوحدها وده اللي خلاني اشتريها انه كمان جابها وهو سنه ستين سنة من الزيرو يعني مبيركبهاش الا للسفر والرحلات والمشاوير الاسرية وكل ولاده كبار وراكبين كلهم اوبل واوكتافيا والتعبان فيهم راكب سوبارو !!!)
مرور القوات المســــــــــــــــــــــــــــــــــــــــــلحة بمصر الجديدة روكسي...

سبب البيع بدون تريقة من فضلكم..
الخوف الشديد من الحســــــــــــــــــــــــــــــــــــــــــــد !!!
لاني بفضل الله ونعمته عندي غيرها 3 عربيات... ومن ساعة ما جبتها وانا شايف الغل بعيد عنكم ف عيون ناس كتير ... ففكرت ابيعها جديا واقولهم المكانيكي عمل بها حادث وبتتصلح ف التوكيل مثلا !!!

هناك بعض المصروفات البسيطة جدا لمن يرغب ف الشراء بجدية...
لذلك نويت اذا بعتها عرضها على 71000 جنيه مع امكانية التفاوض المحدود بما يرضي الله عز وجل..
استعمال طبيب اطــــــــــــــــــــــــــفال..المراسلة ع الخاص لمن يرغب.. المعاينة النزهة من جسر السويس..
السيارة سليمة تماما في العفشة ( هي عفشة بي ام دبليو تصميم بورش على ما اذكر) عفشة مزدوجة
ثباتها غير طبيعي بمستوى الباسات والبي ام بلا مبالغة... الموتور ممتاز جدا.. التكييف جبار...
صالون واسع للغاية وعلى عيني افكر ابيعها بس خايف من حسد الناس عافانا الله واياكم..

[aliabdo]

بالتوفيق ان شاء الله

[جيفارا]

بالتوفيق ان شاء الله

شكرا للاهتمام وتقبل الله دعاءك

[AHMED_DINAMO]

موفق ان شاء الله

[p r i n c e]

بالتوفيق

[emilgeorge]

السعر النهائى لو سمحت

[جيفارا]

السعر النهائى لو سمحت

انا حاطط حضرتك سعر مناسب 71000 جنيه
وكاتب قابل للنزول حسب المصروفات والمعاينة والتجربة..
ومتقلقش سيادتك مفهاش مصروف ف الاساسيات الميكانيكية ولا العفشة ولا المكيف...
هتكون مصاريف بسيطة جدا ممكن انزلها بما يرضي الله ثم المشتري..فاطمئن...
انتم اعضاء محترمين وتستاهلوا احسن سعر واحسن معاملة..
ويكفي انكم بتساعدوا الناس لوجه الله بدون مقابل بالنصائح..
ممكن سعادتك تراسلني ع الخاص وتحط تليفونك وتديني سعر حضرتك وان شاء الله لو شفتها هتعجبك جدا...
فيه احد الاعضاء الكرام كلمني عليها ولكن لظروف العمل مش هقدر اقابله او حضرتك قبل الخميس
لاني بايت ف المستشفى لمدة يومين لعملي كطبيب للاطفال..
منتظر تبعت لي تليفونك وانا اسف جدا اني محطتش تليفوني ولا عنواني والله لضمان الامان والخصوصية

ملاحظة : حضرتك هتلاقيها بجد مكس بيين الالماني والياباني
عربية بجد تستاهل اعلى مكانة ف السوق ..
بس عيون الناس جابتني وجابت صحتي الارض لذلك فكرت ف بيعها !!!!!!!

[S O P H O S]

بالتوفيق