هل الاسعار كده طبيعيه؟؟

[sword00]

لانوس 99 رسه خوارج صاحبها عايز 45
لانوس 2007 سليمه دواخل وخوارج وعايز فيها 52
لانوس 2000 سليمه بره وجوه عايز 47
لانوس 2000 رشه بره وفيها خبطه فى السدر وعايز 41

[S O P H O S]

الاولي والاخيرة غالين طبعا
وبردوا الباقي الحالة العامة ايه والعداد وهل في كلام ام لا

[Mo5les]

اللانوس الزيرو الجديده ب70 الف حرام تدفع 52 الف في مستعمل او 40 الف احسن حاجه لو مستعجل حطهم في مقدم وهاتلك واحده زيرو بدل متجيب عربيه وترجع تندم زي ناس قبلك

[monamize4]

طبعا التانية افضل واحدة
و خلى بالك ان كل موديلات اللانوس مطلوبة لكن الموديل دا بالتحديد (اخر الدايو ) عليه طلب و الناس بتحبه

[sword00]

اللانوس الزيرو الجديده ب70 الف حرام تدفع 52 الف في مستعمل او 40 الف احسن حاجه لو مستعجل حطهم في مقدم وهاتلك واحده زيرو بدل متجيب عربيه وترجع تندم زي ناس قبلك

والله يا باشا ده اللى انا بفكر فيه حاليا لانى شايف جشع كبير جدا فى السوق واسعار غربيه سواء من التجار او الناس العاديه وناس كتير هنا فى المنتدى اشتكوا من انهم اشتروا العربيه وصرف عليها كثير بسبب التعرض للنصب فكده الانوس مستعمله هتبقى واقفه عليا باكثر من 50 الف

طبعا التانية افضل واحدة
و خلى بالك ان كل موديلات اللانوس مطلوبة لكن الموديل دا بالتحديد (اخر الدايو ) عليه طلب و الناس بتحبه

العربيه دى يا باشا عامله 100 الف كيلو
سوال بقى لما دى تتباع ب 52 لو عربيه 2011 او 2012 تتباع بكام مثلا
الدايو بعد 2002 تقفيل مصرى برضه زيه زيه الشيفورليه اللى بعد كده

[monamize4]

العربيه دى يا باشا عامله 100 الف كيلو
سوال بقى لما دى تتباع ب 52 لو عربيه 2011 او 2012 تتباع بكام مثلا
الدايو بعد 2002 تقفيل مصرى برضه زيه زيه الشيفورليه اللى بعد كده

بص يا باشا انا كنت بدور لواحد معرفة على عربية مستعملة و مكناش محددين نوع و فضلنا 5 شهور نتفرج ع العربيات

من اللى انا شوفته هاقولك حاجتين ,,,
اولا انسى العداد خالص و انت بتدور على عربية مستعملة لانه لا يعبر اطلاقا عن حالة العربية و اساسا التجار كتير منهم بطل يسال عن العداد و مبيسالش عنه غير اللى هيشترى عربية لاستخدام شخصى لان خبرتهم قليلة و فاكرين الموضوع ماشى بالعداد

ثانيا انا لاقيت ان اخر موديلات الدايو هى اكتر موديلات مطلوبة (الكلام دا ف اسيوط و الله اعلم بباقى المحافظات) رغم انها تقفيل مصرى و لاقيت كمان ان الناس بتخاف من الشيفرولية لانوس و كل واحد بيقول سبب و الله اعلم الصح ايه,,, يعنى انا بحكى معاك ف حالة السوق عاملة ازاى

[M.Al-Hefnawy]

اللانوس الجديدة يا جماعة وصلت دلوقتي 77 ألف جنيه .... واحد معرفة بايع لانوس موديل 2012 بـ 68.5.

أسعار العربية شدت قوي حد يصدق الاسبيرانزا 113 تبقى بـ 64 و65 ألف جديدة دلوقتي.